كسرتني امرأه --باللهجه العاميه --

البارت الرابع عشر

-كسرتني امراه --
##انيين الليل ##
💜البارت 14💜

قرائي الاعزاء اعيد واكرر هاذي القصه حقيقيه فيها الكثير من الجرأه ####
لكن انا ارتايت ان انقل الصورة كما رويت لي 👍👍
راح تبدولي رايكم بصراحه ووضوح اكمل ام اقطع ☝
شكرا الكم 💗💗💗💗💗💗 احبكم 💗💗💗💗💗 

بدأ على رياض الغضب لكن ما طلعه وهي تكله عمو بينه وبين نفسه
  :: تكلي عمو تريد تقنعني هي بعدهي باللفه ما شايفه شي ولا مار عليها شي تريد  تمشيهن علي

وبدو أهله يحضرون الزواجه وكال ابو
رياض يتزوج بغرفة عمران على ما يشتريله قطعه وانا أساعده أبناءها
الام //حجي البيت جبير عليمن يشلع كلبه بالبناء
لازم يستقلون ويفكرون يخلولهم بيوت شوفي عمران مووراح يكمل بيته
عباس //اي يأبه عمران من شغله وياك اله نسبه
الاب //وانت ما شاء الله عباس تشتغل بالمقاولات  وماشيه بيدك ياالله لم نفسك
واشتريلك حتى لو بيت قديم وأبني على الطول لان هم ناوي ازوجك

أن شالله يأبه ما طول الشغله بيها زواج من باجر أشتريلي بيت

وصارو يعدلون بالبيت ورياض راح مرتين يشوف خطيبته وجان كل كعدته يم أركان هو بس يسلم عليها ويطلع
وجان يكلها من يريد يطلع ::محتاجه شي
وبنفس الوكت رجع للدائره ابغداد
اشترى الغرفه وتقريبا كلشي كمل واجت مريم قرروا يوم العرس راحت مريم وزينب واخذت فلوس للصالون
وتأجير البدله رياض ما خابر تقوى ولا حتى دزلها موبايل تحجي ويا وهو يعرف هي ما عدها
هي راحت ويه زينب وامها وأجرت بدله جديده منفوشه واتفقت ويه ام الصالون على المكياج والشعر جان شعرها 
يوصل الحد نهاية متنها يعني مو كلش طويل وجان سرح ولونه اسود هي سوت حفلة حنه الصديقاتها وراحن اخواته
ومرت أخوه وخالاته وهو رفض يجي يحنيها وكال
هاي شغلات مراهقين
أصدقائه  واقاربه هم سوو حنه اله بس هو ما جان ينطي أهميه  الهيج اموور
سووا ابو  عرس كلش جبير وعزيمه وزفه طبعا وفي وامجد ويا ما فاركو بس هو كال الاهله
بالليل يأخذها للفندق وثاني يوم الصبح  يسافرون البغداد
ابو كله // اشلون ثاني يوم تسافر والناس التجي تريد تشوف العريس
  ::اي يابه لازم اسافر عندي التزامات وما اكدر ااخرهن انتم استقبلوا الناس ثاني يووم وهمه كلهم راح يشوفوني بالعرس
بعدين الي يسأل گلوله راح للدوام ما حصل اجازه 
ابوي // هو هذا شلون حچي وين صايره هاي
    :: حجي تره كلش عادي انت راح تسوي عشا وزفه كلش چبيره بعد ثاني يوم على ويش

وصارالعرس وزفه كلش جبيره جان مبين علي الفرح وهو يستقبل الناس ويه ابو واخوانه واصدقائه
بالليل زفوهم للفندق  وصعدت وياها أمها
ومرت اخوها أركان ومريم
رياض وكف ويه أصدقائه وإخوانه وفي وامجد وعباس ذبو لحم بالردح وصباح اجه من العماره  وذيج الهوسات الحلوة

زفوا صحبانه وصعد دخل للغرفه أمها والبنات بس شافنه نزلن إجت أمها وكالتله
مهنايين يمه الله يسعدكم (وادنت علي ) يمه رياض دير بالك عليها تره بعدها زغيره
هو بأس عمته برأسها وكلها ::عمه تقوى بعيني