كسرتني امرأه --باللهجه العاميه --

البارت الثامن والثلاثون

كسرتني امراه##
بارت 38
بقلمي// آنيين //
/////////🌷💕🌷///////|/

رياض
جاي اشتغل بالمكتب وعندي قضايا جاي اطلع عليهن لمن اتذكرت محمود والتهمه الي اتلفقتله وبعدين شلون كدرنا 
نلزم نصير من خلال مراقبة خطه
هسه تكولون  ليش ما حاولت تعرف مكان تقوى من مراقبة خطها

صحيح لكن مثل ماتعرفون مراقبة اي خط لازم بأمر من القاضي واذا كان ماكو أمر يعني نعمل من رأينا هذا مايكون
إلا شغلات أخرى مثل نقوم باستدراج عصابه او شي يهددامر البلد لازم نتحرك بدون الرجوع إلى القاضي زين
انا اذا اريد اراقب خطها لازم شكوى ضد صاحب الخط وأمر بمراقبة الخط وهذا الشي يضر باسمي وسمعتي
ويضر باسم اهلها اذا اتعرف اسمها وبعدين شلون اكدر اراقبه وهو مسكر واذا تفتحه دقائق وتسده
اتصلت بضابط اختصاصه هاي الشغله ودعوته المكتبي اجه وسديت  الباب شربنا جاي

::اشلونك هيثم
الله يسلمك استاذ انت شلونك
دخنت جكاره ::الحمد لله خلينه ندخل بالموضوع بصراحه أريدك تراقبلي هذين الخطين --انطيته ورقه بأرقام تقوى --
هو باوع الهن وكلي
بس تدري هذا إلا أمر من القاضي
::اعرف هيثم بس هاي الي تسويها خدمه شخصيه الي
يعني افتهم من كلامك انو هذا يخصنك
::اي هيثم ومن هسه اكلك اذا صعبه عليك او بيها إحراج كلي وانطيني الورقه ولا كأني شفتك او كتلك
لان انا ما أقبل تنضر  من وراي

-شنو هالحجي تره احنا زملاء اليوم محتاجني وباجر احتاجك
:تسلم الف شكر
-بس كلي من يمته الك اتصال بيهن
::من فتره وساعات ينفتحن دقائق ويتسكرن
اووووه يعني من زمان اتصالك بيهن هاي بيها صعوبة بس انطيني وقت
::اريد اي خيط يوصلني 
-تدلل اي شي اعرفه اتصل بيك

وراح هيثم وانا بقيت مثل انا  كاعد على جمر وبالع  نار صدقوني أغلي من داخل لان انا اشتغل بمكان هواي تمر بي
مثل هاي القضايا واعرف المجتمع ما يرحم انوب عدها ابني الي ما شفته الهسه
مرات اكول ::بس الزمها راسا اطكها طلقه ومرات اكول اكتلها واكتل روحي
ومرات اكول ::هي ما عليها انا الي وصلتها الهيج شي وخليتها تتحمل ذنب ما الها بي
تدرون لو واحد غيري جا راسا طلكها وانطى خبر العمامها وشيخ عشيرتهم واخلى  مسؤوليته

منهم وكال عارها على أهلها بس انا عرفت نفسي احب تقوى لا شنو احبها اعشقها وانا ظلمتها وغلطت بحقها
ولازم أتحمل غلطي
عندي تواصل ويه أركان يوميه اخابره بس ماهر ابد ما شفته ولا خابرته عرفت من أركان انو دخل كلية الشرطه
وأكثر وقته ابغداد وحتى ما يجي دائما للبيت واعرف همه شالو من بيتهم الغير محافظه من وراها
أما اهلي ما هلكد أتواصل وياهم واتحجج بالشغل
جنت ب غرفتي لمن ما اتصل علي عمران الساعه هدعش بالليل انا خفت صراحه

::الو هلا ابو إبراهيم
-هلا بيك رياض اشلونك
::الحمد لله خير عمران شنو صاير ومتصل بيه
-ما صاير شي امي ضغطها ارتفع واخذناها للمشفى وهسه الحمد لله زينه بس كالت خلي رياض يجي اريد اشوفه
::عليك الله عمران امي ...
قاطعني ما خلاني اكمل //اكلك والله ما بيها شي
::زين انا جاي
-لا الصبح اطلع غبشه هسه ليل وأخاف عليك