The Doctor is Out!

31st Duty

Isinama ni Andrei si Robi sa table nilang mga boys. Si Steffi naman naiwan na kasama si Carey.

"Si Andrei hindi pa din nagbabago, hanggang ngayon juice pa din ang iniinom sa party." Sabi ni Carey.

"Hindi ko nga alam paano pinalaki yan ni Mama eh, masyadong mabait si Kuya." Sabi naman ni Steffi.

"Bakit hindi niya kasama si Farrah ngayon? Parang imposible na hindi sila magkasama." Pagtataka ni Carey.

"Ah! Naiwan sa New York si Ate Farrah, hinintay lang naman ni Kuya yung graduation ko tapos uuwi na din siya. Di niya kayang iwanan ng matagal si Ate Farrah." Sagot ni Steffi.

"Kaya pala sabi niya babalik din siya agad." Sabi ni Carey.

"Nako, kung pwede nga lang na umuwi siya ngayon eh uuwi siya. Excited na yan bumalik ng New York, lalo na buntis si Ate Farrah." Sabi ni Steffi.

"Talaga?! Kelan pa?! Hindi nasabi ni Andrei sa amin! Ang damot talaga nun!" Tuwang-tuwa na sabi ni Carey.

"Hm... Naka move-on ka na talaga kay Kuya, Ate Carey." Sabi ni Steffi.

"Matagal na yun. May sarili na kaming buhay ni Andrei. Tsaka kundi lang din naman dahil sa kanya hindi kami magkakakilala ni John." Sabi ni Carey.

"Ah! Yung professor na friend ni Kuya! Talaga?!" Di makapaniwalang sabi ni Steffi.

"Oo. Si John." Sabi ni Carey.

.
.
.

Si Robi naman kasama sina Andrei at ang ibang boys.

"Surgeon ka pala, Robi!" Sabi ni James.

"Technically, hindi pa. Naghihintay pa ako na maging resident surgeon." Sabi ni Robi.

"Kaya nga kahit anong pilit ni Mama noon ayaw ko talaga mag-specialize sa surgery. Ang tagal kasi!" Dagdag ni James.

"Nag medicine ka din pala." Sabi ni Robi.

"Cardiologist si James, wala lang sa itchura." Sabi ni Andrei.

"Anyway, don't you want to expand your options abroad? Mas madaming maganda na ospital at mas mapapractice mo ang pagiging surgeon mo sa ibang bansa! I can hook you up with my friends." Sabi ni James.

"Thanks, pero masaya naman ako dito sa Pilipinas. Maganda naman ang career ko, I don't feel the need na mag-ibang bansa pa." Sagot ni Robi.

"Pero si—" Nahinto sa pagsasalita si James ng pigilan siya ni Andrei.

"Kuya! Baka kung ano-ano na sinasabi mo kay Robi ha!" Singit ni Steffi sa usapan nila Robi.

*ring ring*

"Excuse me, tumatawag si Farrah." Paalam ni Andrei at pumasok sa loob ng bahay nila.

"Okay ka lang, hindi ka naman pinapahirapan ni Kuya?" Kumusta ni Steffi kay Robi.

"Hindi naman." Sagot ni Robi.

Nang matapos ang party nag-decide na din na sila na umuwi.

.
.
.

<Nakauwi na ako. Thank you for today, I had fun. Goodnight.>

Sabi ng text message ni Robi kay Steffi ilang oras lang pagkahiwalay nila galing sa party.

"Para kang tanga diyan, tumatawa mag-isa." Sita ni Andrei kay Steffi na kinikilig pa din sa text ni Robi.

"Eh masaya ako eh, bakit ba." Sagot ni Steffi.

Hindi naman na sumagot si Andrei kay Steffi, binalik na lang niya yung atensyon niya sa laptop niya.

Pagkatapos mag-text ni Steffi kay Robi ay kinulit naman niya si Andrei.