Last week noong Friday ang Halloween Party namin. Katulad lang naman siya ng mga nagdaang Halloween Parties kaya hindi ko na isinulat. Last Saturday naman, kuhaan ng class cards. Na-maintain ko naman ang grades na gusto ko.
And then sembreak. Monday and Tuesday, nag-entrance exam na ako sa mga universities kung saan maganda ang offer nila sa course na gusto ko. Hindi lang halata sa itsura ko pero balak kong mag-Fine Arts. Gusto kong maging fashion designer kagaya ng Mama ko.
Anyway, tambay day naman ako today. Walang magawa dito sa bahay. Medyo odd nga dahil dati-rati naman, okay lang na mapag-isa ako. Pero ngayon, nabibingi ako sa sobrang katahimikan at sobrang boring talaga.
Wala pang online sa mga kaibigan ko. Chini-check ko ang account nina Kasper, Ara, Mina at Rose at kataka-takang inactive sila! Wala man lang silang kahit isang status tungkol sa sembreak! Ganun din si Deane. Kahit sa mga personal message ko, hindi siya nagre-reply.
Sinubukan ko na nga rin siyang tawagan pero ang sagot lang, 'The subscriber cannot be reached. Please try your call later.' Busy siguro.
Nagpapa-miss ba sila? Kasi kung oo, effective. Miss na miss ko na sila. Pinagdarasal ko na lang na sana matapos na itong sembreak.
