كسرتني امرأه --باللهجه العاميه --

البارت الحادي والثلاثون

كسرتني امرأه //بارت 31
بقلمي #آنيين الليل
🌷🌷🌷🌷🌷🌷🌷🌷
وفي
لمن خابرني رياض جنت بالمكتب اول مره اسمع رياض وهو يرتجف ويكلي

وفي الحك علي تعالي محتاجك
ردت افهم منه شنو صاير بس ما فهمت سويت الطريق رمشة عين يمكن السياره ما تمشي ع الكاع يمكن طايره
وصلت للمزرعه لكيته بره واكف وهو يرجف اول شي خطر أبالي انو رياض كاتل مرته وموتها ومحتار
بالجثه او جايب وحده للمزرعه وكتلها وصلت يمه هو بس شافني انهار من البجي ولزمني يكول

وفي مرتي انهزمت  تقوى شردت

انا تفاجئت جنت كل شي متوقع بس مرت رياض هيج تسوي هذا شي ما يدخل للعقل هاي البنيه تنهزم ومنين
من منطقه نائية ما يمهم أحد ظليت  ما اعرف احجي من هوول المفاجئه اما هو بس  يتوعد بيها
كون يلكاها ومره يصيح وانوب يتوسل اول مره اشوف رياض بهاي الحاله حجيت وعيطت علي ولمته وكتله
شردت من ضيمك
بعدين خابرت صباح واخذت رأيه وفهمني على عدة أمور بس الي عرفته من رياض انها انهزمت لان تخاف
منه خاف ينتقم من ماهر واجو اخوانها وصار المهادد بعدين حجيت وياها وهمه بتفاهتهم وغباءهم ضيعوها
هدانا الأمور واتفقنا ويه إخوان تقوى نسكت الطرفين وندور عليها بهدوء
چنت متأكد انو تقوى ما عدها شي مو زين لا سمح الله وهيه انهزمت من خوفها من رياض والتعذيب الي شافته
منه اتعاطفت وياها وخليت نفسي بمكانها اي بمكانها لا بمكانه ولا بمكان اخوانها لان بذيج اللحظه وكائنا من
يكون ما ينطي العذر الوحده انهزمت اله ايخلي بيها انه من غير الكلام الي راح يطلع والقال والقلت
حچيت وياهم وانا اشوف رياض شلون مكسور عليها او منها ما اعرف لان رياض ظالم ومتهور
قنعتهم لازم ندور عليها بدون أن يفضحون نفسهم وهمه حسيت بيهم اقتنعو من كلام رياض الي نزه تقوى
وگلهم من ترجع ترجع وهيه زوجته  اول مره اشوف رياض وهو عباره عن  بقايا إنسان ما اعرف شوصف شعوره
الله يساعده دخلته كوه للبيت الي من شفته شمسوي بي ما مخلي شي ما كاسره بالصاله والمطبخ عبالك جاي ينتقم
من الأثاث صرت اشيل واطلع وبقينا الليل كله كاعدين الي افتهمت انو رياض شكد عصبي ويمكن لو يلزم تقوى يموتها
والشي الثاني الي عرفته انو هو يحبها ويموت عليها
بقينه الليل كله كاعدين ما نمنا والسكوت مخيم علينه ورياض بس يحرك جگاير وحسبه تاخذه وحسبه اتجيبه
الصبح سويت ريوك وجبته  // ياالله رياض سمي
هو شافني گلي = منو يشتهي
جاوبته // محد يشتهي بس شي ضروري حتى نسند نفسنه ونوگف على رجلينه
جر حسره ورد عليه = ياريت اموت
حركت ايدي // صل على محمد واستغفر ربك ما تضييق اله تفرج
ثلمت خبزه وخليت بيها شويه بيضه وگتله //. رياض لاترد ايدي الخاطري
هو اخذها مني وانا اشوف شلون گوه يلوج بيها ويمكن لو بس اطخ ويا بالكلام صدگوني يبچي مثل الطفل الجاهل
هو اكل لگمه ثانيه وشرب الچلي ودخن جگاره وانا شلت الصينيه واحيت يمه سالته
- رياض شنو قرارك تدز على عشيرتها وعمامهم وتراويهم الرساله وتخلي نفسك من المسؤوليه
رياض باوعلي مستغرب وهز راسه :: لا وفي انا ابقى ادور عليها الكاها وين تروح الكاها
- يعني قررت تسكت مثل ما كلت الاخوانها
رياض ::اي اسكت بس من الكاها ما أسكت
- - على كيفك يا صاحبي خلي نلكاها ويصير خيير بس ليش رياض
هو باوعلي وهو عاكف حواجبه = شنو ليش
ليش ما تريد تحجي وتخبر عمامها
هو جر نفس وجاوبني == وفي هواي امور يعني قليله بحقي مرتي ما طالعه ولا تندل وانا بالاساس ما مخليها ابحدها
تنهزم مني وانا نايم ( اتحسر وجر نفس ) بعدين القال والقلت ولاتنسى انا من يعرفون بالدائره شنو راح يصير وضعي
سالته // بس هذا
هو حك خده = شقصدك وفي
قصدي انطيتني اعذار مال غربه بس نسيت اهم عذر
= وفي مو وكتكو
اهم عذر ياصاحبي هو انت تحبها وانت جاي اتحس بالذنب لان ضيعتها تعرف ليش لان مرتك نقيه

سكت ودنك وهو يهز براسه عرفت هو يحبها بعد فتره طلب مني ما اجيب طاري واتفقنا ندور عليها وبدون
محد يدري من أهله ورجعت للدائرة وانا مقهور على صديقي وعلى الشي الي صار بي لاتنسوون احنا ناس
شرقيين يعني أهم شي عدنا الشرف
المصيبه اذا الناس اخذت خبر ما ترحم رجعت للدائره ظليت اتصل برقم تقوى ما شفت اكو فائده إلى ان فد يوم
اجاني اتصال من رقم غريب انا كلت الو
اجاني صوت يتكلم بخوف وخجل /=الو أبو مصطفى انا تقوى
هلا تقوى خويه ليش هيج ارجعي والله وانا ما اخلي أحد يوصلج انطيني عنوانج وانا اجيبج وبيتي واليوصلج
اله انا جوه التراب
تقوى ==ابو مصطفى بعد ما يفيد انا شردت من رياض وظلمه اساله شنو سووا بيه وأسأله ع المخزن
المهم ابو مصطفى اريد آبلغك على مود تكون شاهد كدام الله والناس انا حامل وانا بلغت رياض بس هم ابلغك
اتفاجئت من كلامها // حامل
تقوى = اي ابو مصطفى حامل توني بالشهر الاول ورياض عنده علم بس ياسبحان الله ما تعرف ايغير كلامه
جاوبتها //. ايهسي الي يحجي عليج كلمه مو زينه خويه  دليني مكانج والله اساعدج
جرت نفس = ما يفيد الي صار صار الله وياك