القربان

البارت الثالث

ان مسيتها ادفنك بمكانك ..
اخويه ..عاط بيه ..ودفعني ..
طلع ..صالح من البيت ..كال حضرو عمامكم ..
كوامه اجيناكم ..
هاي دوسة بيت ..والا نكلبها عليكم ..
ضلو يحجون ..اني دفعني ابن عمي ..ورجعني ..ادفع ..
كلما اهد يدفع بيه ..ويلزمني
وصلت للبيت حافي ..حتى نعولي طاحن ..
طبيت ..البيت ..
و
بقى اخويه يمهم ..يتفاهم بهدوء
الطريق كله يدفعون بيه ..وصلني للبيت ..
عطت بي ..ولك احمد شنو جاهل وتريد تحبسني ..
طلعت امي ع صوتنه شكو شبيكم ..
احمد كال ..عمه الزمي هذا مخبل وراح يوكعنه بطلابه ..
مالها تالي ..عقلي ..شويه ..
اهووو عوفوني ..
سد الباب ..وراح ورة اخويه ..
مشيت خطوتين امي وكفت بوجهه الباب ..
قصي اذا عتبت الباب ..
اني فلا امك بعد ..
شجاي تسوي سودنت انت ..
يايمه شنو خلصن النسوان ..شبيك ..
راح تخزينه بين الوادم ..
ماطلع لا تخافين .
بقت يمي كاعدة ..
وانه .
ضليت اروح واجي بلحوش واحس نار بيه ..
ماعرف شراح يصير ..
بلكي الله ..يصلحون ..
ي اني مخبل وماعرف اصرف ..
بس هوة يدوس ابطني ..
طز بي .والله اخذها واخذها ..واشلعها من عيونهم ..
طبيت جوة ..
امي / راح اضل هيج رايح جاي مثل المرة التطلك
عوفيني ..يمه ..
كالت الصوج منك ..مو من احد الي يحب شي ..
يحافظ عليه ..مو توكف بلدرب ..
اكعد ..كافي قصي بزعتنه ..اكعد ..وانلصم ..
ترة الي بيه كافي وزايد ..مو مال سوالفك ..
اكعد ...يلنجر ..بيك حظ لا توكف بنات العالم بلدرب..
يمه ..
وحمه ..اسكت ..
عفتها وطبيت لغرفتي ..طاكه روحي ..
لو بيدي ..اروح اموته .لصالح شبي هذا ويايه ..
اني غلطان صح ..بس جيت من الباب ..
اسمع صوت سالم ..
طلعت ..
ها خوية شصار ..
احمد شصار فهموني ..
عافوني وراحو كعدو بلهول ..
احجو شكو .
سالم كال
هذا هوة فضت لا طلابة ولا شي ..
اييييي الحمدلله ..وخطبتوها ..
احمد يباوع ع سالم ..
سالم ..كال ماكو انسى ..لا ريحانه ولا نعناعه ..
اوكف شنو يعني ..
يعني انساها ..وكام سالم من يمي ..
ضليت اباع عليه لحد ماطلع من الغرفه ..
انداريت ع احمد ..يعني شيقصد ..
احمد هم كام ..كال ابن عمي ..عوفها مالك قسمه وياها ..
كتله لا اكيد تشاقون شنو مالي قسمه ..
شبيك قصي ..جاهل انت ..
احمد ..اي جاهل ..
كال لعد اكبر واعقل ..
انتو شبيكم ..هاي بنيتي ..
قصي خلي عقلك براسك وارجع ..للكاع ..
صالح كال ..ماعدنه نسوان للزواج ..
وابن عمها راح ياخذها ..
وفضيناها لا تكبرها وانت الي علت بيهم
اخر كلمة وكفت كل شعور عندي..
واحس..سجينه وبنص روحي ..
بقيت واكف ..عافني وطلع ..
بقيت ع وكفتي اريد استوعب كلامه يابن عم هذا ..
مشيت وطلعت ..ادور ع سالم ..
ماكو دكيت الباب بغرفته ..سالم ..
سالم ..فتحها .كال .شكو ..
شنو ..ابن عمها ..
سد باب غرفته ..وكلي الي سمعته صح ..
يعني ..
شنو يعني يعني راح ينطوها لابن عمها ..
كتله مو همه بكيفهم ..
انعل ابهاتهم ..والله ...
والله اخذ رمان افجر روحي وافجرهم ..
دفعني ..شنو هلحجي ..
والله اكسرك ..
صير بمكانهم ..اختك تعشك وتتمعشك ..وتشوفها انت ..
شسوي ..
كتله ..هاي مو اي وحدة ..
ولك هاي اني ربيتها بايدي ..
وخرو لحد يحاجيني ..
كسرني ..والله احركهم حرك ..اني ناطر ..صار سنين
تاليها هيج ..
عفته ..وطلعت اسمع امي تصيح ..
عليه ..وسالم ..
ركعت الباب البرة ..
رحت ..الهم ..احس عقلي قفل وطلع من كل شي ..
والدنيا سودت بعيني ..ماعرف وين انطي الوجهه ..
