كسرتني امرأه --باللهجه العاميه --

البارت السابع عشر

كسرتني امراه
البارت 17
بقلمي //انين الليل //
//////////////💞💞💞💞💞/////////////
تقوى
رحت للسوك ويه مريم وكلام رياض ما يقبل يروح من بالي تمنيت اسال مريم هو بي شي بس خفت يسمع لو هي
تاخذ على خاطرها  اشتريت بدله حمرة  بينسل قصيره شويه جوه الركبه مفتوحه من الصدر والظهر ردانها نص شيفون خفيف  وانا اخذت الحذاء الأسود بس مريم كالت لا اشتري حذاء أحمر بعدين رحت للصالون عدلت شعري  وقصت
منه شويه درجته الي وسشورت شعري وخلتلي مكياج طلعت فد شي ولأن الردن شيفون والعض مبين منها طبعا
ام الصالون شافت الأثر وصارت هي ومريم يصنفن علي عبالهن من زود الحب حقهن ما يدرن بالحب الي معيشني بي
ريانه جانت ويانه ومريم سوت شعرها واتمكيجت وريانه سوينه شعرها رغم زغيره بس سبحان الله تجنن خابرت
مريم على رياض
هلا روضي  تجي تأخذنا لو أخابر وفي يجينه
هو كلها:: هسه جاي
لبست عباتي  الاسلاميه ولفيت الشال وخليت نصه على وجهي هو ساكت لان انا طلبت من مريم تصعد يمه
وانا صعدت ورا مريم ويمي ريانه انا مدنكه ما باوعتله وصلنه دخل السياره للكراج وانا كبل صعدت للغرفه هو
نزل لكه عمه جاي واقاربهم  ما كدر يصعد انا رحت لبست ذهبي اندك الباب إجت مريم كلتلي
تقاوي امي تكول لا تنزل هسه
انا ==ليش مريومه
امي تكول هسه يجون الجوارين وكرايبنا ويشوفنها أزغيره وحلوة ولابسه أحمر يطكنها عين
عاد من تجي زينب تنزلين راح تضيعيبن وياهن
==هههههههه  بس لازم انزل أقدم ضيافة اساعد البنات
لا حبيبتي ابقي مثل ما كالت امي جا انتي هم بعدج عروس

ونزلت مريم
وانا بقيت بغرفتي اباوع الروحي بالمرايه ومتعجبه صدوك انا هاي سمنانه شويه وصايره بيضه أكثر لان ما اشوف
شمس هسه اليشوفني يكول سمنانه من الخير والسعاده الي معيشها بيها رجلها ما يدرون بالعز الي عايشه بي حتى
العدوي ما اتمنا
حصرتني البجيه كمت لبست  ذهبي اندك باب غرفتي وانفتح- شفت امي وأخواتي ومرت أركان انا ركضت على 
امي الي من شافتني كامت تبجي وهي شبكتني وتبوس وتشم بيه لان صار تلث أشهر بس أسلم عليها بالنقال بسرعه

