يلا نزور ..
مشيت من يمها .رحت توضيت و.رحت وكفت يم الباب ..
كالت قصي ثواني بس ..
اتوضى وابدل ..
اخذي راحتج..
طلعت وكفت بلباب ..
دقايق وطلعت يمي ..
سديت الباب ..
كالت خاف يكعدون ..
كتلها لا تعبانين ..
اخذتها ومشيت ..نزلنه جوة ..
كالت الكارت قصي ..
كتلها عفته جوة بلغرفه ..
ياااا ..
ولج اني بقيته حتى الجهال لا يخافون ظلمه ..
ياااا وشلون نرجع ..
دمشي ..
اخذ من جوة ..واكوله نسيته جوة ..
طلعنه من الفندق ..
حتى ريحه الهوى هنا يختلف ..
اخذت هوى ترست ريتي منه ..
ومشيت ..
اكو بسطيات قليله مفتوحه ..وكم محل اكو ..كاعدين ..
رحنه ..فتنه مابين الحرمين ..
العالم ..تروش ..
ولا عبالك ..دنيا لليل ..
گمر كبال گمر ..يضوي
واحنه بلنص ..
كتلها تعرفين ياهو العباس وياهو الحسين ..
صفنت وضحكت ..كالت ..لا
نفس الشي ..
بس غير مكتوب عليهن ..
ضحكت ..روايه انتي ليش هلكد ثوله ..
وكفت بصفي ..كالت لا مو ثولة بس ماطلع هوايه ..
ورفعت اديها كالت ..ربي يحرسك بجاه الحسين
ويحفظك ..وينصرك ع كل من عاداك ..
كلش فرحانه ..اليوم ..
اني بجنه ..
امشي يلا ..
كتلها فوتي منا ..وهاي ..الشاشة ..نوكف يمها ..
اطلع الاكيج اهنا ..خوش ..
ضلت تباع ..
كالت خوش ..وچدت المكان ..
مشت ..
اوكفي روايه خاف تيهين ..
اسم الفندق ..............
خوش ..حفظته ..
يلا ..
ضليت واكف شفتها نزعت ممشاها وضمته ..
وطبت للتفتيش ..
اني هم ..طبيت ..
وكفت ..باب ..الجبيرة
بقيت واكف ..
الف حسبه ..ابالي ..
اريد احجيها ..ماكدر ...
مرات احضر ..امنيات وكلام بس اوصل ..واشوف المقام
كدامي يضيع مني كل شي..
بس بحس عالي ..
كلت ..نخيتك ..يابو السجاد ..
تحفظ اخوتي ع السواتر ..
وتنصرنا ..ع اعدائنا ..
ونزلت ..بلكاع ..بست ..الكاع ..
جيتك يابو السجاد ..لايذ بسدك دخيل ..
دخيلك ياباعبدلله ..احفظ ابطالنا ..
ياحسين ...
ماريد بس راحه البال ..
كمت ومشيت ..
خلي يكولون تخلف ..اني اول المتخلفين ..
مشفت ..متخلف يعشق تراب ..
وينطي روحه ..لاجله ..
هذا تخلفنا ..واحنا فخوريين بي ..
..ودخلت الضريح احس روحي طير جوة ..
ضليت اصلي ع النبي ..
واردد انصر ابطالنا ..
والكل يردد ورايه ..امين
وصلت للشباك ..
مرات اختنك ..بس من ابوس شباج الحسين ارتاح ..
عبالك ..عاشك ومغترب ووصل لديرته ..هيج روحي ..
ضاعت الامنيات ..والكلام ..
الي بخاطري بس ..ابطالنا والنصر ..
وحق اسمك ياأمامي
نحرك الدنيا لو زينب تصيح
احنة زلمك نحمي أرض الوطن بسمك
وبأسمك انزف الشباب اللي تطيح
كلنا خدام أعلى دربك
وعدنة أرض الوطن قدسيت ضريح
جان الضريح فارغ ..