كلبي نار ...انهد حيلي ..
وصلت ..فرعهم ..
بقيت ..واكف ..اباوع ..شسوي
ماستسلم ولا انطيها اله بهلسهولة ..
اني قربانها ..
هي الوطن ..الي ..
واذا ضاعت ..يضيع وطني ..
مشيت ..قبل لا اوصل ..احس واحد جرني من ايدي ..
شجاي تسوي بروحك ..تريد تموت
اندار سالم ..
ضربني ..بوكس ..وكعني بلكاع ..
كمت من الكاع نفضت هدومي ..
وكملت مشي ..
ولك انت مخبل ..
جرني ..
اي مخبل ..
كسرني شسوي سوي ماعوفها لغيري ..
لو اموت لو اخذها ..
كلما اتقدم شويه يجرني اخر شي جتفني ..من ايدي ..
ويعيط عليه العالم التمت علينه ..
واخوانها طلعو ..
وعرفو جاي عليهم ..اني ..
من شفت ..صالح ..
كتله ولك صويلح من عيونك اخذها ..
وركضت عليه ..
ضربته ضربوني مداحس شجاي اسوي
صار رمي ..وصارت هوسة ..
وتعاركنه وياهم ..
وضربوني ..سجينه بجتفي ..بس ماوجدت الي ضربني
غفل وبظهري ..طعني ..بس مو قوي ..
لحد مافقدت ...
من العصبيه ..والضرب ..احنه 2
وهمه هوايه ..وراها جوي ربعنه وطبو ...
وماعرف شنو الي صار بعدها بس هوسة بهوسة ..
اخذوني بسيارة ..
وللمستشفى ...
الطريق ..كله يحجون عليه وبلمستشفى ..هم ..يحجون ..
اخوي ضاربي ع راسه وضبروها ..
وانه ..خياط خيطوها الي ..
ورجعنه ..
والشغله كبرت ..اكثر ..قبل لا اوصل بيتنه ..
شفت ..عمامنا وولدهم باب ..البيت ..
يمكن ..ساعتها ارتاحيت ..
وكلت اخذها غصب عنهم ..
ع الضربه الي انضربتها ..
طبينه لبيتنه والزلم كلها ..يمنه ..
وكل واحد يحجي الة حجايه ..
واني اريد اوصل ..لريحانه ميهمني ..
الي كالو ..
اني تعبت اني ربيت ..حك رباي اريدة ..
ماريد .عكلهم الي تحكم ..
يمكن الي يحجي والي يسولف اني فكري مو يمهم ..
فكري يم الصدريه ..والكصيبه ..
راحت  روحي يم الدرب والدفو ...وهناك جنه نلعب .
هنا حجينه ..هنا ضحكنه ..هنا ضيعنه اسامينا ..
من تجيني ..وهي صغيرة ..تكولي ..
قصي ..ضربوني وتاشر الي ..ع الي اذاها ..
هسة المن تكول ..المن ؟
منو الها ..
واني مو يمها
اذكر من تكول ماحسبك ..حبيب انت ..ابوي ..
وانه بنيتك وادلل عليك ..
اسمع ..قصي ..قصي ..
انداريت هاي عمي ..
كال ..احنه راح اندز الهم .عالم .ونحلها ..
قربت منه ..لزمت ايدة ..عمي ماريد شي اريدها الها ..
ضل ..ساكت ..كال قصي صويلح دربه مو تمام ..
الطلقه بالف ..يطكك ..ويضيع دمك ..
اركد ابني ..ماتسوى ..من ورة مرة ..يصير هذا كله ..
وانتو امانه عدنه ..
يعني ..عوفها ..
مرت ايام والمشاكل زادت ..بين .اهلي واهلها ..
وماصفت ..ابد ..
واحد من ولدهم ..مضرب براسه ..
واحد من ولد عمي ضاربه ..ع راسه وهم خياط ..
والثاني ..برجله ..مضروب ..
اما صويلح ..الي عرفته ..ايدة ..مكسورة ..
يوميه ..تروح عالم وتجي عالم ..
وبدت تكبر وتكبر ..
والي ماعرف عرف ..
وحجي العالم يذبح مثل السيف .
واهلي ..اذوني بحجيهم ..اكثر ..
واخوي ..يتعارك وياي ..
اووووووووو احس نفسي مدخليني ..بستريو عالي ..
هيج ..دماغي ..حتى التفكير راح مني ...
بس تبقى الونه مالتي ..ريحانه ..ميهمني لو اموت ..
بس كون ..اصفى بحضنها ..سويعه ..
والله ..ساعه وبعدها شيريد يصير ..وشيجره..
اني حاضر الة ..
صعب تسلب روح من روح هذا حالي ...
لو يحلها بجي لا اكعد مثل النسوان وانحب ..
قررت اخر شي ..
اذا مافاد ..شي
اخذ سلاح ..واروح ..ادك بابهم ..
واوكف ..
واكول ..ياهل الرحم ..ارحموني ابنتكم ..
وماطلع منهم ..الا وهمه موافقين ..علي ..
يمكن عشكنه احنه الملحان يختلف ..