ليش يمه ما كلتي انا جايه
يمه البارحه وصلت---
اي هم كالت عمتج
احجي والعبره بصدري
اي وكلت بلكي وره الحفله اجيكم
اهنا مرت أركان --يمه فدوه تقوى صايره تخبلين --أخذتني بوس وهي تباوع البدلتي والذهبي
امي //يمه تقاوي شلونج مرتاحه
بعدني ما مجاوبتها مرت أركان //ياء خاله شبيها مدلله حتى شوفي  العض الي بزندها
ما ادري كرصات بعد شتريد (وتغمزلي بعينها )
انا اتذكرت العض الي سووا بيه البارحةكمت طلعت شال شيفون علمود يغطي الأثر
لان ام الصالون خلت كريم علمود تضيعه وما راح الأثر
امي تباوع وبعيونها اسأله كأنما تكلي ادري ما مرتاحه ومرت أركان تباوع للغرفه وتفتح الكنتور وأخواتي يسألني
على بغداد حلوة وليش ما جبت الصور وياي عبالهم مخلصتها ونسه  ومطاعم ما يدرن قهر وتعب واهانه وره شويه
واجت ليلى سلمت وكالت انزلي ونزلنا لكيت الصاله مليانه نسوان وزينب طالعه تخبل واجن زميلاتها الطبيبات وهواي
ناس انا نزلت الكل يباوعلي وامي بس تقرأ آيات انا رحت كعدت بصف زينب خالتي كلتلي وانوب اجو اهل امجد اخته بسمه وزوجته وزوجة أبو وخالاته وعمته وبناتهم ورة شويه كالو اجه السيد اخذناها الغرفة عمتي وعقدو  وصارت الهلاهل ومريم ماقصرت ردح على أصوله وبعدين لبسنا عبينا لان اجه خطيبها يلبسها الذهب وكعد يمها شويه وهو كل ساع يشاورها انا تذكرت خطبتي
لمن حتى ما باسني بعدين طلع وهم شاورها أجيت يمها كتلها ==شكلج زنوبه
كالت// كلي راح اطلع وراجع الج شويه وروحي للغرفه
==يمممه  بعدكم صار دقايق  من عقدتو -واضحك وكالت مريم -
حبايب لبسن عبيجن رياض اجه يسلم على اخته انا صرت على صفحه ورة خالتي اجه هو باسها ولبسها
كلاده ذهب وكامت مريم تهلهل وتهوس هوسات العماره الحلوة اشو شويه واجت يمي وسحبتني وكامت تهوس
وهي لازمه أيدي وتفر بيه هو ما شايفني بالبدله شو هذا خزرني عاد انا منا مقهورة لان كل شي ما شفت من خطبتي
وعرسي ومنا ودي اموته من الي يسوي بيه
صرت اركص لان شغلو اغنيه مريم جرته وخلته كبالي
هو بعده يخزر انا صرت اتمايل كدامه وهو يباوع الظهري  وسيقاني اجه يمي شاورني ::اليوم اموتج
وهو يبتسم هنا عبالهن كلي شي حلو ظلن يهلهلن هو طلع وهنا بقيت اركص واكول =يعني شتسوي اتعودت
واجن يمي البنات وكللي
ها شكلج
ام سامي //شكلها بس تروح الناس اصعدي مبين من عيونه ميت عليها يريد ،،
ام رياض //ياء خيه شباب خليهم يتونسون
مريم //يمه صدقه زغيره وفرفورة وروضي طاير بيها
حسيت مريم تقهر بأم سامي
راحت زينب تلبس بدله ثانيه ولبست وطلعت ودخل زوجها وصارو يركصون سووا وانا اشوف شلون بسمه تبجي
وتكول كون امي حاضره وتشوفه بعدين راحت الناس وبقه بس هو راح كعد ويه زينب بالغرفه واجه رياض سلم على امي وكلتله /يمه خلي تقوى تروح تبات عدنا الليله
هو ابتسم وباوعلي ::لا خاله باجر اجيبهاالكم
عمتي ما قبلت امي تروح هي وأخواتي ومرت اخوي إلا يتعشوون
ورة العشا عباس وصلهم لان رياض طلع وي وفي وامجد حسيته شكد متكبر على اهلي بالليل رجع انا بالصاله أكف
ويه البنات لان ام سامي ورجاء بقن بس مرت سامي اجه عليها وراحت هو دخل وسلم وكلي بصوت مسموع
::تقوى اصعدي حضري ملابسنا باجر الصبح نسافر
أبو جان كاعد كله //وين مسافرين صار تلث أشهر ما جاي مو كلت مجاز عشر تيام 
::صحيح بابا بس خابروني كالو لازم تجي عدنا واجب
اي روح انت وخلي تقوى يمنا ما شفناها ولا شافت اهلها
::يأبه اروح انا وياها وبعدين بلكي احصل اجازه ونجي
باوعلي:: شكتلج اصعدي هم يالله
بس بابا خطيه لا شافت أبوها لا اخوانها
::باجر نمر بيهم الصبح تسلم ونطلع
يمه رياض خليها ومن ينطوك اجازه تعال وانوب ارجعوا
::لا حجيه هناك أحتاجها