شوك ..عشگ..
وانحسب ..ذنب ..
ذنب مامنه ..ردة بعد ..
ذنبي اخذني الدرب ..لمحبوبتي ..وخذوها مني ..وسجنوها
بقفص ..وكصو جناحي بيها ..
لا بيه اطير الها..
ولا بيه ..ارجع ..
ولا بيه ..اشوف ..معشوكتي ..تنذبح ..
بايد الغريب ..
يناخذ مني وطن ..ويستوطن بي ..المحتل ..
واني اصفى ..وي الذكريات ..
ساعه توجع ..
وساعه تجرح ..
وساعه تذبحني ذبح ..
اخ يادرب العشگ مامنك ..مفر ..
لو طلقة لو موت .....
بقيت حاير ..استسلم بسهوله ..لو اكمل ..
لو البي النداء ..
غيرة ..وعشگ..
وين يصفى الدرب ..
بين ..حظ وبخت ..
هنا اقاوم ..وهناك اقاوم ..
حيرة ..درب ..
وصلت ..يم المحل ..كعدت ..كباله ...ع التايرات
وانتظر صاحبي يفتح ..
وين اروح وشسوي ..تعبت من التفكير ..
بس اريد سبب واحد ليش يرفضني ..مالكيت ..
كمت رحت جبت الي كلاص جاي ..وبقيت كاعد انتظر صديقي يجي ويفتح المحل ..
بقيت ..انتظر واباع ع الرايح والجاي ..
بدت الناس تفتح ..وبدت تفتح الكشكات ..
هناك واجه صاحبي ابو كرار ..
ولك شمكعدك هنا شعجب ..
وكام يفتح بلمحل ..
خيرك ابو شيبة شكو ..
ماكو شي وطالع للشغل ..
فتح المحل وطبينه بدون كلام كمت اطلع التايرات والغراض برة اريد التهي بشي اتعب
حتى عقلي يتعب وميفكر بشي ..
صاحني ابو شيبة ..
نعم ..
تعال اكعد ..
كعدت ..
خيرك ..وطلابتكم فضت لو لا ..
اي فضت .خلصت بعد ..
اي الحمدلله ..
ابو كرار ابالي حسبة ..
خير ..
اريد اطوع ..
وين بلجيش ..
لا ..
لعد وين ..
لسوريا ..
ضل يباوع عليه ..هاي شلك بيها ..يمعود..
الي بيها ..هواية ..
شجاك ..
كتله اشتهيت الموت .
اعقل وبلا خبال ..لو كلمن مثلك جان شبابنه كلها راحت
وعليمن تروح مدشوف بعيونك ياهو الي يروح
يرجع تابوت ..
كتله انه اريد استشهد هسة اكو احلى من الشهادة
كال ماعرف شكول الك .
بس فكر بيها زين ترة هيه مولعبه بلي ..
وانت تعرف ترمي لو تتكنص ..لو شي
ياعمي مو لعبه هاي ..ولا حرب الشوراع ..من نلعبها بلبلي
ولك هذول وحوش مدربين وي الشيطان ..
حتى لحم بشر ياكلون ..
ابو كرار من زمان ابالي ..اروح ..
من صارت ..
بس جان اكو شي ابالي اكملة ..وكلت اروح
والي ابالي راح ..بعد مابيها مجال ..
كال بنت ابو ياسين مو ؟ الحسبه
اي ..جنت ناوي اخذها ..واعرس وراها اروح ..
حتى اذا اموت ..اعرف بيوم الحشر قسمتي تصير ..
بلدنيا وبلاخرة الي ..
كال ..اف صدك تحجي لو تشاقه
اي والله ..صدك ..
هيج تحبها ..
كمت من يمه ورحت اشتغل والتهي بشغلي ..
ابدل دهن وبنجر وكصب ..
من سيارة لسبارة اركض ..
بس اشتغل بواهس اعمى وكالوله الكدامك بحر ..
هيج اشتغل من لا جارة واكظي وكت
جنت الم الفلس حتى خاف بيوم تحتاج شي مني ماكول ماعندي ..هسة المن المهن المن ..
محد يحس الي بيةشنو ..
