ساعه 3 صار هجوم ..هاونات بي كيسي ..رمانات ..طلق
من كل شي وكع ع راسنه
الكل ..تحشد للهجوم....
الليل صار نهار ..من الرمي ..
والدنيا حمرة ..
استمر الهجوم ..علينه ..
ماكو فرق بين عسكري ..والحشد ..
الكل ..ايد ..وحدة ..ووكفت بوجهه ..داعش ..
جان ..الرمي ..من كل مكان ..
كل انواع الاسلحه ..موجهه علينا ..
والي يطلع راسه ..يضربه القناص ..
حصار مصفى بيجي ..
انحصرنه ..بلمصفى ..
نطلب تعزيزات وامدادات ..بس جانت قبل لا توصل .تباد ..
اي تعزيزات متوصل ..النه ..
كل قوة تدخل تتعرض لهجوم ..
يوم يومين ..اكثر محصورين ..
ورمي علينه من كل مكان ..
لا لليلنا لليل ولا نهارنا ..نهاى ..الطك من الصبح لليل ..
..بليل ماكو نوم واذا غفينه انام ..خلف الساتر او بلخنداق ..
بدت ..قوتنا تضعف ..وشهداء عدنه .هوايه .
احنه نقاوم ..وبظهرنا شهدائنا ..مشمورين ..
لا دفن ولا شي ..
اصعب ايام ..جانت ..
جنت اسال نفسي راح اطلع منها لو لا ..
راح اوفي بوعدي الهم لو لا ..
راح ارجع لاهلي ..
ماتوقع ع الي شفته ارجع ..
حتى المصوب يبقى يمنة لا نكدر ننقله ولا شي ..
والي يطلع مصيرة القتل ..
اذا مو قصف ..
قناص ..
وعبوات ..
صار ..مصفى الموت ..
ساعه ورة ساعه يصفي ارواحنه ...
كل مجموعه محاصرة بمكان ..
الي خلص عتاده وبقى محاصر ومات ..
والي بعده يقاوم ونسمع ..مقاومتهم ..
والي نسمع منهم نداء استغاثه ..
بس مابيدنا شي للهم ..
بدة العتاد يخلص ..
اذا جنه نعالج ..بعشر طلقات للرد ..
كمنه انرد بطلقه ..
ونبقي الباقي ..
والاكل ..بدة ..يخلص شكد نريد نقتصد بي ..
يوم يومين ..مر ع الحصار اسبوع .
القتال يراد اله طاقه ..
الاكل مثل الوقود ..
بدت طاقتنا تنفذ ..
جنه من نكمل اكل ..نلم الخبزاليابس ..
ونكترة ع جهه ..
فضلات الاكل .
بايام الحصار كمنه نطلع نجيب الخبز اليابس ..
ونبلله بشويه مي .وناكله ..
كل شي خلي ينفذ ..نتحمل ..
بس اذا خلص المي ..
هنا النهايه تكون ..
بليل ..
جنت ..كاعد اني وولد ..
بعد ماهدء الرمي شويه ..
بخندق ..
عباس كال ..
ابو شيبه جنها هاي مانطلع منها ..
وبعد مارد لاهلي بلبصرة ..صوته جان مخنوك ..
كتله ..ماحسها النهايه ..بعد بينا روح..
كال..هاي النهايه ..ابو شيبه ..
جان اكو ولد ويانه ..ضابط عسكري ..اسمه ..سعد .
سعد /هذا الي يردوو نستسلم للموت ..ونضعف
عباس /هوة هذا الموت خويه ..
كتلهم خايفين ..
سمعت ..هدوء منهم ..
كالو ..موخوف ع ارواحنه ..خوف ع اهلنا ..
كتلهم نطلع منها مو وكتنا هذا
رن براسي ..لا تيتم اطفالي مرتين ..
ولا ترملني مرتين ..
جانت توجع الروح ..
كمنه نوفر حتى الكلام حتى لا نتعب ..
النوم طار من العيون ..
ويوم يجر يوم ..
وابطالنا شهداء ..بمكان خاليهم ..
جان اكو ولد ويانه دارس ..
دراسات اسلاميه ..
كال المفروص يندفنون ..
شلون ..
لازم نغسلهم ..
كال نيمهم ..
وصح بديتا نشيل الابطال ..وندفنهم ..
بدية ..دفنت ..اشلاء ..وبديه دفنت اسباع ..
وصار ..مصفى بيجي ..
مقبرة للابطال ..
جان السلاح الرئه مالتنه ..شهيق زفير ..
السحب الاقسام بدونه نموت احنه ..
كل قوة توصل تباد وتنتهي وترجع ..
ع هيج كلام شنو معنويات المقاتل ..
كوة نشجع نفسنا ..
