كسرتني امرأه --باللهجه العاميه --

البارت الثالث والعشرون

❣️كسرتني امرأه
❣️بارت 23
❣️بقلمي انيين الليل
///////////////////💐///////////////
رياض
لمن اجيت أعتذر من والدي على الشي الي سويته وانا جنت ااحجي ويا بصوت عالي وبعدين من كلي اتطلك كتله
لا واتلاغيت ويا نسيت انو ابوي مريض وبكل الأحوال لازم ما أعلي صوتي علي انا اتندمت خصوصا من صعدت
الغرفتي واجو وراي إخوتي وصارو يحجون ويكلولي
انو همه راحو علمود يرجعوها وأبوها كال لو ما كاتب هيج ويهدد ويسب ويغلط جا رجعتها بس بعد لو يوزنها ذهب
ما يشوف اضفرها
وابوي انقهر لان انحط بموقف مو حلو انا كلت أهدأ شويه واروح اتسامح من ابوي وطلع عمران وبعدين عباس
راح الغرفته وانا نزلت
ولكيت امي تصلي صلاة الليل انتظرتها وهي كلتلي
انت تسامح من ابوك وانا اروح ارجع مرتك
تدرون انا نفسي ما ادري ليش مصر ارجعها رغم ما احبها وماذيها ساعات احجي ويه روحي ليش ما اطلكها
وأخلص لواخلصها بس يكون جوابي الي دائما اردده ويه نفسي
اذبحها وادفنها ولا اطلكها

جريت نفس ورحت لكيت ابوي داير وجهه حاجيته وما رد عليه ورحت يمه وحجيت ويا ابوي ما جاوبني اتدنيت علي
وبعدين درته عليه ولكيت ابوي ميت
مات ابوي وانا ما اتسامحت منه مات وهو غضبان علي ابوي الي جنت اشوفه شي جبير راح
صرت أصيح وانا حاضنه وأصرخ بصوت عالي
بويه حاجيني اكعد يأبه اضربني اتفل علي بس اكعد يأبه اترجاك اكعد

إجت امي وصارت تصرخ ونزل عباس مثل المجنون واحنا نشوف عمود بيتنا وكع وانكسر
انا ما عفته ظليت حاضنه وابجي ما قبلت اهده حتى من رحنا للمستشفى جنت ابجي مثل الطفل الجاهل حاجاهم
عمران بسرعه خلصو الاجراءات ومن اخذو للمغيسل انا غسلته غسلته وانا اصرخ وابوس بي وبعدين كالو انت ابقى
وعمران يروح لو عباس انا ما قبلت رحت شطفت بماي بارد ورحت اخذت ابوي ورحت دفنته وانا ابجي وأصرخ عبالك
طفل جاهل راح عمي وابنه وياي لان الطريق بعيد وصلت من الدفنه العصر ولاكوني الزلم وعازوني
انا اجيت صارت عيني بعين تقوى وهي واكفه ع السنك ولازمه بايدها لفه زغيره وجاي تأكل بيها انا خزرتها هي
شافتني ذبت اللفه من ايدها وراحت بعدين اجيت وشفت أخواتي وانوب عمي اجه وراي ع الدرج وهي الصينيه بيدها
او واكفه ضاربها ثول
عاد ثاني يوم خابرو ناس اقاربنا من بغداد وأصدقاء للحجي من الديوانية والناصرية
والشيوخ من بيت ال،،، المهم شفنا هواي سيارات بيها نسوان اجت وفي كال الطباخ يكول عدولي النسوان علمود
يبدي يصب الغدا حتى يبلش بالعشا لان عمران يكول هواي راح تجي ناس صب هواي صياني وصرنا اناوش
للمطبخ انا وعباس نأخذ من ولد عمنا وننطي للموجودات انا انطي الصينيه العباس اشو اجه كلي
رياض انت روح يم المطبخ استلم الصياني من الولد لان راح يجون أصدقائي الاكيهم
وصرت مكان عباس الولد يناوشون وانا اناوش للبنات
اتفاجأت من شفت الي تستلمها تقوى هي تأخذها وهي مدنكه من شافتني حسيت بشوكها الي
رغم حاولت ما يبين عليها
عاد انا ردت استفزها كمت أسمعها كلام بي نوع من التهديد لكن هي مدنكه المهم كتلها رفعي راسج لا يوكع السطل
منج جان بي سوب واهناك يوزعنه بطوس هي رفعت رأسها شفتها
حليانه أكثر من قبل وصاير شبابها يخبل هي اخذت السطل وراحت بعد ما إجت انا منشفتها اتخبلت جان ابدي بس
الزمها لان هي وأبوها السبب بوفاة ابوي
وره الغدا شفت بت اخوي عمران رفيف صحت عليها اجتني
  ها عمو
:: رفيف عمو روحي صيحي العمتج مريم بسرعه
عمو وين الكاها هواي نسوان ولطم
:: تلكيها هي عمتج طويلة وعيطه وتبين بسرعه تشوفينها
راحت شويه واجت مريم