كسرتني امراه ##انين الليل
البارت 26
💛💚💙❤💛💚💙💚💙❤💛💚💙❤💛💚💙💚💚💛💚❤💛💚💙❤
رياض
انقهرت عليها من حاجتني عل الفقر وتذكرت اشلون اكو ناس حافظت على كرامتها رغم فقرها شفتها شون
جانت تمر علينا قضايا بيها الشي الي ما يتصدك شلون ناس تشوفها فقره لكن ما تنازلت عن شرفهم واكو ناس كل
شي متهيا الهم لكن باعو شرفهم بلحظة طيش انقلبو على تربيتهم من أجل لحظه عابره ما تجر غير الندم صراحه
خجلت من هاي الطفله الي أنطتني درس بالأخلاق والصبر
شفتها تتحرك ابطء ودخلت للحمام الي بالصاله وسمعت شلون صارت تبجي بصوت عالي وعبره قويه انقهرت
عليها وظلت بالحمام هواي والماي يصب فترة رحت دكيت الباب
::تقوى شنو صار عدج ليش ما تطلعين
اجاني صوتها وهي تشهك من البجي =اريد ملابس وخاولي
رحت اخذتلها تراك من ملابسي وخاولي لان هي ما جابت ملابسها طلعت وهي لابسه الأتراك كان كلش طويل
عليها ومخبخب انا اباوع الها طلعت جنها هذا الطفل الي بأفلام كارتون الي دائما بنطلونه يخط ورا منظرها يضحك
لكن حزنها حتى الابتسامه خجلت ابتسمها هي طلعت ورادت تروح للمخزن انا استوقفتها
=اوكفي تقوى روحي الذيج الغرفه نامي
هي باوعتلي رادت تحجي بس لان انا خزرتها هي سكتت ودنكت وراحت للغرفه بقيت كاعد بالصاله انا اعاتب
بروحي ليش هيج اسوي بيها خطيه اذيتها هواي هسه ما اروح أعتذر منها لان يكبر رأسها باجر اروح أجيبلها ملابس
وشغلات واعتذر منها
رحت اشوفها لكيتها نايمه ع الجربايه لأمه أديها على رجليها وكأنما ما تريد جسمها يلوح الفراش انا باوعت الها
وطفيت الضوة ورحت الغرفتي ونمت الصبح كعدت نزلت سويت ريوك واتريكت بعدين صعدت بدلت وقبل
ما انزل دخلت لكيتها غاطه بنومها اتدنيت يمها شفتها شلون نايمه وشلون متغيره وحتى بنومتها مبين عليها الخوف
كتلها ::تقوى جوه بالمطبخ اكو ريوك من تكعدين تريكي
اتقربت منها وبستها بخدها وسمعت دكات كلبها حسيت بيها كاعده نزلت قفلت الباب وشغلت سيارتي وطلعت
وصلت للسوك قبل الساعه عشره ونزلت يم محل ملابس ا خذتلها تراكين و دشداشه وملابس داخليه وأخذت الها
شالات وانا راجع شفت عبايه اسلاميه سوده بس حلوة وفيكه نزلت اخذتها الها رغم جانت غاليه
بعدين مريت بمحل اخذت الها كاكاو ونساتل وكرزات بيبسي وعصائر وتسوكت باوعت جان اكو صايغ مال ذهب
نزلت إجت عيني على محبس سلمت علي وشفت المحبس كلي هذا يجي ويا سوار وتراجي شفتهم عجبني جانن
حلوات وفخمات انا اخذتهن ودفعت فلوسهن
ومريت بمطعم اخذت صينية كباب ومعلاك ورجعت
بالطريق رن التلفون شفته امجد رديت علي
هلا مجودي
هلا رياض انا اباب مكتبك
ها مجودي شصاير
رياض محتاجك
انطيني رحيم
نعم سيدي
أفتح الغرفه مالتي وخلي ماي وجاي عشر دقائق يمكم
وصلت فتحت الباب لكيت أمجد كاعد وضام رأسه بين إدي كعدت يمه وطبطبت على كتفه
YOU ARE READING
كسرتني امرأه --باللهجه العاميه --
General Fictionقصه واقعيه حقيقيه تبدأ بالعقد الأخير من القرن الماضي وتستمر إلى وقتنا الحاضر لأحد ضباط الجيش العراقي قصه تتكلم عن خيانة يتعرض لها من قبل امرأه صدمه في أوج لحظات الحب يكتشف الخيانه ويبدأ دوره في تعذيب محبيه ليصبح بلا قلب هي قصه حقيقيه لأحد الناس...
