🌷كسرتني امرأه 🌷
🌹بارت 36🌹
💕بقلمي #آنيين 💕
💕💕💕💕💕💕💕💕💕💕💕💕💞
تقوى
بقيت صافنه من حاجاني حسنين وراح انا اريد بس بشائر تجي إجت يمي ام قيس كالت
شبيج خاله شحاجاج هذا الولد شو صافنه
انا ما جاوبتها اشويه واشوف بشائر إجت ضايجه وبيدها مهاب وتگلي بخوف
تقوى تقوى سمعت اليوم تطلع النتائج عفيه خابري المديره
==ما عندي رقمها
بنقال بيبي
==ما تدرين انمسحن الأرقام
جا شلوون اعرف نتيجتي
==اي هسه اكل القيس يروح يسال ويشوف
اي عفيه كليله
انا جنت اضحك فرحانه من شفتها كتلها بس خلي اخابر حجي عطيه فتحت تلفوني صار اكثر من شهر
غالقته لكيت رسائل شكد واتصال من رياض ما فكرت حتى افتحهن اتصلت ع الحجي هو بس سمع صوتي
باركلي انا صرت على
صفحه كتله ==حجي حسنين يمك
كلي //اي هذا هو الي بشرني
==انطيني أيا
==الو هاك حاجي بشائر وانت كللها
باوعت الها = بشائر بشائر هاج احجي راح يكلولج النتيجه
هي اخذت التلفون وهي مرتبكه ومربطمه // الو اي انا بشائر أحمد جاسب إسماعيل
هي ظلت تصرخ وتبجي وتضحك التمو علينه انا رحت حظنتها كتلها ==اشبيج عيب منا الناس
اجو علينه ام قيس وأبو قيس والناس الي ويانه وهمه يباركون ويصلون على محمد وآل محمد وهذا الي
يوزع جكليت وهذا الي اشترى عصير عبالك مو بس هي الي نجحت كلهم انا شفتها كعدت وبيدها الفون
وصارت تبجي كتلها = باجر نروح نزور بيبي وابوج هسه ما تدرين شكد فرحو( حاچيتها )
مو اول لازم تتشكرين من الإنسان الي جابلنه النتيجه--
باوعتلي بتساءل
كتلها ==لعد خطيه شكد مهتم بيج وانتي حتى ما فرزنتي صوته
هي متعجبه وبس تباوع
اتصلت مرة ثانيه وهالمره طلعلي حسنين كتله ==احجي وياها وهديها بعدهي متفاجئه
انطيتها الفون وكتلها ==احجي واتشكري منه
الو
الو عمو انا اشكرك
قاطعها //وج انا مو بس عمو وخالو وبابا وحبيبح وكل شي
باوعتلي متفاجئه // من من منو انت
- افه ما عرفتيني يا بذات
بلعت ريگها // حسنين
جا ياهو وج من البارحه لليوم ما نايم على ما طلعت نتيجتج
ردت وهي تباوعلي // ها اي تقوى تقوى منو كلها اشلون عرفت
- شنو منو كلها انا اجيت وكتلها كتلها ام مهاب بشائر الي وما افرط بيها وانتي عيني دكتوره مو تدخلين
كلية الطب وانوب ما تريديني ولو انا ادري بيج ميته عليه يالله جايج
وسدته جان وجه بشائر وردي من الفرح والخجل وانا اباوع الها واكول
==الله يسعدج ويفرحج
هي ما كلتلي راح يجي حسنين بقت واكفه ومتوتره اجه وسلم هي شافته صارت وراي هو باوع وكلها
تعاي ليش ضامه روحج
هي ما جاوبته رد عليها //. تعاي شبيج
جاوبت // ها لا ما عندي شي
ما عندي شي شنو تعاي يم تقوى اريد احجي كلام لازم تسمعينه
وطلعت بشوره وهي مستحيه وهو كلي //تعالو وراي
انا كلت لأبو قيس يدير باله ورحنا وصلنا للصحن الشريف وهناك زرنا وطلعنا بالساحه مالت الامام وتلاگينه ويه
حسنين الي بادر بالكلام //ام مهاب انا نجحت وصرت قاضي
YOU ARE READING
كسرتني امرأه --باللهجه العاميه --
General Fictionقصه واقعيه حقيقيه تبدأ بالعقد الأخير من القرن الماضي وتستمر إلى وقتنا الحاضر لأحد ضباط الجيش العراقي قصه تتكلم عن خيانة يتعرض لها من قبل امرأه صدمه في أوج لحظات الحب يكتشف الخيانه ويبدأ دوره في تعذيب محبيه ليصبح بلا قلب هي قصه حقيقيه لأحد الناس...
