كسرتني امرأه --باللهجه العاميه --

البارت الحادي والعشرون

كسرتني أمراه
البارت 21
بقلمي //انيين الليل //
طبعا هذا البارت هديه للاعزاء  الي نجحوا وعبرو  مرحله يستاهلون  الشطار  😚😚😚😚

💛💚💙❤💝💘💗💖💕💔💓💜💛💚💙❤💝💘💗💖💕💔💓💜

رياض
ورة زواج عباس سافرت وحاولت ما انزل قررت انطي التقوى فرصه علمود تراجع نفسها ظليت اضغط
على أركان علمود يقنع تقوى ترجع
اركان كان وياي ضد أخته لان اركان بصراحه طماع وزوجته أطمع منه لذلك لمن جنا ابغداد خابرني عرفت
انو اكو محل يريد ياجره ويخلي بي بضاعه وهو محتاج فلوس انا كتله اجره ودزيتله فلوس وجان الربح بالنص
مع العلم ادري باركان ما يحاسبني ع النص بعد ما اجت تقوى صرت اعرف اخبارها من عنده وشنو جانت 
تسوي لا تطلع ولا تمشي بس جانت تريد تكمل دراستها
من سمعت گتله ::اركان ممنوع ترجع تقوى للمدرسه واذا رجعت اخليها جوة ويل السياره واعوقها
اركان // على كيفك رياض اصلا انا ما قبلت ترجع
:: هاي شبيك چنك ما راضي على كلامي لاتنسى هيه زوجتي
اركان // ما ناسي وانا هم اخوها
بقيت ابغداد بس جنت مطلع عمال البيت المزرعه بالحقيقة عدت بناءه من جديد سويته فيللا
بيوم  كاعد بالمكتب وخابرني المقاول كال كملنه البيت ينراد بس تجي وتشوفه بقى بس الكهربائي يكمل الاضويه
البره انا رتبتي رائد وبعد لي شكم شهر اترفع الى رتبة مقدم انا صرت اتحاشى والدي قدر الامكان لان هو صار
عصبي وكان ينظرلي نظرة ريب وبعيونه كلام فانا ما صرت انزل للبصره او بالاحرى ااجل اجازتي وفعلا كان الوضع الأمني سئ وجرائم القتل والسرقة والخطف كانت باوجها فكان قسمنا يعمل بكل مهنيه حتى يتمكن من أن يساعد الناس
ويحقق الأمان حتى لو كان هذا الأمان بدرجه قليله لان الناس بحاجته 
انتو هسه تكولون وين  الامان الوضع من سئ  إلى أسوأ 
صحيح الاوضاع سيئه لكن الأمان  مو بس الدوله تصنعه لا لازم كل واحد بهذا الوطن
شنو الفائده ناس تعمل وتترك اهلها ايام ما تشوفها وتقدم نفسها واكو من يحفر جواها ومن تحجي ويا يحجيلك
بالمثاليات وهو كله اخطاء
هاي الفترة الي كضيتها ابغداد صار شي جديد بحياتي وهو اني ما صرت اتقرب او اروح النساء او بيوت مشبوهه
او اي شي ما اعرف شنو السبب صرت اضوج حتى من نفسي المجرد ما افكر بهذا الشي
بعد شهرين  من زواج عباس انا حصلت إجازة كان لازم انزل اشوف امي الي دائما تتصل وتعاتبني لان ما اجي
اشوفها واشوف ابوي الي هو بي وما جاي يتعب وچنت اتعذر بان ما احصل اجازه ودائما عندي ماموريات
وانذار والوضع الامني مو زين فما اگدر انزل
ولان انا ذيج الاجازة بقيت ما نزلت خلصتها ابغداد جنت اتحاشى ابوي
وفعلا مجرد ما طلعت اجازتي نزلت وشفت امي وابوي وامي كلتلي
انو رجاء مرت اخوي عباس حامل ورغم فرحة امي لكن چنت اشوف بعيونها حزن وكلتلي يمه
رياض هم يالله اشوف جهالك
جاوبتها بابتسامه باهته ::الله كريم يمه أن شالله

انا قررت اخذ ابوي وعمران وامي واروح اتسامح من ابو اركان وارجع تقوى واخليها يم اهلي فتره وارجعها وياي
البغداد انا جنت افكر هيج لمن ما اتصل اركان عباله انا ابغداد