وبارد ...
ودافي ..
احساس غريب ..جان ..
حسيت نفسي طفل مثل مجنت اجي وي امي ..
واضل ..افتر اللعب ..وابوس بشباج ..
هذا حبنا ..الهم من الصغر ..
من لفه الكماط للحد..
بقيت .وصليت الزيارة ..
وزرت الاصحاب ..عليهم السلام ..
واتمنى التحق ..بحافله الشهداء ..
كملت الزيارة وطلعت ..
برة ..
اباوع يمنى يسرى ماكو .
ضليت واكف هسة تجي ..
واعاين ع العالم ..
الي كاعد والي نايم ..
والاضويه ..مكان ..كلة نور ..
وبوجهي ..ابو الفضل ..
من مكاني احس كلبي يرحف ..
شلون يوم النتيجه ..
هيج حالي ..
احس احد بصفي ..
ابو شيبه ..
اندار ..ولد صاحبي ..سلمت عليه شلونك شخبارك ..
شوكت نزلت ..
كال قبل يومين ..
كتلة اني هم ...
ضليت اسولف وياه ..
ماكو ماجتي روايه ..
احجي وياه وعيني ع العالم ..
معقوله راحت للفندق خاف اني اتاخرت ..
اني المحلو بطبعي بسرعه اعصب ..
نار وشرار..
ماتفاهم بعد ..
ضل الولد يسولف ويايه ..
وبالي مو يمه ..
كال شبيك ..
كتله دانتظر الاهل ..
اترخص منك ..
عفته وبقيت امشي ..فريت الحصن فر وماكو هيه ..
اخ الله وين راحت ..
اكمل زيارة لو اروح للفندق ..
هاي لشوكت اضل هيج ..
وهاي اخر مرة اطلع وياها ..
شنو من دماغ شايله ..
صرت اعصاب ..
رديت رجعت ..لنفس المكان ....
اسمع صيحني ..
قصي قصي ..
اندار .تاشر الي ..
جيت يمها قريب ..
جريتها من ايديها وين جنتي ..
كالت ..تيهت الباب وهسة لكيتها ..
كتله ..بس انتي هيج ..هاي مو. كل العالم تروح وتجبي
ليش تخبليني ..فهميني ..
كالت قصي صوتك العالم تباع ..
كتله هو هذا انتي فشلتيني كبال العالم ..
امشي ..
كالت اني ارجع ..
وين ترجعين .
لا طلعين خبالي هنا ..عليج
كالت للفندق ..وكامت تبجي اصلا اني ضعت ولوما اسال
مالكاك ..اريد ارجع ..
مازور ..
انتي صدك تحجين ..
امشي وجريتها من اديها ..
ومشيت ..وصلت ..كتلها فتحي دماغج ..هنا ..
شفتي وين ..هنا ..
طبي زوري وطلعي ...
يلا روحي ..
هد ايدي حتى اروح ..
انتبهت لازم اديها حيل ..
وخرت ايدي ..
طبت ..
ماعرف ابقى هنا تزور وارجعها للفندق لو ازور .
حركت دمي ..
اخ ..يابه ..ومن اعصب افقد ..
طبيت ..بس ضايج .ع الي سويته ..
هذا اني .اعصب اصير نار ماحس ع روحي
شويه وابرد ..الي يسبني اضحك بوجهه ..
طبيت جوة ..
السلام عليك ياسيدي ومولاي ..ابا فضل للعباس ..
للضريح ..جوة
هنا احس بقوة وشجاعه ..
الي يريد يتعلم مرجله يجي هنا ..
وصلت للشباج ..اخذت نفس ..
كتله سيدي ..حاير اني ..
ماعرف شسوي ..
اريدها منك ..يابو فاضل ..
اريد البال يرتاح ..
انه بنار ..ومحترك ..
وداحرك الي وياي ..
