القربان

البارت الثالث والعشرون

لا شكرا ..ماريد تمرغ الي ..
وجرت غطها ..
صفنت عليها
وجريت رجلها ..خليتها بحضني ..
مو هو. عاد بكيفج ..افرك الج غصب ..
رفعت راسها ..
كاتمه ضحكه ..وكالبه وجهها ..
قصي نونه نايمه .لا تكعد ..
واخ رجلي هوة هيج واحد يفرك ..
كتله ولج كافي كلبي طك بعد ..ماحنيتي ..عليه عاد .
بقت ..صافنه ..
كتلها ..ها اشتغل الغباء ..
قصي ..رجاءا ..روح نام ..باجر مو تلتحق ..
كتلها ..ايبااه هاي الرجاءا جديدة ..
كالت ..ي عيني جديدة ..
وغطت راسها ..
رجعت..رفعت الغطه ..
كالت ..شو انت فد نوب مستصغرني ..
كتلها ..لا روايه بلعكس ..احب الفهاوة الي عدج ..

كومي نامي يمي ع الفراش باجر راح اني
ماريد شي .منج بس احضنج وانام

كالت وخر عيني ..
لا تحضن ولا احضنك ..

كتلها ..راح اصعد ...تعالي فوك النومه اريح ..فوك
ولا اهتمت لكلامي ..
رجعت مددت فوك ..
علاقتي بروايه غريبه ..تبتعد عني اشتاق الها ..
اتقرب ..الها ..انخرس ..والنار الي بصدري تروح ..
ويجي ابالي كل يوم مر وي ريحانه ..وشلون جان ..الجزاة بي ..
غالي ..وترخص ..بروحي ..هيج ريحانه ..
تبقى ..بحياتي غيمه سودة ..
و بلعشرة عرفت شنو روايه ..
راح اطب السنه الثانيه بزواجنه ..مشفت منها شي ..
غير الود ..
والخدمه ..
صح مرات ..تتناكر ..وتلح هوايه بس الظاهر كل النسوان هيج ..

بقيت انتظر ..دقيقه اثنين اكثر .
ماكو ..مغلسه ..
نزلت ..يمها ..
كتلها ..شفتي مينا ..
كامت ..كعدت ..وعدلت بروحها ..
اي شفت ..شبيها ..الله يستر عليها ..
مابيها شي ..
بس هاي ..15وانتي ..عود مزوجه ..ومخلفه ..
شنو يعني قصي ..؟

ضحكت ..
يعني ..اني اسف ..جرحتج هواي ..
بس جيتج مجروح ..وانتي ..داويتي جرح ..
واني جنت ..غافل معمي ..ع عيوني ..وياج..
مرة سالم ..
ومرة ..ريحانه ..
ومرة الدنيا كسرتني وياج ..

انطيني فرصه ..اعيش وياج وبس الج ..

ابتسمت ..الي ..
كالت انت اولا ابن عمتي وزوجي مجبورة وواجب اسمعك واخدمك
كتلها ماكو شي جبر ..
واتدنى الها ..واقرب نفسي ..
كالت مو شغله جبر بس تعلمت اني ومهم جهالي بحظني ..
اهم شي هذا ميهمني شي بعد ..
بس روايه ..اني وانتي ..
جاوبت بعصبيه ..عندي حق يمك ..هذا فكر ك بس
ماريدة خلي الك واحتفظ بي لنفسك ..
اني مومجرد ..اداة واجب ..انت مفتهم الدين غلط..

سكتت ..اني ..
كالت اذا ..واجبك ..تنام بفراشي منا وتروح تخطب منا ..

عود انت كفيت ووفيت ويايه مو ؟
لا حق ولا شي ..بيناتنه ..

كوم قصي ..خلي ربك يحاسبني بيك ..
راضيه بحسابه ..

روايه ليش اصعبيها علينا ..
اني ..جنت احب ..وراحت بعد ..وعايش لكم هسة
كالت اي ..واني حايط نصيص الك مو ..

تقربت اكثر الها ..كتلها ..روايه ..ع حب الله ابدي وياج ..
ولزمت اديها وخليتها ع شفتي ..
وابوس بيها ..ابديها وياي ع فطراتج
كامت ..تبجي ..
ليش ..هلدموع ..
كالت ..اخاف منك ..واخاف من الدنيا وياك لا تغدروني ..