اني... انت ..ريحاينه .....ميتين ..
كتلها ...محد ميت ..بينا ...
وكمت ..مددت ع التخم ..
اكو الم برجلي بس ..قليل ..واحس ..شي مسحوب
بيها ..ومرات احس اللحم راح يطك ..
صارت برجلي حفرة ..
تكدر الجهال تلعب بيها نكر ..
الحمد لله ..ع كل حال ..
طفي الضوة اريد انام ..
قصي ..
روايه خلص طفي الضوة ..
كالت انت الا متى تبقى هيج تكابر ..
اكابر ؟
اي ..تكابر ..داكولك تحبها اخطبها ..
كتلها ماريد ..هسة اكو احد شكى الكم حالي
عوفوني بحالي ..
ماريد لا احب ولا انحب ولا شي ..
بكيفك قصي .بكيفك ..
وطلعت ..من يمي ..
وضعي ..مامستقر ابد احس كل هجوم وحرب جنت اخوضها
تاخذ من روحي ..وراح اصفى بدون روح .
فكري مشوش ..وكل شي كدامي مالي واهس بي ..
مرت الايام واني بلبيت ..بين علاج ودكتور
واقترح عليه عمليه تجميل وترقيع ..
للجلد..
بلبدايه جنت اشمئز من شكل رجلي والحفرة الي بيها
بعدين كمت اتعلم عليها ..
واني رفضت اي عمليه ..الها ..
وكتله بقيها مثل ماهيه ..
مو مهم التجميل ..
ممحتاجه اني ..
غيري فقد عين ايد رجل وعايش ..
اني وصله لحم انشالت ..
واريد اجملها ..
بقيتها ..مثل ماهي ..
ونويت ارجع لساحات القتال ..
بس بعدها اجازة المرض مخلصت ..
نذرت روحي للوطن قربان ...
وجنت اشتاق لربعي ..والجبهه ..
كلش ..
اكثر ماشتياقي لبيتي ..والجهال ..
علاقتي ..بروايه عاديه ..
اما الاطفال ..جهالي ..ماحس بيهم
اطفال اخوبه ..
امي ..مرة مرتين حجت بريحانه ..وتاليها سكتت
عبالها راح اروح اخطبها لو ازوجها ..
وبقت تون براسي ..متفيدك بنت الفكر المكطم ..
نسيت شسوو بيك ..
يمه قصي شوكت تحبل روايه ..
جا لحد هسة سكته ..مصار جاهل
ضحكت اني ..
كالت اي والله شتحبل اذا انت يوم يمها وعشرة بلجبهه ..
وترجع تكول ..خاف ..متقبل تحبل منك ..حتى يضلون جهالها عزاز ..
انه ااحاجيها خوما ع كيفها احنه ..
قصي
هايمه ..ليش مكتر روحك بلهول وتنام بي ..
مو كلت راح اسوي الغرفه الفوك ..
اي ..راح اسويها ..
ويومية اجلها لثاني يوم ..
شغل الغرفه ..
وهكذا ..يخلص يومي بين امي والجهال ..
فوني بعد الحادث الي صار ..راح ..تكسر ..
وكل ارقامي ..راحت ..
اشتريت فون جديد ..
وكمت يوميه ..اخذ الجهال واطلع ..مخنوك ...
اكو يمنا ساحه ..
وبيها منتزة ..صغير ..
خالين بي مرجوحه ..مشلعه ..
وزحليكه مزنجرة ..
والجهال عليها سرة ..
حتى اطفالنا احلامهم بسيطه حيل ..
يوميه العصر اخذهم ..وامشي
حتى ..رجلي لا يبس اللحم ..بيها ..
وصير بيها مرونه ..
اروح اكعد واعاين ع الجهال ..
شكد حلويين ..
بس انقهر عليهم ..
وين مستقبلهم ..اكيد يضيع مثلنا ..
شلون احنه مضاع مستقبلنا ..
ايام طويله ..
ردت اعرف شي ..
احنه انحارب لوطن
لو الوطن ديحارينا ..
كل ..الشعوب سقطت ..نظام ..
بس احنه ..حكومتنا سقطتنا ..
