كسرتني امرأه --باللهجه العاميه --

البارت السابع والعشرون

💞كسرتني امرأه 💞
💞بارت 27 #بقلمي انيين الليل 💕
////////////🌷🌷🌷/////////////🌷🌷🌷////////
تقوى
بعد ما توفى ابو رياض الله يرحمه رحت للفاتحه ويه امي وخالاتي ومرت اخوي وامي كلتلي اكوم
اشتغل عيب انا بالنسبه الي احب عمي ابو رياض واحترمه
شفت رياض من اجه من الدفنه شلوون مكسور وانوب ثاني يوم لمن صار يسمعني كلام ويتهدد علي ويكلي
ظلي ساكته كلهن مسجلهن بس من رحت للغرفه ولكيته متمدد انوب نام بعد ان دفن راسه بصدري حتى انا نمت
وبيني وبين نفسي صراحه حسيت بفد  شي  ما اعرف شوصفه او ما ماره بي
قررت ارجع وانطي فرصه وابدي ويا صفحه جديده لكن الي غير رايي من سمعته يكل المريم
اسجنها بالغرفه وما الي شغل باي احد وما اخاف من اكبر واحد
اهنا خفت وشفت بي صورة رياض المجنون ريا ض الوحش الي يعذب بيه بدون سبب
حجيت ويه نفسي =لا ولا ارجع متوازيه ارجع له ابقى عد اهلي واطلك لان هو جاي يحجي ويه مريم بس
محد يعرف بتعذيبه الي
وره الاربعينيه اجونه  أهل رياض وابوي كلي بكيفج ما اجبرج أركان هددني لكن انا من أتذكر شيسوي بيه أصر
ع الطلاك وفعلا وكفت وكتلهم ما اريد ارجع وبنفس اليوم وصلتني هواي مسجات بس الي خوفني  آخر مسج لمن يكلي
ولا يهمج اخليج تجين  وتبوسين اديه على مود ارجعج ولازم تتحملين الي راح يصيرلج
وهواي كلام خلاني ما اكدر أنام خفت اكثر شي على ماهر نسيت اكللكم انو ماهر اخوي  ااجل  درسين ونجح
الباقيات معدله جان بالسبعين  وهو جان يدرس على مود يمتحن دور ثاني
مر أكثر من شهر وأهل رياض ما بين أحد منهم ولا اجو ولا كالو تطلك وانا هديت شويه لان رياض كل شي ما سووا
ولا صار يخابر ولا يدز مسجات بعدين اجو  جماعه واخذو ماهر من البيت وانوب راحو على ابوي اخذو من شغله
  وصار اهواي كلام بس انا عرفت هذا الشئ تدبير رياض وانو بدا وياي الحرب ونفذ تهديده ولازم اتقبل منه كل شي
خابرته واتوسلت بي أن يطلع ابوي ظل يغلط يسمعني أشكال التهديد بس جان كل الي يهمني ابوي  وفعلا طلعهم  بعد
ان شرط علي ارجع ويا بالثوب الي لأ بسته
صدكو رجعت بالدشداشه حتى ما خلاني ألبس عبايه  اسلاميه او جبه ما  اوصف الي  سووا بيه
الاغتصاب الضرب الجوع ما جان يخليني اسبح لكن فجأه
رياض اتغير اجه أعتذر وجابلي  ذهب وملابس وما صار يتقرب الي بالعكس حسيت بي يمتلك حنيه جان حتى ما
يباوع بوجهي يخجل وانا بين الخايفه  والمتعجبه
هنه يمكن تلث تيام من عرفت انو ابوي بالمستشفى ورحت ولكيت  ابوي منتقل الرحمة الله وشفت ماهر يكله
المن جبتها ابوي مات وما شافها يعني رياض يعرف بابوي بالمستشفى وجاي وشايفه وما گلي
رجعت البيت اهلي ويه عمتي وابنها وزوجته رجعت وانا فاقده شافتني امي كلتلي

تقوى ليش يمه هيج ليش دفنتكم اثنينكم جا خليتي  ابوج واخوج بالسجن ولا طلع ابوج ومات من قهره عليج
وج يمه ابوج مات وراح يندفن بس انتي انتي يمه اندفنتي وانتي عدله

انا من سمعت كلام امي عرفت انو ابوي مات من قهره عليه  لان رياض سجنه ولان اخذني مثل الاسيره ماكو
احد يقبل بته هيج تعيش كتلت روحي خرمشت وجهي وكطعت شعري وصرت ادك على روحي ندم ندم لان
رجعت الرياض وضيعت ابوي حقدت على  رياض وكرهته وخفت على ماهر
امي أخذتني للغرفه وانطتني  ثوب اسود وانا نزعت الذهب كتلها ضمي وجابو ابوي ودخل ويا ماهر وأركان وخالي
انا نمت ع التابوت واضرب براسي وأصرخ ما بقى عندي صوت وأجوا يوخروني وانا احجي ويا
بويه اكعد والله ما بيه شي حبوبي لا تعوفني مو انا ابنيتك
بعدين اجه  رياض كومني وهو يكلي
::تقوى تقوى اسمعيني على كيفج بس لازم نأخذه وندفنه إكرام الميت دفنه
انا باوعتله وكتله بصوت مبحوح  ما بقى عندي صوت واعاتبه بعيوني
=رياض ابوي ما شفته
هو حضني وكلي ::لمي شعرج وخلي على رأسج شي راح يدخلون الزلم يشيلونه ويانه ياالله حبيبتي صيري  قويه
ياالله بنيتي 
شوفو انا بذيج المصيبه بس متعجبه هذا رياض الي هيج يحجي لميت شعري وصرت على صفحه واجوي عمامي
واخوتي ناس شالو ابوي ابوي الي ما شفته وراح تبقى حسرة بكلبي
واخذو ابوي وبدت النسوان تجي وانا اسمع يكولن شنو التشييع الي سووه شكد ناس وكلها ما شاء الله يمكن
لان نسيبهم معروف اجو  ورا من غير الناس الي تعرفه وتحبه
واجن خالتي ام عمران رغم بعدهي لازمه عده واجت زينب وام سامي وعمات رياض وخالاته وانوب وصلت
مريم واجت وياها خلود  وانا بغير عالم كاعده يم امي وبس أصرخ ومريم طلعت هي وخلود ورجعت
وصاحتلي جايبتلي ملابس سود الي وال امي وأخواتي والمرت أركان
لبست دشداشه وانا ساكته وجابتلي عباية رأس من لبست الدشداشه مريت سمعت مرت أركان تسولف على أمها وأخواتها
يمه أركان يكلي رياض نسيبهم هو سووا الفاتحه وراح كل شي جاب على حسابه بس فلوس الدفنه طلعتها خالتي
كالت هذا من تعبه
امها ترد عليها // اي يمه حتى اخوانج كالو وانوب الناس الي جاي تجي على ابو  نسيبه كلها مراتب
ما تشوفين المسواك شنو
مرت اركان تهز بايدها //لا وهي المسعده تتمنن علي وهو يشبك بيها والجنازه مطروحه حظوظ