كسرتني امرأه --باللهجه العاميه --

البارت الحادي عشر

كسرتني إمرأه ##انيين الليل ##
البارت 11👍👍
👈هذا البارت أكثر من 4000 كلمه واحداثها يمممممه اشررد 👉
بس ليش ما كو تفاعل 😢😢😢😢
/////////////////
رياض
نهاية عام 2002 كانت أمور الدوله ما تبشر بخير وكنا ننزل قليل كنا دائما إنذارات وبما انه احنا بالبصره
وهي محافظه حدوديه لأكثر من دوله فهذا يحتم على جميع الأجهزة الامنيه الاستعداد لمثل هكذا أمور
خصوصا وامريكا وحلفائها يهددون والناس تتقول والاشاعات باوجها والعالم متخوف من شي اسمه
سلاح كيمياوي وبعضهم يكول امريكا بس تحجي ما تضرب لان تخاف من الاسلحه الكيمياويه الي
يمتلكها العراق واحنا نشوف شلون صدام حسين يطلع بالتلفزيون وهو كله ثقه بان ما راح يصير شي
اكثر من الصار بسنة ال 91
جنه قليل ننزل حتى الي أهلهم بالبصره لان كل شويه أمر وكل ساعه تجي تعليمات جديده واشاعات ملت البلد
بيومها كاعدين بالمقر لمن ما اتصل صباح بوفي وهو يكله زوجتك البارحه جابت ابنيه
اجانه وفي وكلنه باركولي( اجتني شكاكة زيج )هاي جمله يكولونها أغلب العراقيين من واحد تجي ابنيه
معناها هاي الي تبجي علي وتشك ثوبها من يموت لان دائما البنيه هي حبيبة أبوها
كمنا علي وبوسنا وباركناله وفي كلي // رياض بعد اخوك بس يصير عمرها 13 سنه تزوجها
امجد //اي رياض اتزوجها علمود تسميك جدو حبيبي
رديت عليهم وانا امسح بوجهي ::هاي شنو وفي تريد تمشيها برأسي بس مي خالف اخذها الخاطرك ياصاحبي

وصرنا نضحك وما حصل وفي على أجازه إلابعد17 يوم من ولادة زوجته بسبب الوضع الامني وسافر بعد
ان نزلنه للسوك ويا واشترينا للطفله شغلات حلوة
رغم أن الأوضاع ما تبشر بخير والحصار بس الأسواق مليانه اشكال وانا وامجد اشترينا هدايا للطفله
والصوفي لان احنا ما نعتبر نفسنا اصدقاء لا احنا اكثر من اخوان
وفي حصل اجازه عشر ايام طبعا هي سبع تيام لكن الآمر ساعده ب تلث أيام كله هاي هديه البنتك
💕💕💕💕💕💕💕💕💕💕💕💕💕💕💕💕💕

وفي
وصلت للولاية وهم مريت واتسوكت ورحت الأهلي وصلت قبل المغرب بشويه اتلكوني السلف وهمه
يباركولي وبين ما سلمت صار الغروب رحت وصلت  يم امي وابوي الي كانوا كالعاده ما تبدلوا من يوم
الي اخذت ريانه والي كل املهم ان اتزوج كلثوم
سلمت عليهم وبست راس امي واخذت ايد ابوي الي رفعها وحتى ما سمعت منهم كلمة مبروك
لكيتها نايمه بفرأشها لكيت يمها خلود الي سلمت عليه
واتحمدتلي السلامه وباركتلي بالبنيه تدنيت يم ريانه دنكت بستها شفت حرارتها مرتفعه سئلت خلود
شبيها ريانه
خلود //خويه ورة ما جابت صخنت واخذتها انا وصباح للطبيب وكال حمى
استغربت //حمى منين اجتها ليش هي شلون جابت
خويه طلكت بالليل والصبح ودو علي جبت ام عبيد
عكفت حاجبي وگلت //خلود عود انتي تحجين صدك
خلود // خويه احجي صدك جا اجذب عليك
جاوبت بنتر //هي مو عمليه شلون جيبتها ام اعبيد وهاي الصخونه شنو سببها  باجر لا زم اخذها للطبيب