يمكن يدك ..الروح ويحفر بلصدر ..
عشكنه مسودن ..مابي ..اختيار ..
لو احبك لو اموت ..
فديوم ..الصبح ..
اندكت الباب ..
بيتنه .جان  . بناءة قديم ..من هذا ..الكاع ..الكاشي القديم البرتقالي ...حتى الكراج ..
حوش ..كراج ..وحديقه صغيرة ..ومطبخ ..ويجي ممر ..
وبي غرفتين نوم ..وهول ..وغرفه فوك الي ..
كمت ..اباع ..اشوف وحدة بعباه ..
فتحت الباب ..المطبخ صحت
منو ..
يمه انه ام ياسين ..
اباوع الساعه ..بعدها ..مصايرة بسبعه ..الصبح
فتحت الباب ..هلا ام ياسين خير ..احجي ..
دخلت ..
شلونك يمه ..
تعالي طبي خاله ..
لا عيوني ..فد احاجيك واروح..
عدنه دجه ..باب المطبخ صعدة ..وفوكاها سكيفه ..
راحت كعدت ..
شوف يمه قصي ..وتمسح وجهها بفوطتها ..
ليش هيج ..سويت بينه ..
ساكت اني ومنتجي ع الحايط ..
احجي ام ريحانه كولي ..
كالت قسم بالله يوميه ..يطكوها ..بنتي راح تموت ..
كامت تبجي ..
خاله لا تبجين ..فهميني ..
شفهمك ..راح تموت ..ماتتحمل ..يمه ..ليش هيج ..
احب ع ايدك ..عوفها .
حبستني العبرة وخنكت روحي ..
عوفها ..قصي ..
بس ..ماكدر ..ماردت شي ردتها حلالي ..
كالت حلال وله لا ..قصي الي صار مو قليل ..
وانه اكولها الك ..ابني شراني فدوة..عف عنها ..وعنه ..
والله يعوضك الاحسن منها .
قصي.دخيل الله ودخيلك ماعندي بس هيه ..
ومنيتها ع ايدك ..راح تصير
عوفها ...اوعدني ..مالك شغل بيها ..
ثنيت ركبتي وكعدت كبالها ..
خاله ..صدك ..راح يزوجوها ..
ودنجت وجهي ..
كالت اي ..وبهل ايام ياخذونها ..
بس كف عنها .وعوفها تعيش ..مابيدي شي ..انه
طحت عليهم فد محد يسمع الي ..
وهي ..راضيه ..
سكتت..كالت يمه ..قصي ..رضت او لا هي تزوج ..
ابن عمها ..منير ..اي رضت ..وكالت قابله بي ..
صدك ..
اي ..والله ..انت جاهل وهي جاهله والحياه تمشي ..
يعني رضت ..
اي .رضت بي .اذا تحبها عوفها
عيوني نترست دمع كمت ماشوف ..الكاع عدل ..
كتلها ..روحي ام ياسين .
خلص ..مالي شغل بيها ..واوعدج ..لا عمام توصل ..
ولا خوال ..ولا اوصل صوبكم ..
فد طلب صغير ..عندي يمج ..
كول ..
اريد احاجيها اخر مرة ..
قصي ..اني شجاي وياك ..
اخر ..مرة والله..ووعد ..
انتهى ..كل شي ..
كامت ..عدلت هدومها واني كمت وجنت داير وجهي عنها
الدمع صعب ينفضح ..
كالت ..احاول ..
بس احلف بروح ابوك ..خلص..
قسم بترابة ..خلص ..
راحت ..طلعت ...سمعت  صوت الباب نسدت ..
غمضت ..عيوني ..
اول مرة افز من صوت واحسه يدك بروحي ..
واحس كلبي دكاته عالي ..والدم الي يمشي بجسمي
يجوي ..مثل النار ..
بقيت كاعد ..برة ..
مايفيد الحجي ..ولا الكلام ..
اذا احبها اعوفها ..بهلسهوله تنكال ..
كمت ..طبيت جوة بعدهم نايمين ..اهلي ..
سديت ..الباب ..ونسد كل ..فرح ..بحياتي
الي عايش علمودة راح ..
كاع وانسلبت مني ..
مجرد بخيالي ..احس يدوسها غيري ..اشتعل بركان ..
دك ..فوني ..
عرفتها هيه ..
الو ..
جاوبت ..الو ..
ليش ريحانه ..
قصي ..احسن ..الك والي ..
صدك ..تحجين ..واني منو الي ..
سكتت..
النه الله اثنينه ..
يعني راح تزوجين ..
اي بصوت مخنوك ..
وينه الوعد ..
سكتت...
الي تريدي اسمعه بلسانج ..
عوفني ..
بس ..
كالت
راح اروح قصي ..ماكدر احجي شي ..بعد ..
روحي ..ريحانه عمري وشبابي ..بس ..قسم بالله ..
كالت شراح تسوي ..
لا ماذيج ابد ..
بس ..الي بي اني هسة ..يرجع عليج ..ضعف
كل روح الها حوبه يم الله ..عساج لا تتنهنين
بلابيض لغيري ..
كافي قصي ..انسى ..

