كسرتني امرأه --باللهجه العاميه --

البارت الثلاثون

كسرتني أمرأه
بارت 30 //بقلمي #انيين الليل #
🌹🌹🌹🌹🌹🌹🌹🌹🌹

ام احمد //اندك الباب بالليل فتحته شفت احمد وناديه وهي شايله طفل بايدها وأحمد شايل جنطة مالتهم هومن
شافني حضني وانا ظليت ارجف مثل السعفه هو يباوعلي ويكلي
—يمه لا تخافين ما كو شي
ناديه حضنتني وباستني بس مبين عليها خايفه انا حاجيتهم
—يمه شجابكم مو منصور كلي رحتو الايران واستقريتو بعد المن جايين
احمد //اي يمه رحت ورجعت لا تخافين
يمه شلون ما أخاف
احمد //يمه انا ما نهبت ناديه لا الله شاهد علي انا اخذتها ورحت للكاظم بنفس اليوم وهناك عقدت عليها على
سنة الله ورسوله والعقد بالجنطه وبعدين بقيت فترة انوب الحجي كلي روح أخذ مرتك للشمال وهناك يمه اشتغلت
عد واحد يعرفه الحجي وحملت مرتي وجابت هاي البنيه سميتها بشائر بعدين عقدت محكمه وطلعت جنسيه للبنيه
واجه صديق للرجال الي اشتغل عنده وكلي خلينا نشتغل انا وياك وصرت اشتغل بالاستيراد والتصدير ذاك اليوم
انا راجع بالليل وشافني غانم الي جان يشتغل عد حجي سعدون وره أسبوع رجع وكلي الحجي يكول خلي يجي هو
وبتي انا مسامحهم بس يجيبها وانوب يجيب شيوخ يطلبها كدام الناس ويفصلنه ويسويلها ا زفه وياخذها ما عدنا شي ويا
وهلرجعت يمه اتصلت بمنصور وكتله يحضر شيوخ وساده وباجر نمشي عليهم
جاوبته //والله يمه خايفه عليك خاف هاي لعبه اسمع كلامي اطلع انت ومرتك روحو ادخلو عد شيخ عد سيد وباجر
الله يحلها بس لا تظلون اهنا الليله حاس كلبي هاي لعبه
احمد //لا يمه لعبتيش انا فهمت غانم وجبت الهم نسخه من العقد وهمه الحمد لله افتهموا يمه انا  هم اريد أستقر
وانا هسه نعمه عندي فلوس ورصيد واريد اربي جهالي خصوصا بشورة اريدهم يدرسون يحصلون شهاده لان
انا لو باقي بالمدرسه ومحصل شهاده يمكن ما رفضوني أهل ناديه

انا اخذت بشائر حطيتها بحظني والعب بيها وأبوها كاعد يمي وما احس إلا الباب اندفع ودخلوا أهل ناديه
احمد عمت عيني من شافهم وگف
اهنا ام أحمد اختنكت بعبرتها ظلت تنحب وتبجي وانا حظنتها كتلها =خاله كافي
هي ما سكتت كالت// هو وكف وكلهم
مع الأسف الزلم كلمه
ما خلو يكمل شخلو جسمه سوو منخل اوليدي مات بين اديه طاح علي حماني وحمه بته وشفتهم يجرون ابتهم
وهي تصرخ وتصيح أحمد أخذني وياك احمد اموت وراك
انا ظليت خاله رأس ابني بحظني والبنيه بيدي والتمت الناس والجوارين واجت الشرطه انا ما ادري شكلت وشحجيت
جان همي البنيه والولد وأخذت ابني ورحت دفنته الوحدي لان عمامه كتبو بي برأءه راح وياي جارنا والبنيه عدي
ما رضيت ارد للبيت وبقيت ساكنه المكبره تالي رديت على مود العقد وجنسية البنيه تصوري حتى بتي ما اجتني من
سمعت انا من شفت هيج اجيت أجرت بيت وحطيتلي جدر باكلا وصرت أبيع انوب واحد من الجوارين شافني وكلي انو
أهل ناديه كتلوها بنفس الليله الي كتلو بيها أحمد باوعت عالطفله صفت لا ام ولا ابو ولا عمه التريدها ولا خال وصيت
جيرانه وكتله أريدك تبيع البيت واشتريت بمكانه هاي الخرابه وهاي17سنه وانا والبنيه عايشات وادعي ربي ايطل
بعمري حتى أوصلها بالدراسة أقلها تلزم الها سلاح بيدها لان محد الها بس الله