Loving The Broken Bastard (San Marquez Series #2)

Chapter 26.

Date Published: June 15, 2017

Date Re-Published: October 13, 2021

HENRICKA

Kanina ko pa tinitigan ang sasakyan at tulad ng sinabi ni Nick, sinusundan nga kami ngayon. Kaya naman nag-text ako kay Herald tad dito.

"Sinusundan talaga tayo n'ong sasakyan. Tinext ko na si Herald para lang malaman niya ang tungkol dito," sabi ko.

"Sinabihan ko na din sila Carilo at sabi nila ay may papunta na po dito na kasapi ng org natin," sagot ni Nick.

"Magda-drive na lang ako ng maayos dito at sisiguraduhin na ligtas kayo," sabi naman ni Lay. Pinanood ko lang ang sasakyan para lang makasiguro na ligtas kami.

•*•*•*•*•*

Nasa byahe pa din kami ngayon at may dalawang sasakyan na ang humaharang sa kulay asul na sasakyan.

"Kakampi po natin ang puti at gray na sasakyan na humaharang sa asul na sasakyan, miss. 'Wag po kayong mag-alala sa kanila," sabi ni Nick.

"Naiintindihan ko, Nick. Medyo kunabahan na ako nang may dumagdag pang dalawang sasakyan eh," sabi ko naman.

Natawa silang dalawa sa 'kin at napa-iling na lang ako. Kailangan ko na atang malaman kung ilan pa ang mga sasakyan na mayro'n sa kanila.

Saka, kailangan ko na ding malaman kung ano-ano ang mga sasakyan na pinagmamay-ari ng mga kasapi sa org namin.

"P'wede ko bang malaman kung ilan ang sasakyan na pinagmamay-ari ng mga kasapi sa org? Para sa susunod ay hindi na ako nag-aalala pa," komento ko.

"Opo, miss. Sa susunod ay ibibigay ko po sa inyo," sagot ni Nick. Napasandal na lang ako sa upuan at hinayaan na ang iba na i-handle ang mga sakay ng asul na sasakyan.

•*•*•*•*•*

Nakarating na kami sa kompanya at bumaba na mula sa sasakyan. Dumating na din ang dalawang sasakyan saka ang asul na sasakyan.

Agad kinuyog ng mga bantay sa kompanya ang asul na sasakyan at pinalabas ang mga sakay nito. Napansin ko na may dalawang pulis din kasama ang mga bantay dito sa kompanya.

"Bakit may pulis?" tanong ko.

"Sila po ang tinutukoy na kakilala nila Mr. Aldous po, miss," sagot ni Nick. Tumango ako at tumingin sa isang bagong dating.

"Siguraduhin niyo po na walang magagawang masama ang mga taong 'yan. Alamin niyo po ang lahat ng tungkol sa kanila at kung bakit sinusundan po nila kami," sabi ko.

"Opo, miss. Masusunod po," sagot ng lalaki at lumapit na sa mga nagkukumpulan.

"Tara na?" pag-aya ko kanila Lay. Naglakad na kami papasok ng kompanya at pumunta na sa meeting room para maka-usap na si Tito Vaughn ngayon.

•*•*•*•*•*

Nandito na kami sa loob ng meeting room at umupo ako sa upuan na nasa tabi ni Tito Vaughn. Mayro'n ding mga pagkain at inumin sa lamesa.

"Tito, ano po ang pag-uusapan natin? May problema po ba sa business?" tanong ko. Masyado kasi siyang seryoso ngayon at hindi ako sanay.

"I have no idea how to tell you about this, iha... But, I think this the right time for you to know the truth," sabi niya.

"Listen to me carefully, okay?" Tumango ako sa kaniya. Hinanda ko 'yong sarili ko para sa sasabihin niya.

"Look at this first." Kinuha ko 'yong inabot niyang folder at binuksan 'yon. Kinuha ko 'yong papel na nandoon at tinignan.