ម្ចាស់គ្រងបេះដូងភ្លើង (ចប់)

១៩

ភាគទី១៩

ខ្ញុំអ្នកខុស

ខេតធី បានដើរតិចៗទៅឈរនៅក្បែរគ្រែរបស់អេឌែន ដោយឱបដៃ ឱនមុខចុះ ។ ចំណែក អេឌែន វិញមិនដឹងនិយាយអ្វី ព្រោះឈឺមុខរបួសផងនោះ ក៏សំងំបិទភ្នែកដេក ធ្វើជាមិនខ្វល់នឹងនាង ។ សកម្មភាពគេពេលនោះ ខេតធី ឃើញហើយសឹងតែចាប់បោចសក់ បញ្ច្រាស់ចុងឲ្យណាណីម្ដង ។

“លោក!!” ខេតធី ងើបមុខមកវិញ និងស្រែកហៅគេខ្លាំងៗ ។

“វាយ៉ាងមិចនាង?” អេឌែន ងងុយក៏ងងុយ តែនាងម្នាក់នោះមកឡូឡា មិនឲ្យគេបានដេកពួនទេ ។

“និយាយគ្នាឲ្យដឹងរឿង”

“ចាំនាងចិត្តត្រជាក់ ចាំមកនិយាយជាមួយខ្ញុំ ខ្ញុំមិនចូលចិត្តកូនក្មេងឆេវឆាវដូចនាងទេ” និយាយចប់ គេក៏បិទភ្នែកសំងំដេកតទៀត ។

“អ្នកណាបាញ់លោក?” នាងសួរគេ គ្រាន់តែចង់បញ្ជាក់ ពីការគិតនាងប៉ុណ្ណោះ ។

“នាងកុំបាច់ដឹងអី…វាគ្មានប្រយោជន៍”

“ជាគ្រួសារប្រេដមែនទេ?” បើគេមិនប្រាប់នាងត្រង់ទៅហើយ នាងគួរតែសួរគេចំៗវិញ ។

អេឌែន មិនទាន់ឆ្លើយ តែគេបើកភ្នែកសម្លឹងមើលមកនាងជាមុនសិន

“នាងមិនគួររវល់នឹងពួកគេតាំងពីដំបូង ខេត!” គេបែរជានិយាយអ្វីផ្សេងពីសំណួរនាង ។

“ចុះលោកវិញ? ជាមនុស្សល្អណាស់មែនទេ….លក់អាវុធខុសច្បាប់ នេះសំណាងហើយដែលខ្ញុំមិនប្ដឹងប៉ា-ម៉ាក់របស់លោក” នាងមិនយល់សោះថាហេតុអីនាងចេះតែចង់ប្រកែកនឹងគ្នាបែបនេះ? នាងមកនេះគឺចង់ផ្សះផ្សារ

“នាងទៅផ្ទះ…ហើយដេកគិតពីសំដីនាង បើគិតមិនយល់កុំបង្ហាញមុខឲ្យខ្ញុំឃើញទៀត” អេឌែន បែរខ្លួនទៅម្ខាង ហាក់មិនចង់សម្លឹងមើលមុខនាងទៀតឡើយ ។

“ស្អីលោក!! គិតតែពីដេញៗ ខ្ញុំនិយាយការពិតសោះ យ៉ាងមិចទទួលយកមិនបាន? លោកសំណាងប៉ុណ្ណាហើយ ដែលខ្ញុំព្រមរៀបការជាមួយលោក-”

“ខ្ញុំប្រាប់ឲ្យនាងទៅ!!” អេឌែន តម្លើងសម្លេងបន្តិច ដោយមិនងាកមើលមុខនាងឡើយ ។

ខេតធីវិញ ខឹងឡើងញ័រខ្លួនប្រុសម្នាក់ម្នាក់នេះ យូរទៅកាន់តែខ្លាំងដៃហើយតើ