كسرتني امرأه --باللهجه العاميه --

البارت الثاني والعشرون

كسرتني أمرأه //البارت 22
بقلم #انيين الليل #
يصبرني يصبرني الما يدري بعلتي ويكلي تهون
عشره عشره وشيبت باولها وتاليها شلون
ينسيني منهو ينسيني
وانطي الباقي من اسنيني
وانطي انطي الباقي من سنيني وانا الممنون ##على لسان رياض ##
💔💔💔كسرتني إمرأه 💔💔انيين الليل ##
😭😭😭😭

تقوى
الصبح كاعدين جاي نحضر الريوك وأركان طالع للشغل رجع للبيت وهو وجهه ما يتفسر سألته امي
ها يمه شو رجعت خير
اركان // وين ابوي
جاي يغسل توه كعد شصاير
طلع ابوي ينشف بوجهه وكعد سأله //ليش راجع شصاير يا ستار خو ما تعاركت
لا بويه بس سمعت حجي إبراهيم أبو عمران انطاك عمرة
ابوي فز من مكانه وكال باسف //لا اله إلا الله انا لله وإنا إليه راجعون الحجي الي البارحه كاعد هذا مكانه
ما يستاهل ابو عمران خيير خوش رجال
انا من سمعت غلبتني دموعي وكمت ابجي وابوي كال آلامي
حضري ملابسي لازم نروح نوكف وياهم وانتي اخذي بتج ومرت ابنج وخابري اخواتج
خل يجن وروحن حچي زايد منا منا قال وقلت ما اريد

ماهر // بابا امي وخالاتي يرحن بس تقوى شتسوي تروح
ابو اركان //لا بابا هي بعدهي مرت رياض والرجال الله يرحمه ما مسوي وياها اله كل خير الأصول
تروح الفاتحه ( دار على امي )بس مثل ما كتلج حجي زايد ما اريد وياالله امشونا خلي نلحك ع التشييع
أركان //لا يأبه شيعو وكملوو انا بس دريت اجيت آبلغك
ابوي //ياالله هسه ألبس ونروح نوكف وياهم بالفاتحه

وراح ابوي وأركان للفاتحه ومرت أركان خابرت أمها تجي ويأنه واجت أمها
وأختها أخذت الجهال البيتهم يم أخواتها جنا سته الي رحنا ودخلنا لكينا البيت مليان نسوان
وام عمران بس تصرخ وتبجي وزينب كاتله روحها وانا دخلت وره امي وام اركان وخالاتي وصار الصريخ
والبجي واللطم وانا حضنت زينب وصرنا نبجي والموقف حزين كلش ومريم وصلت الضحى وهاي من إجت هي
وأهل زوجها مريم فقدت على ابوها كتلت روحها والبيت أنملة نسوان والحزن
يخيم ع البيت النسوان سكتن لان شافن مريم كتلت روحها من سكتن شويه انا جبت ماي آل مريم
مريم // منو راح دفان
ام عمران وهي تبجي //عمج زكي وصاحبه ابو سلام ورياض
اشو انا من جابت طاري رياض كلبي رجف
مريم //يا رياض راح جا ما خله عمران يروح
عمتي وهي تبجي //يمه شحجي رياض كوه شالته الزلم من ابوج يمه بس يصرخ عبالك طفل جاهل وهو غسله
ومن امس الحد ما راح كلاص ماي ماشرب
من سمعت مريم كلام أمها صارت تبجي حييل
امي شاورتني كلتلي //كومي للمطبخ اشتغلي لا تكعدين ولا تجاوبين على اي شي خاف وحده تسالج

انا هم رحت وكفت بالمطبخ جان هوسه وغراض كومه وصار الامر جاي وماي للنسوان واجن الملايات
وصار اللطم والبجي والظهر جابو الغدا للنسوان الفاتحه جانت كلش جبيره جابو طباخ واحنا نشتغل نغسل
المواعين واحنا نسوي جاي للنسوان وانظف الخضره انا بقيت بالمطبخ ما اتغديت قريب المغرب خلصن الملايات
قرايه سمعنا اجو الدفانه لان دافنيين قبل الظهر اجت زينب وكالت جان مبين عليها التعب