كسرتني امرأه --باللهجه العاميه --

البارت الأربعون

البارت الاخير
كسرتني امرأه
بقلمي آنيين الليل *شويه سارعت الاحداث واختزلت امور *
//////////💕❣️💕💕❣️💕////||||||
رياض
جانت الساعه 11 وربع لمن سمعت تقوى تكول وج اوكفي شنو وره الباب انا كلبي ظل يدك صوتها صوت
تقوى البرئ رغم مبحوح انا اعرفه لان سامعه من جانت تبجي لمن جنت اعذب بيها لو اضربها
فتحت الباب صارت عيني بعينها هي بس شافتني راسا باوعتلي وانغمى عليها. وگعت حضنتها ودخلتها للبيت
وخليتها ع فراش بالكاع وشفت جك بي ماي رشيت شويه على وجهه وضربت ضرب خفيف على خدها
جان وجهه ابيض وشفايفها بيض ما بيهن قطرة دم خفت عليها حضنتها وصرت احجي وياها

::تقوى حبيبتي اسمعيني لا تخافين انا رياض زوجج امانج انا والله امانج لا تخافين

صرت أفرك بأديها برجليها بس ماكو استجابه طلعت من الغرفه دخلت للمطبخ ما منتبه ادور شي شفت
سله بيها رأسين بصل اخذت واحد وفتحته وشممته الها وهم صرت اضرب ضرب خفيف على خدها بس
هي شويه ونت وفتحت عيونها ورجعت غمضتهن انا من شفتها فتحت عيونها دنكت على وجهه وبستها بخدها
بصراحه ما اعرف شسوي خليتها بنومتها وگفت اباوع للبيت البيت الي كعدت بي مرتي وستر عليها قارنت
اشلون هاي الخرابه انسترت بيها مرتي وابني وانا قصر وغرف وبناء آخر موديل لكن ما كدر يحوي تقوى
بالعكس انهزمت منه بدون حتى ما تلتفت وراها
جيت تمددت يمها درتها على صفحتي وحظنتها واسمع دكات كلبها ودكات كلبي حطيت شفايفي بركبتها
وبقيت ابوس بيها واكلها
::تقوى شكد ما كسرتني ايناس بس انتي رممتي هذا الكسر وعلمتيني شنو يعني حب وكرامه
اكعدي ياحبيبتي والله ما اعوفج احبج واموت عليج انتي روحي وعافيتي
:: چان نيتي بس اشوفج اخنگج لو ارميچ لكن انا ما اسويها لان حبج خلاني جبان خلاني ما اشوف بالدنيا
بس انتي اگعدي ام مهاب
انا بقيت احجي الى ان غفيت
💝💝💝💝💕💝💝💝💝💝💝💕💝💝💝💝💝💝💕💝

تقوى
من خابرتني بشائر وكالت جايه والمفتاح ضاع ارمش افتحيلي الباب صارت ترمش ترمش بالنقال انا حجيت
عليها وفتحت الباب بقوه وصارت عيني بعين رياض من شفته راسا عرفت أنو خلص هاي هي هاي نهايتي
رياض اندل طريقي بعد كل شي ما يفيد هسه يذبحني اذا مو هو اخوي ماهر راسا حسيت بلعومي يبس عبالك
خشبه وعيوني غوشن وكلبي طفر من مكانه
شنو عبالكم انا ما ادري اكبر غلطه بحياتي اني عفت رياض وانا ادري بي شكد مجرم وشكد عذبني وانا كل
شي ما مسويه عذبني بس على مود يرضي رجولته شلون وانا ضربت كل شي عرض الحايط وانهزمت منه

