ازوج مرت اخوك
لا تخليها تاخذ للجهال وتروح ..
بقيت ساكت ..
جيت تقربت منها جانت نايمه بلهول ..
كعدت بصفها..
يمه صدك تحجين لو تشاقين ..
كالت كومني يمه ع حيلي ..كومتها ..
كعدت كبالي ..
مثل ماسمعت ..قصي يمه ..عيوني عمن مجاي اشوف
الدمع اخذ منهم الشوف ..واذا راحو ويلاد اخوك اسكن كبر
اخذت وصله من كلبي ..ياقصي ..
بقيت صافن عليها هاي لحد هسة ذابه الوم علي ..
كمت ع حيلي مثل المحروك اروح واجي ..
مازوجها ابد مرت اخوي هذا ..
ماكدر ..ابد ..
الي اطلبي ..صعب كلش..
كالت قصي ..لا اول واحد ولا اخر واحد ياخذ مرت اخو ..
وهاي صغيرة ومو غريبه بنت خالك ..
وانه جنت ادورلك ع عروس ..وصارت بعد ..
رواية منه وبينه ..واذا تحب اخوك اخذها ..
كتلها اذا احبه اخذها ..يمه جاي تستوعبين شجاي تحجين ..
ماترهم ابد ..
يمه نفسه بيها ..لليوم ..
ماشوفي جان من يطب لحد مايطلع يمها وقافل الباب .
وبلسانح تحجيها تكولين ..خبلوني جهالهم فوك راسي
وهمه بغرفتهم .يسامرون .
كمت اعصب ..شلون تريدين ..اتدنه الها ..
نفسي ماتتقبلها ..ابد ..
ابد اختي هاي ..
كالت بس بيك خير يلنچر خذيته للموت ..
وكامت تبجي ..اذا تريد رضاتي اخذ روايه
وانه حاجيت خالك وكيف ..
نجيب سيد ونكطع عليكم مهر وهذا هوة..
اكلج لا تخبليني شنو هذا هوة اخوي دمه مناشف بعدة ..
مازوحها خلص ..
اذا ع المصرف هاي اخوي الصغير امير جاي يشتغل وي ابو كرار وممقصر بشي ..وياكم ..
وشيجي بايدي ادزة الكم ..
كامت ع حيلها
انت مو تعرف الله ..ورايج اجاهد ..
روح اسال بيها كلهم امي مراضيه علي ..
اريد اشوف منهو الي يلفيك بعد ..
امي ليش هيج سوين وياي عبالك فد سالم ابنج
وانه طالع من زرف الحايط ..
ليش هيج وياي ..
سكتت ..مجاوبتني..
ثلاثتكم قطعه من كلبي ياقصي ..
دمعي مانشف لليوم ..ع اخوك يوومه هذا عامود البيت
وانت مثل الموت تركض وراه وخذيته من حظني ..هسة راح وسكن طابوك .. مايفيد الحجي
وكامت تخرمش وجهها ..
ولك يومه مانام والله ولا يغمض الي جفن ولك نايم بجول بهلبرد بروحه يمه عمت عيني علليك يابعد امك ياسلوم
كتلها جاي تموتني وانه عدل هجي
كالت ومنا انت بجبهه .وبالي يمك ...
ومنا هلجهال كدامي ..
ومنا مرته بس تنحب ..
وجتني تكلي عمه اني راجعه لاهلي ..
وبيتي وانهجم شلي هنا بعد..
يمه اموت والله اذا ..يرحون منا ..والله ونصير اثنين بركبتك .
انه واخوك .
ميفيد لو شحجي مراح يفيد ..
قفلت اني موته ..اخوي ..
يعني شلون تعقلها اني اموته اني رغبته بس ..
.هو راد ..يروح ..
وانه شمعرفني راح يموت ..
انه مشتهي الموت ..
كتلها خوش يمه اني رايح وبعد ماشوفيني ابد ..
حتة ان متت تابوتي مايجي ..لهنا ..
كبل وعدل اندفن ..
كالت ..بعياط تعال المن ادافع ..
كتلي السيدة كلت اي..
وطبونه اهنا وكلت غيرتي ..
ولك ياغيرة هاي من هدام لليوم انزف شباب للموت
ولك ياوطن هذا ..ادافع عليه ..
ولك ..يا جهاد هذا ..
ولك ..تحررون ويرجعون الها ..وانه اجابل صوركم ..
يمه لا تفجع الروح كافي جرح ..واحد ..
ماعرف شكولها ..مراح تفهم ..
