كسرتني امرأه --باللهجه العاميه --

البارت الخامس والثلاثون

🌷كسرتني امرأه 🌷
❣️بارت 35❣️
❣️انيين الليل #❣️
🌷🌷🌷🌷🌷🌷🌷🌷🌷🌷🌷🌷
مرحبا اهواي كلولي القصه اتشعبت
تره هي قصه حقيقيه بيها ناس وناس تعبانه
بيها حزن وفرح وخوف
جنت اكدر اختصرها بس انتم كلتو انريدها بحذافيرها
ومثل ما تعرفون احنا ناس متعايشه ويه ناس يعني مو بصحراء
انا طبعي من اكتب انقل ابسط الاشياء وانطيها حقها
ومن حق الناس الي بهاي القصه ان تعرفوهم
لان مثل ما كال رحيم الرياض
كل هذوله البشر الي يمشون عدهم قصه اذا مو قصص
لذلك اعزائي القراء الكرام انا اشرح واوضح ابسط الاشياء بدون لا رتوش ولا ملابس فاخره  وذهب ولا
عطورات اوضح الضيم والتعب والقهر الي مرو بي أبطالها وللعلم كل شخص ذكرته بالقصة هو بطل
شكرا الكم  وهذا البارت هديه مني الكم
##انيين الليل

💛💙❤💛💚💙❤💛💚💙💛💚💙💛💚💔💓💟💔💖💗💘💝💛💚💙💝
تقوى
بقينا على هذا الوضع وره ما وصلنه حسنين خمس ايام اليوم من  رجعنا او وصلنه للبيت واتعشينه
كتلها=اگلج  بشو بعد لا ترحين البيت الحجي
بشائر //هاء وليش
=يأبه عيب يوميه داكين الباب عليهم الظهر زحمه ما جاي يأخذون راحتهم
بشائر //تقوى انا والله حتى ماي ما أشرب بس ادرس وجاي استوعب هوايه
=اي ادري شنو قابل ما اعرفج بس بعد شنسوي خاف نضايقهم ويستحوون ما يصير الواحد لازم يبقى خفيف بالمقابل
بشائر كلش ضاجت //اي وشلون يعني اطلع وياج لو شنو
=لا شنو تطلعين وياي من تجيين من المدرسه  نبقى الساعه 2 او 3 ونرجع البيتنا والي نحصله نعمه من الكريم
وبالليل الظم سبح هم يفيدن بيهن النه شكم فلس
بشائر //بكيفج بس تره لازم تعرفين بنهاية الشهر الرابع نكعد شهرين اللحظه محسوبة علي لازم تفكرين شلوون نعيش
جريت نفس =الله  كريم الله يحلها ما يخلي حمل مطروح

ثاني يوم جان خميس وطلعنا انا وبشائر وراحت ويه الخط والظهر نزلت يمنا انا بس شفتها عزلت ورجعنا للبيت
هي استغربت كالت
مو على اساس نبقى الساعه تلاثه ونرجع
كتلها =اي صحيح بس  اليوم خميس وزوار يعني هسه نتغدا ونرتاح شويه ونروح تعرفين بعد الخميس والجمعه
هواي زوار
قريت بعيونها تكلي //خليني اروح البيت الحجي
انا غلست واتغدينا ارتاحينا ورحنا للبسطيه هي ما جابت كتبها وشايله مهاب وانا اجيت بسطت والحمد لله الرزق نعمه رحنا زرنا وصلينا وبعدها رجعنا للبسطيه جنت ما منتبهه لمن شفت نفس الولد واكف يباوع النه اجه اتدنى كلي
بيش المحرم
انا كتله بخمسة كلي ما يصير بتلاثه لو سعرج ثابت
انا ردت اكوم اطيح حظه  والم علي السوك بس خفت لذلك كتله= لا سعر ثابت
ظل يحجي وانا ما اجاوبه اشترى  محرم وراح شفته واكف على صفحه كلت اليوم ما ارجع ابحدي خللي نرجع
ويه أبو قيس وفعلا اتاخرنا شويه ورجعنا  لان أبو قيس عربانه وعلى ما يكفظ الغراض يتأخر
وصلنا عدنا بيضتين  ثرمنا راس بصل وطماطيه وخلينه البيضتين واكلنه وتلفون ام احمد بجيبي شفته يتصل
=يا هذا الحجي متصل مرتين وهذا رقم هم متصل مرتين  رديت
=هله حجي
هله بيج  عمي انتو وين نتصل من العصر اليوم ليش ما جبتي البنيه
=ها حجي تسلم بس هي تستحي تكول ازاحمهم وما يأخذون راحتهم بعد شسويلها
شنو  هالحجي هذا ام مهاب شنو شايلينها على راسنا وشغلج شلون 
=بعد عمي ارجع وياها الظهر وأحاول اشوفلي شغله بالبيت
بابا ما اريد اضغط عليكم بس هو بيتكم وبشائر خطيه تره شاطرة وما اريد مستقبلها يضيع
=الله يطول عمرك حجي ما قصرت
شوفي عمي يمته ما تجبينها هلا بيكم وبلا هالحجي ازاحمكم واضايقكم عيب احنا اهل
=تسلم حجي الله يطول عمرك