حسيت رش ماي على وجهي وبدأ يضرب ع خدي ضربات خفيفه بس ما كدرت أفتح عيوني بعدين شممني بصل
انا فتحت عيوني وجريت نفس بونه ورجعت غمضت لان خفت من رياضالي عجبني كلامه وهو يعدل بشعري
:: تقوى انا زوجج امانج
من سمعت هاي الكلمه صدك حسيت بالامان بس بقيت مغمضه عيوني اخاف افتحهن ويبدي وياي ينفذ تهديداته
الي جان يدزهن الي
هو دارني الجهته وشبكني وظل يشم بركبتي ويبوس واحس بي يشهك رياض يبجي وعليمن عليه
يكلي ::تقوى ليش عفتيني ما تدرين من رحتي انا متت ما تدرين بيه تخبلت
بكلبي اكله = ليش انت عاقل
  صار يجر نفس :: حرمتيني من شوفت ابني بس انا متخيله دنفوش و يشبهج
   حچيت ويه نفسي = يشبهك بس ما مأخذ خبالاتك مأخذ هدوئي
بقيت متسمره بمكاني  لان بعدني خايفه حسيت براسه ثكل وغفى احتار عقلي انشل صرت ما افكر بشي حسيت
الموت قريب مني رياض معقوله يسامحني مو من تصرفاته خلاني اشرد من خوفي ومن ظلمه مستحييل يسامحني
انا ما نسويه شي وهو چان ايعذبني ويذلني
زين وماهر اخوي انا اعرفه ما يسامحني ظليت نايمه وهو يمي ما اعرف احس روحي مفرفحه بين الخوف والفرح
شسوي بس اتحرك يكعد وما اريد اواجهه بقيت اباوع له وهو نايم اكول = اكيد يمثل عليه ينطيني الامان وبعدين
ياخذني للمزرعه
انا رجفت من اتذكرت ظلمه كلت = لا يجوز ياخذني بالصحراء يكتلني لو يموتني من الجوع والعطش
هسه انتم تكولون شنو هالمخيله الي عندج
انا اكلكم مو مخيله هاي حقيقه رياض مجرم انا بس رفضت ارجع له سجن ابوي واخوي وانوب سجني بمخزن بدون
ضوه ولا حمام وجان السبب بموتة ابوي وادري بي ما راح يسكت عن ماهر اخوي لو ما انا انهزمت
شفته نايم وانا اباوع ال وجهه شلون تعبان وشلون مشيب ومبين علي الكبر اشوفه شلون حاضني باثنين أدي
عبالك خاف انهزم منه اباوعله وانا خايفه يگعد وشلون اواجهه بقيت أشم أنفاسه
بقيت الليل كله وانا مغمضه عيوني وافكر = شلون وصلي وراح ايصدك كلامي
بقيت للفجر يمكن نمت الصبح كعدت على مسج من بشائر
تقوى انتي زينه طمنيني عليج
اخذت النقال وانا ارجف كتبت البشائر = بسرعه جيبي حجي عطيه وتعالو انا بمشكله بسرعه تعالو
طبعا كتبت البشائر واعرف بيها هيه والحجي يدرون برياض بس اخاف ما اريد اواجهه بحدي
هي ردت عليه // لاتخافين تقوى جايينج
جاوبتها = مهاب خلي يم مروه لا تجيبينه
تقريبا مسافة الطريق اندك الباب ونقال رياض رن بنفس اللحظه هو فز شاف نفسه بحظني
طبعا انا غمضت ما اريد اتواجه ويا
هو جاوب //اي عادي هسه افتحه وانت ابقى ودير بالك
اتدنى خله شفته باذني وهو يكلي //تقوى اكعدي حبيبتي اندك الباب
انا سويت روحي ما أسمعه هو راح فتح الباب إجت بشائر دخلت وهي شافتني نايمه طلعت تصيح
رياض شسويتلها شبييها تقوى
جاوبها :: ماكو شي ما اتحملت تشوفني أغمى عليها
بشائر // وهاي اختي من البارحه الهسه مغمي عليها وانت ساكت
بشائر تدري بيه صاحيه بس رادت تسوي دراما لان حست بيه شكد خايفه اجت يمي وخلت شال على رأسي
وكعدتني انا من شفتها كعدت وهدات نفسي راحت وصاحت الحجي ورياض الي دخلو وانا كوه
لازمه نفسي من الخوف جسمي يرجف لحد هسه ما خليت عيني بعين رياض
سلم الحجي // السلام عليكم
رياض رد :: عليكم السلام والرحمه
حجي عطيه كعد مقابيلي وصار يحجي
بابا تقوى هذا زوجج عرف كل شي من اول يوم وصلتي الهسه ما ظميت اي شي وهو جاي يريد يرجعج
ويا وأريد افتهم انت شنو رايج
انا ساكته بس ارجف وبشائر كاعده يمي وخاله ايدها على متني ما جاوبت بقيت ساكته رياض حجى
:: تقوى اثنينه غلطنه وهسه انا جاي اصلح الغلط ارجعي وياي يالله شدي حيلج وعفى الله عما سلف
بشائر حجت بعصبيه //رياض تقوى ما غلطت انت الي خليتها تنهزم من ظلمك لا تحمل تقوى ذنبك
الحجي //بابا هذا زوجج تردين ترجعين بكيفج ما تردين ما اجبرج وانتي بحماية ابو الحسن وحمايتي