رجعت صعدت ..
كال السايق هاك جكارة عمي تهون ..
تسلم هاي جكايري ..
كال زعلانه ..مو ..
سكتت..
كال ..عوفها كم يوم ترتاح ..
الطريق كله جانت تبجي ..
انداريت عليه ..
كال بويه بكد بنتي هاي ..لا تعاين هيج ..
بس لاتقهرها ..عندي حديثات بكدها
كتله الله كريم ..
ودرت وجهي
هاي عود نزلت ارتاح اني
الحمدلله والله يعيني ع التعب ..
رد كال شتشغل ..وليدي
كتله ..بلحشد ..و محل مال بنجر ..
كفو منك والله ربي يحفظكم ..
كال اني ..مهجر
انداريت عليه كتله خلصت عمي مضل شي وترجعون
مين ..الطيب
كال ..اني ..من .......
حي الله ..
كال حي الله اصلك ..
كال ثق بالله طلعنا بليله سودة ..
نمشي والطك ورانه ..
ان ..وكفنا ..داعش يذبحنا ..وان رجعنا بلقصف نموت ..
ي عمي ..خربت هي ..
كال ..لا ماخربت ..وربك ..
بس نفوسنه الي رضت بلخراب ..
وكاعدين نباوع عليها ..
براسي الف ونه ..وكلامه جان ..يتعبني اكثر
كال قبل لا اطلع ..لهنا ..
اسمع العالم يكولون بس ترحون يكتلوكم ..
واني ع كد حالي لا بيه اروح لربيل ولا شي
اجيت لبغداد ..
يحجي ويدخن ويسولف ..
ثق بالله بس اجرت بيت ..
وهلعالم الخيرة..دك الباب وجيب غراض..
جهزت بيت كامل من الوجوه الطيبه ..
كتله عمي بعدنه بخير
لو خليت قلبت ..
وضل يسولف الي ..شلون طلعو
ودنيا لليل ..جانت ..
كال ..احنه 5عوائل ..كلمن بسيارة ..فواحد من جيرانه
نص الطريق وكف ..
احنا مشينا عنه مسافه ..
الله وكيلك نمشي بجوله ..
وصلنه لمنطقه ضاويه ..
اكو بساتين ..وبيوت ..دكينا ع جارنه ونزلنه الزلم ..
ندك ميجاوب ..مرة مرتين ثلاث ماكو .
زين احنا كوة طلعنا من الموت وقفص داعش ..
كلي انت شحسبالك نطلع عادي ..
عمي نفر عكه ومكه يلا نوصل ..
18ساعه يلا دخلنا بغداد بيضت عيونه ..
جاركم شصار منه ..
كال ..
بطريق ..جهاله ..تخربطو نزل يجيب الهم مي ..
ضاربه قناص ..مكومه بمكانه ..
زين جهاله واهله وين ..
كال ..منعرف ..بعد الي عرفته قناص ..
ليش مارجعت ..
طلع جكارة ودخنها من جديد ..
كال ..تصدك ..لو لا ..كبال عيوني ..
اب عاف جهال اثنين ..وراح ..
شلون ...؟؟؟؟؟
كال محاوله الهروب من الموت اكثر من مرة جانت ..
كل مرة نطلع من مكان ...
اربع مرات يلا كدرت اطلع ..
فمرة من المرات مهرب يطلعنا ..
اخذت اهلي وعالم ويانه ..وطلعتا .
بسيارة جبيرة ..
صاح ..ماكدر اطلع الحمل زايد ..
شلون يعني؟::
احنا كاعدين ..واحد يعاين ع الثاني ..
محد نزل ..ضل يصيح ..مراح اطلع ..
وراح ننقصف ..منا امريكان ومنا قصف ومنا داعش ..
ارجعوا لاهلكم يلا ...بطلت ماطلع ..
من كال هيج العالم تخبلت زايد .
نزل واحد كال عندي 8جهال ..
ذب 2صغار..كله اطلع لو بعد
هنا الام تهسترت ..وتعيط عليه ولك حميد خاف الله ..
وهوة يبجي والجهال تصرخ ..
بهلحجي الام نزلت ..
وابو السيارة ..طلع ..
واحنه واحد يعاين ع الثاني ..
كال مابيها مرجله بيها لو تعيش لو تموت ..
مكدرت احجي شي ..
كال لا تحجي لو نموت 20 نفر ..
لو نضحي بواحد ..
هنااا وكفت الدنيا عندي ..وين راح نوصل ..
