كسرتني امرأه --باللهجه العاميه --

البارت السابع والثلاثون

❣️بارت 37 ❣️
❣️كسرتني امرأه ❣️
❣️بقلمي آنين الليل 💓
هذا البارت لعيونكم
توني كملته تصحيح أخطاء صار 3 ساعات
بس تستاهلون

💛💚💙❤💛💚❤💛💚💙❤

تقوى
جنت انا ملتهيه بالبسطيه وبشائر شايله مهاب دايره وجهه يمكن تستحي خاف تمر وحده وتشوفها طبعا انا ما
الومها لان ابنيه وشابه سمعت ابو قيس يكول ام مهاب هذا الولد يسأل عنج انا جمد الدم بعروكي خفت بيني وبين
نفسي كلت هذا لو اخوي ماهر لو رياض بس من باوعت شفته أكرم ابن خال بشائر سلم عليه
اشلونج خاله
= هلا خاله هلا بيك
باوع وشاف بشائر ما منتبهه حجى بصوت مسموع
-اشلونج بت عمتي
هي باوعت باستغراب جاوبته بتردد //أهلا
طبعا أكرم جدا بشوش وبنفس الوقت مؤدب كلي //خاله كلش أتعبت يا الله وصلت الكم
بشائر مبتسمه هو عباله تبتسم إله بس انا اعرف هي تبتسم من كلامه يكول خاله انا جاوبته
=يا وشلون وصلت النه
اخذت العقد مال زواج عمتي وقريت اسم زوجها الثلاثي ودخلت على جميع مدارس العراق مالت البنات
بعدين لكيتها بمدرسة اهليه واجيت للمدرسه والمديره دلتني رحت على البيت عاد جيرانكم دلوني واجيت
= يا سوده عليه اتعذبت ياالله وصلت هله بيك بس خير شصاير
اكرم //كل خير ان شالله -باوع البشائر وكلها --بشائر مو تردين ترحين القبر امج انا راح اخذج
انا =اوكف فهمنا شلون مو كلت ما اندله
أكرم // صحيح ما اندله أصلا ما اعرف بقصتها العمتي عادمن طلعتوا انا لعبت بيهم جوله لاتشوفوني سكتت
كدامكم خصوصا وهمه ما جايبين طارئ انو عندهم بت لا وانوب طلعت متزوجه شرعي وعدها ابنيه بس طلعتو
صار البيت بركان وبيبي كامت تبجي بندم لان هي السبب الي ما خلت جدي يزوج ناديه الأحمد وللعلم جدي
جان قابل لإن يعرف بأحمد خوش ولد ويكدريحافظ على بيته بس بيبي جانت تريد شهاده ومنصب وشنو
حصلت ولا شي فقدت بتها وهي بعز شبابها

طبعا انا حريصه جدا وأخاف من كل شي خصوصا واحنا اثنين بنات هو كال باجر الصبح يجي يأخذنا
للكبر فأنا صحت على ابو قيس وفهمته وأبو قيس كله تروح تبات وياي هو ما قبل كله لا والله عمي حاجز
بفندق فأنا كتله= زين تروح ويانه نتعشى
هو الولد ما قبل كال أن شالله ع الجايات واعدنا الصبح يجي اهنا ونروح ويا الغايه بنفسي وهم يروح ويانه
ابو قيس هو وزوجته لان انا صرت أحسب حساب الكل شي ورحنا هو ما يندل بس راح الأحد مكاتب الدفن
واجه ويانه الدفان كان رجال جبير كال
شنو شذكركم بالكبر محد زاره من 18 سنه
أكرم جاوبه //صحيح عمي لان أولادها زغار وهسه كبرو وصار وكت ان يزوروها

عجبني من اكرم كلمه اولادها وصلنه انا ماخذه ماي ورد وبخور وشموع لكينه القبر بس تراب وعلي حجره
لا مبني ولا بي شي يدل علي بس الدفان طبعا يندل
الدفان سأل أكرم// منو دلاك عليه
أكرم //عمتي سميه ام قصي
الدفان //الله يذكرها بالخير جانت تجي وتخاف توصل الكبر لان ما تجي ابحدها بس تنطيني فلوس تكلي سويلها
ختمه واقرالها قرآن يم كبرها كل ليلة جمعه
كال //  شگد دفنت موته وشگد مرت عليه حوادث بس هذا الكبر بالذات أتذكره لان جانو الي اجو ويه الجنازه
اثنين ولد شباب واحنا نحفر بي إجت بنيه شابه تصرخ
واجه وياها ولد شاب رادت تشوفها الشباب منعوها وأتذكر حتى ضربوها وكالو للولد اخذها لا ندفنها وهي عدله
انا نزلت ولقنتها وهمه ما كلفو يقرون الفاتحة عليها
من سمعت الحجي بشائر انهارت وظلت تصرخ خليناها ابحدها بعدين رحنا انا وام قيس كعدنا يمها وام قيس ظلت
تنعى وتبجي واحنا نبجي وياها بعدين اجه أبو قيس كال يالله الشمس مو زينه على مهاب
كمت شغلت شموع وبخور ورشيت ماي ورد بشائر حجت ويه الكبر