ولا احد يفهم نار كلبي من شنو ..
لو بس كايله اي ..اريدك ..
والله لو اعرف اطب الهم واطلع جنازة ..اطب ..
بس ليش ..هيج ريحانه ليش..
صاحني ابو كرار اتغدينه ..
ورجعت كملت شغلي ..
وراها العصر رجعت ..للبيت .
قبل لا اوصل رحت لولد ..اعرفه حسين ..
سلمت عليه ..
حسين ..اريد اطوع وياكم ..لسوريا
ابو شيبة ..مو بهلسهولة ..
اهلك يقبلون موافقة منهم ..
اي يقبلون ..
ترة مابيها فلوس ..وتنزل بساحه قتال ..
ادري والله ..
ضرب ع جتفي عفية ..يابطل ..زينب ماتنداس
ودام عدنه زلم مثلكم ..
كتله
سجلني ..واقرب وجبه
دزني وياهم واني اجيب الك موافقه مو مشكله ..بس وياكم ..اكيد ..
بقيت يمه واسولف ..وحجي .وياه ..
وافتهم ..منه شنو اجيب وشنو احتاج ..
ورة المغرب .. رجعت لبيتنه ..
اول مرة الشارع يخنك ..واحس بي ..
فارغ مابي روح ..
وصلت لفرعنه وفرع ريحانه كبالي صار ..
اروح ..لو لا ..
احس مداسيطر ع رجلي ..
تاخذني الهم ..اريد اعرف ليش
رفضوني ..وليش .عافتتي ..
معقوله هددوها ..
شنو بيه ينعاب اريد اعرف ..
اروح لو ارجع ..
بقيت متردد ..
ابتسمت ..ورحت ..
مشيت ..وكفت مقابيل بابهم ..
بقيت واكف ..
اول مرة احس بضعف اقوى مني ..
بضعف ماكدر اسيطر عليه ولا اتحكم بي ..
بقيت واكف ..
والذكريات تلعب بيه ..
هنا كعدنه هنا لعبنه ..
هنا ضحكنه هنا بجينا ..
هنا وهنا ..وهنا ..
مرت ساعه اقل اكثر ماعرف ..
انفتحت بابهم ..
وكفت ..اني ..اباوع ..صالح ..
ضل يباوع عليه ..
واجه تمشى الي ...
خير ياطير ..شعندك هنا ..انت ماتجوز الا تموت ..
كتله ..خويه صالح ليش ؟
شنو ليش..تريد اصكطك ماعندي مانع بس واكف بعيني امك واخوك والجيرة والعشرة والله ..
ليش رفضتوتي ..
كال ..حافي ..مانطي لواحد حافي ..
يعني شنو ..
شنو شنو داكولك حافي ..ودامك خنت الجيرة ماتسنحق اشيل وانطيك مرة ..
صالح ..ماخنت دكيت الباب ..
يلا ولك جر منا لا اكسر رجلك ..
كام يستفزني وكوة لازم نفسي..
كتله ..ماهد عليك ..ولا اححي ..بس لا تضربها
بروح اهلك .ولا تغصبها ع شي ..
ولك انت متفتهم وكام يدفع بيه ..
كتله اضرب ..اضرب ..والله ماجايك ..بشر
جايك بخير ..
واذا ع فقري ..
اني اشتغل الحمدلله لله ..وعندي كم فلس وبيت الحمدلله ..
جرني من هدومي انت دتفهم الي اكوله لو لا
ولك امشي ..داكولك اسبوع الجاي زفتها امشي ..
وضربني ..بس بقيت واكف بوجهه ولا رديته ولا سويت شي
..هوة زاد بلضرب ..عليه واني ولا مديت ايدي
وكعت بلكاع كومني ..
كوم وروح والله والله ان وصلت فرعنه ..
دمك يطيح قبل لا تخطي باب بيتنه ..
روووح ..عمامك حلوها لا تخليني اكبرها
اسبوع الجاي زفتها ..عافي وراح ..
مشيت واخذتني رجلي ..
للركن وكعدت ..
عين ع فرعهم وعين ع حالي ..
والي صار بيه
ودكت بروحي كلمه ..وكلت
