كسرتني امرأه --باللهجه العاميه --

بارت 34

كسرتني أمرأه
🌹
بارت 34#بقلني آنيين الليل
🌹🌹🌹🌹🌹🌹🌹🌹🌹

مرحبا يا احلى قراء ##
صديقاتي يكلولي اتركي لا تنشرين لان التصويت قليل والقصه تستاهل أكثر
وبصراحه اعرف القصه تستاهل تصويت وقراءه مو لان انا الي كاتبتها لا بس لان يوجد الكثير من القصص
الركيكه لكن الها تصويت وتفاعل بس برغم هذا الشئ اعرف بأن طريق المليون ميل يبدأ بخطوه
وفرحت من انتم فعلا تنعجبون بكتاباتي
💛💚شكرا الكم 💗💖

انا جاي اكتب قصه حقيقيه اسمها ##لست خائنه##
هاي القصه شامله
💛💚حب
💚❤خيانه
💕💟جشع
##أشياء لا تخطر على بال أحد
##ظلم
##وهم
اريدكم معاي من ابدي انشرها
تدرون 💖💕💖💕انا احبكم كومايات 😚😘😙💙💙💙💙💙💙

تقوى
صحت البشائر إجت يمي فتحت الصندوك بالمفتاح ولكيت جنسية أحمد وعقد زواجه هو وناديه وصورة الهم
وصوره شايلين بشائر يمكن عمرها ايام بشائر لزمت الصورة واشوف الدمعه بعينها انا حظنتها بعدين لكيت
جنطه زغيره فتحتها لكيت محبس ذهب وحلقه ولكيت ورقه مكاتبه بين أحمد وشريك ويا بالعمل اسمه مجيد
ولكيت سند طابو البيت الي احنه كاعدين بي ام احمد الله يرحمها مخليته باسم بشائر باوعت البشائر كتلها
=شفتي بشورة بعينج هذني مالاتج حافظي عليهن ديري بالج تجيبين طاري الأحد ابد
وسالتها كتلها=انتي تباوعين للصورة وجاي احس بيج تردين تبجين رغم ما شايفتهم حنيتيلهم

هي جاوبتني بس ها لمرة ما كدرت تحبس دموعها
::تقوى أي حنيت ليش كل البنات عدهن ام وأب وانا ما عندي تدرين تقوى أكثر شي المن أحن
البابا لان احس بي راح مظلوم وكل ذنبه حب امي حباها بعقله وبكلبه وشوفي النتيجه همه
راحووخلولهم ابنيه ما الها أحد عايشه بهالدنيا
=افه عليج بشورة زعلت وانا ومهاب وين رحنا
بشائر //شنو تبقون دوم وياي لا بد يوم ترجعون الاهلكم

=انتي اهلنا حتى لو نرجع مهاب ما يعوف خالته هذا ما تعرفي حنين مثل امه بس عنودي مثل أب ،،
بشائر //كملي ليش سكتي
=شكمل شكلج انتي شبعانه نوم مرتاحه
اي نيمت هوبي بحظني ونمت
=يالله استعدي وراج دوام وامتحانات
اكلج تقوى اريد احجي وياج بس وعديني لا تزعلين
انا بقلة صبر ==ما أزعل احجي اسمعج

بشائر //احم اكلج تقاوي انا بس اكمل السادس وانجح ما أقدم كليه اشوف لي شغله واشتغل واذا ماكو أفتح دورات
وادرس الطالبات
انا سمعت هيج إلا ودي اكوم اكسر بشائر تكسير واكتلها صرت احجي وياها بنتر
=اسمعي ولج تلث أشياء لا تتخلين عنهن لو تموتين كرامتج وشهادتج وهذا البيت هذني التلاثه حافظي عليهن
لان هنه سندج بالحياة ويالله كومي خلي نسويلنه لكمه

هي طلعت الاكل الي بقى من البارحه وحمته گتلها =عفيه بالشطورة خلي نصلي وانوب نصب ونأكل

واتغدينا كتلها حضري واجباتج وكمت غسلت المواعين وغسلت  ملابس وصليت وسوينةعشا ونكعت الباكلا
وكعدت شويه لعبت مهاب ونمت والفجر طبخت الباكلا وصليت وندهت بشورة واجه ابو قيس اخذ
الجدر والمواعين وراح وبشائر تريكت ولبست ملابسها الجدد احس بيها فرحانه بيهن رغم حزنها وداومت بشائر
وانا ابقى بالبيت احضر الها الاكل واغسل ملابسها اكعدها تدرس واراقبها وامتحنت نصف السنه