كمت اعيط عليها
ولج شريد احسب سنه سنتين ..خمسة ..ولج عمر
واني محبوس بعيونج ..وبس الج ..
ولج الم الفلس فوك الفلس حتة ماخلي شي بخاطرج
ولج الناس تحسب شبر شبر  بكبر جهالها ..
وانه اقيسج اصبع اصبع ..انتظر ريحانج يطك
لحصني ..تاليها ..زرعي .لحضن .غيري .يصفى . ..
شلووووووووون ..تردين مني اقبل ..
ولج ليش ذبحيني ..كولي اريدك ..
والله ..اطلع جنازة وماتنزفين اله ..
ريحانه ..
كامت تبجي ..كافي قصي ..
شوفي اذا احد يمج جاوبي بس ب اي او لا ..
قصي ..لا تكبرها ..وتاذيني وتاذي روحك ..
عوفني اعيش حياتي ..اترجاك ..
ونسد ..
شمرته حيل الفون ..وتكسر ..وتكسرت روحي وياه ..
وكمت اشمر ..بلفرش الي يمي بس نار ماتبرد ..
لا بضرب ولا عياط ..ولا تكسر ..
نار تسعر وتاكل الاخضر واليابس ..
اكلت سنيني من الصغر للشباب ..
وسدت ..كل شي بوجهي ..
لا حضيت بعشك ولا حضيت بتعب ..

طلعت ..بدون وعي ..ماعرف المن اكصد ..
حتى ارتاح ..

جانت ..بوكتها اكو ..تسجيل للي يريد ..
يطوع ..للجهاد بسوريا ..
شفت ..دربين ..كبالي ..
درب  بي دم ..وشهادة ..
ودرب بي وطن ..وعشك مجرح..
هنا..العقيدةوالغيرة  ..تنادي ..زينب انسبت ..يازلم ..

وهنا ..الدرب ..بي ..كاعي انخذت مني ..

والاثنين الي عرض ووطن ..
اجاهد ..علمود عشگ الصغر ...
لو اجاهد ..علمود العقيدة ..

وللحكايه بقيه