Ang Tanga Kong Puso
By GeniusMonkey
Tanga! Tanga! Tanga!
Ang tanga ko talaga!
Kahit cellphone ay nakakalimutan!
Pambayad ko sa jeepney ay kulang!
Dahil pitaka ko'y naiwanan!
Ngunit bitbit pa rin ang larawan
Kuha ko noong ako'y iyong iwanan
Ala-alang tumatak sa isipan
Ala-alang kay sarap balikan
Ala-alang gusto kong kalimutan!
Dahil puso ko ngayo'y sugatan...
Pero akoy tanga! Tanga! Tanga!
Kinalimutan ko na ang lahat
Pero bakit hindi pa rin sapat
Ako pa rin ay hindi karapatdapat
Binigay ko naman ang lahat
Ako nga ay nagpaalipin sa iyo
Kaya ngayon ang gulo ng isip ko,
Hindi nakakapag-isip ng matino,
Pagdating ko pa sa opisina
Ako'y napagalitan pa
Lintik! Ako nga ay tanga!
Malas! Bakit nasa isip pa rin kita!
Tama! Nagiging tanga na naman ako!
Isinilang naman akong matalino
Pero bakit ganito?
Ako'y nagpaloko,
Sa taong kagaya mo!
Tanga! Ito ang narinig ko
Bakit sa dinami-dami ng babae sa mundo
Bakit ikaw pa daw ang nagustuhan ko!
Tanga! Ito ang narinig kong sabi nila!
Isang malaking pagkakamali ang ibigin ka.
Pagkakamaling labis kong pinagsisihan
Dahil ngayon ikaw ay biglang lumisan.
Parang isang panaginip ako'y nagising
Umuwing luhaan parang isang lasing
Dumadaing,pagkat pag-ibig mo'y sinungaling,
lumuluha at napapailing,
Kahit pa ulitin ang mga sandaling
Kasama ka at sa bisig ko'y kapiling!
Di ko na alintana ang mga luha
Na pumapatak mula sa aking mga mata
Ako'y naging tanga
Pagkat minamahal pa rin kita.
YOU ARE READING
Poems of a Broken Heart
PoetryA Collection of Sad and Lonely Poems... Poems that would make you relive the Past... Poems that would make you recall you Pains... Poems that would make you realize that... Once in our lives we've experience Sadness... Because we've fallen in Love...
