At 12 Midnight
By GeniusMonkey
Hating gabi at ako'y gising pa rin, nakatingin sa salamin
Hindi alam ang gagawin, nakikinig sa mga awitin,
Nasasaktan ang damdamin, ikaw pa rin, di ko na kayang tiisin.
Kaya pinatay ko na ang radyo, tulad ng ginawa mo,
Sinaktan mo ang aking puso, ngayon ako'y litong-lito,
Isip ko'y gulong-gulo, bakit minahal ang isang tulad mo?
Lumabas muna ako saglit, para sa isip ko'y mawaglit,
Kay saklap ng aking sinapit, pag-ibig mo'y napakalupit
Napuno ako ng galit, sobrang pait, nitong aking sinapit.
Mag-uumaga na pala, ikaw pa rin ang nasa ala-ala,
Sana'y di ka na lang nakilala, baka ako ngayo'y masaya,
Tandaan mo ito sinta, mahal kita, higit sa iyong inaakala.
YOU ARE READING
Poems of a Broken Heart
PoetryA Collection of Sad and Lonely Poems... Poems that would make you relive the Past... Poems that would make you recall you Pains... Poems that would make you realize that... Once in our lives we've experience Sadness... Because we've fallen in Love...
