عسى يفتديك لسان شاعرك و حصانه

بارت ٢٠

تقديرًا لتعبي نجمه
• • •
بلع ريقه خلف لما سمعها و شدّ على اللعبه اللي ماسكها و همس بينه و بين نفسه و هو يغمض عيونه و يناظر للارض: لا تبكين لا تبكين لا تحرقين دمي لا تبكيين
عضّ على شفته لما سمع شهقاتها اللي تحاول تخفيها و تهديها و نطق: اذكري الله ، لا تبكين
بلعت ريقها وهي تاخذ نفس و تحط يدها على صدرها و تناظر للشباك و كيف هو صاد معطيها ظهره و ماسك الدب على الارض ، ضلّت ساكته و تناظره و هي سانده ظهرها على الباب ، تنهد خلف من لما سمعها هدأت و سكتت و نطق: البكاء مامنه فود ، و هذا ابوك بالنهاية
بلعت ريقها و هي تنزل أنظارها للإرض و تنطق بـ نبرة تعب و أنكسار: تعبت
بلع ريقه من لما سمع نبرتها و عضّ على شفته بـ قهر وهمس بينه و بين نفسه: يعقب التعب
و رفع رأسه يناظر القمر و نطق: شكلك ماسمعتي للشاعر اللي يواسي خويّه
التفتت له و هو معطيها ظهره و يناظر القمر و ينطق:
رفيقي لا تحزن والله ان الصبر مطلوب
تصبّر و انا مثلك على دنيتي صبار

بلعت ريقها وعد و هي تتكتف و تميّل رأسها على الباب و هي تمسح دموعها بالمنشفه اللي نزلتها على اكتافها و تسمعه يكمل الابيات:
ترا دمعتك تثّر على الشاعر الموهوب
و عشانك بكيت يبكي اقرانة الشعار
نطقت وعد وهي تاخذ نفس: منهو شاعرها ؟
تنهد وهو يبتسم و ينزل رأسه للأرض ولا قالها أنه هو اللي كاتب الابيات ونطق: هذا واحد شاف واحد غالي عليه يبكي و كتب به هالابيات ، تذكرتها الحين و اعتبريهم مواساة لك لاني والله ماعرف اواسي ولا افهم بهالامور مير يابنت بدر لاعاد تنزلين دمعتك على شيء ولا تتعبك تفاهات الدنيا تراها ماتسوى و انا اخوك
ابتسمت وعد بـ خفوت و هي تتنهد و تتكتف و تنطق: عمري ما اشتكيت لأحد ، أنا بخير
بلع ريقه: لا تشتكين لأحد ولا تشيلين هم شيء ، الدنيا يوم لك و يوم عليك و انتي تحملي و ربي يجازيك
تنهدت و قالت: عجبتني الابيات
نطق: فيه غيرها كثير تبين تسمعين ؟
التفتت له: ابي اسمع
ابتسم بـ خفوت و هو يجلس على العتبه و ينطق: هذي واحد يواسي قلبه ، اسمعيها و ركزي ب كلماتها
تنهدت و هي تغمّض عيونها و تسمع كلماته اللي يقول فيها:
ياسعود لا تحزنك الايام ياسعود .. خلّك على جورات الايام صابر
ولا كانت الضيقه مع الناس تزود .. اصبر على ضيقتك بالله كابر
ابتسمت وعد و هي تمشي لين الشباك و نطقت: اسمه سعود ؟
خلف: بعض الشعار يسمّون القلب سعود ، مثلًا ياسعود لا تحزنك الايام ، هو كذا قاعد يواسي قلبه
ناظرت له و هو صاد و يناظر السماء و الدُب بجمبه و نطقت:ما احب الشعر
خلف حسّ بأنها خلفه من صوتها اللي صار قريب و نطق: افا
نطقت وعد: ما احبه بالمرّه
خلف عقد حجاجه: فيه احد مايحب الشعر ! هذا الحياه كلللها
وعد: لا تبالغ هذي كلمات عاديه لكن الابيات هذي جذبتني
ابتسم و قال: تبشرين يابنت بدر ، فيه مليون غيرها تبين ننوّع ؟
وعد حطّت أكواعها على الشباك و يديها على خدها و نطقت: اللي تبي سمعني
بلع ريقه و قرر يتشجّع و ينطق أول منطوقاته اللي كتبها بها هي ، كان بيقول ابياته اللي لطالما يكتبها لها ولا تسمعها ولا تدري عنها قرر اليوم يفضح ابياته اللي يخفيها و قرر ينطقها للشخص المقصود لكن بدون علمه ، تشجّع و قال: اسمعي ذي ابيات واحد هايم بحب ناقه ، و يوم شافها تبكي كتب بها ابيات
ضحكت و قالت: ناقه ؟
ضحك و قال: اايبالله ناقه
قالت: و الناقه تبكي ؟
رد بـ ضحكه: ابك ليه ماتبكي عندها احساس ترا زينا
ابتسمت و نطقت: اسلم
تنهد و هو يناظر القمر:
لاتضيقين والدنيا ماهي راس مال
‏ولا تحاتين هالدنيا .. ولا ناسها