سالم ماات
مو كلمه وسمعتها احسها سيف وفشك صدري ..فشك
مثل الجاهل كمت ع ربعي اوعي بيهم والطم ع راسي
اخووي مات ولكم اخوي ..
احس الولد لزموني شبك ..حيل من ايدي ..
كعدت بلكاع كعود ..وبس ابجي ..
مابيها عيب ولا بيها زلم ..
هذا اخوي ..وانكسر ظهري ..
ساعه يلا استوعبت ..
وعرفت بي مستشهد ..بفلوجه ..ومضروب طلقه براسة.. ..المن اخابر والمن اكول
المن انشد ..
جا امي اذا تعرف شسوي
بوياااا بويااا ..
هاي الجيله ردتها تطفى بنص كلبي
طك براسي مو اله ..
انه جيت اموت ..
جااا يلموت ماشوف ..
هاي اني ..كدامك
ليش رحت اله ..
ياااموت كبالك صار اشهر ..ماجيت ..
ليش كسرت ظهري باخوي ..
كعدت الطم مثل النسوان ..امي شلون اكول الها ..
شلون اوكف كدام مرته وجهاله ..
اسمع حرام تكول هيج ..
هذا شهيد يم الله ..
وكلنا جاين ع الشهادة ..
كوم ابو شيبه عيب هيج تسوي ...
رفعت راسي الامر جاي ..عليه ..
غمضت عيوني ..
ماكدر احجي ..شكول اله ..
انه جبته وجلبت بي هنا ..
وامي تتوسل بيه ماترضى ..
يجي ..
كمت ..ونزلني ..لبغداد ..ونزلو ويايه ولد ..
الطريق كله اني الدمعه مافاركت عيوني ..
اتفقنه بمكان وجابو ربعه ..
اشوف من بعيد ..سياراتنه ..وبلبدي تابوت ..
وعليه علم ..
.........
ي ماي السلسبيل شلون تتبدة
استعجلت الرحيل وماالك ردة
لا ياخوي
مو هيج العشم بالموت
انة متانيه من أيام هيج يمرني وتعدة
يتعدة وخذاك شلون
كطرة مستحا مانزلت واخذاك
ياخوي خذت حيلي كون الرايح أنة وياك
ياخوي شكل لامي ردلي اجواب اترجاك
شكل لابنك لمن يسأل ومايلكاك
شكل للبيت من اكبل
وهو متانيك ي معدل
اجيبك الهم محنة
محنة لزينب بدماك......
اخذنا بموكب وتشيع جبير ..جان
بس ماعرف شلون اوجهه امي ..
والطريق كله اني نايم ع تابوته واشم بي وابوس
خبرت اعمامي وخوالي ..
واكيد امي عرفت ..
طبينه للمنطقه ..
وانه نايم ..ع التابوت ..حتى التابوت ينكط دم ..
صوابه حار ..كون عمت عيوني ولا شفت هليوم
اخ الله شلون امي ..لو شافت دمة
مستحي يايمه ..اخذته برجله ..
ارجعه ..بتابوت ..
وصلنه للفرع ..
اشوف الشارع من الراس للراس متروس وادم ..
بس فاتت الجنازة اشتغل الرمي ..
وكفنه ..انه مدنج ..ع التابوت
اسمع هلاهل ..مبحوحه. ومخنوكه
هذا الحس اعرفه ..
تصيح عوفوني والله ماسوي شي وكللليشششش.. ..
اريد ارفع راسي ماكدر ..
بس احس شي يوكع ع راسي ورجلي ..دنجت اشوف جكليت
رفعت راسي امي ..
شادة عصابتها ..واكفه تهلهل ودمعها يجري ..
وطش جكليت ..
احسها مدشوفني ..
وتدفع بلي يلزموها ..
يمه سالم يابعد روح امك ..يمه عمت عيني عليك
ولك قصي ليش ليش ..
دنجت ..ماكدر ارفع راسي
كالت متعلمه اطببك بجكليت وهلاهل سالم ..
وهذا ملكاي الك ..
وادفع بخواتي ووخالاتي ..
جروها ..طاحت بلكاع ..
جرو التابوت مني ..
صرخت امي ..بعلو حسهها
اسم الله عليك يوووم اسم الله لا جروة هجي لا تكعدو لا تاذو ..ع كيف وياة ..
.........
اريد اشرد وين اروح ..
انهد حيلي .
اخوي منا ..وامي منا ..
وين اروح ربي ..
ماطبيت البيت ولا كدرت اطب ..
كملو من الوداع ..
ودفنت اخوي بايدي ..
وعدته اخذ بثارة ..وثار اخواني الي طاحو
ووعدته جاي وراك انه ...
ان شاء الله ماطول ..
.
3ايام الفاتحه وانه مابات بلبيت ماكدر ..
ادخل ولا اكدر اواجهه امي ..
انام بلجادر بشارع والولد يمي ..
كل شي بلحياه ..بجفه والي صار بيه جفه ..
مايوصف شي لو احجي منا لسنه ..
مايكفي ..
شلنه الجادر والولد الي يمي كلمن راح لبيته ..
واعمامي كوة طببوني للبيت ..
طبيت ..
بعدها اكو عالم بس اهلنا مو غربة ..
امي كاعدة بلكاع ..ومرته وجهال اخوي يمها ..
كعدت كبالها ..
وثنيت رجلي .ودنجت .وغطيت راسي ..بين رجلي
لا حجت ولا كالت ..
كون تحجي كون طكني ولا ضل ساكته ..
عافتني وكامت ..
انه شفتها هجي ..كمت صعدت فوك ..
ضليت الوب اروح واجي ..
واضرب ع صدري حيل كون الله ويوكف ..كلبي
واخلص ..
دك فوني ..
بدوت ماشوف ..
الو ..
عرفتها ..
شتردين ..
البقيه بحياتك ..
رحم الله والديج ..وحياتج الباقية ..
شلونك قصي ..
ريحانه شتردين انتي ..
بس جايه اسلم عليك واخذ من خاطرك ..
مشكورة ماتقصرين..
انت ليش هجي سوي ..
ولج لا تخبليني شتردين ..مو كتلح لا تتصلين بعد
تفهمين لو لا هسة مو فد صالح بدربج صالح ورجلج
هذا هوة انتي كلتي عوفني اعيش ولا تتعرض الي بعد
كالت مجبورة جنت ..
كعدت ..بلكاع ..كولي،الي تردي شنو ..احجي ..
كالت اريدك الك ..
اكلج ..دشوفين حالي لو لا ترة انه لا بحال كلامج ولا شي
كلبي مورم وطاك يابنت العالم
اني حظي طايح ..بكل شي ..
لا تجين فوكاهن انتي ..روحي .
كالت ..ماريد شي بس اسمع حسك ..
استغفر الله ..روحي هسة ..كلما اريد انساج تطلعين الي ..
