Mafia Heiress Possession: Hurricane Thurston

Pahina 1

Pahina 1
Hurricane Diaz

Who's worth it?

Tanong sa sarili ng babaeng nakaupo sa railing at nakatanaw ang bughaw nitong mga mata sa mga nagtataasang buildings ng siyudad. Hinahangin ang paalon at tsokolate nitong buhok. Nakanguso naman ang manipis at mapulang labi. Kinurot niya ang may katangusang ilong. Nang umaraw ay hinagip niya ang dulo ng sarili niyang buhok at napangiti nang makita ang paghalo ng kulay pula sa kulay tsokolate niyang buhok.

Ang sinumang makakikita rito ay mabibighani. Ang kagandahang taglay nito ay hindi maihahalintulad sa iba. Tinagilid niya ang ulo niya nang makarinig ng kaluskos at isinawalang-bahala lamang 'yon at bumuntong hininga.

"Hindi ka ba nagsasawa sa kasusunod sa akin?"

"...."

Gaya ng dati ay hindi ito sumagot. Lumundag siya at lumapat nang swabe ang mga paa sa semento. Pinasok niya ang parehong kamay sa bulsa ng suot niyang black leather jacket at nagsimulang tahakin ang labasan ng rooftop.

Nang makalabas ng elevator ay automatic na napunta ang mga mata ng lahat sa napakagandang dilag.

"Good Morning, Miss Hurricane." Tipid na tango ang ibinalik niya sa mga ito. Habang naglalakad ay napadaan siya sa parke at may nakitang matandang ginang na tila nagku-kwento tungkol sa tatlong halimaw.

Naupo siya sa ilalim ng puno malapit sa matandang ginang na nagku-kwento sa mga bata. Nakatingin siya sa kalangitan habang nakikinig sa kwento nito.

"Taun-taon ay nagsa-salinlahi ang henerasyon ng tatlong halimaw sa magkakaibang nayon na lingid sa kaalaman ng lahat. Ang unang halimaw ay may kakaibang kamay na kayang magpaguho ng kahit anong pader. Ang kamay nito ay may kakaibang hasang at hindi mapapantayan ang lakas ng normal na kamao. Isang pitik lamang nito ay kaya nang pumatay. Ang pangalawa naman ay may kakaibang paa na kayang tumalon nang napakataas at ang lakas ng sipa ay napakalakas. At ang pangatlo ay may bilis na parang hangin at kayang kumuha ng buhay ng walang nakakapansin."

"Waaaah! Ang galing! E nasaan sila?" tanong ng batang babae na nasa tatlong taong gulang.

"Hindi ko rin alam, mga bata at nakakalungkot ang kanilang mga sinapit."

"Bakit po?" tanong ng iba pang mga bata.

"Dahil ang turing sa kanila ay sumpa na nagbibigay malas sa kanila."

"Wala pang kahit na sino ang nakakuha ng loob ng tatlong halimaw. Marami ang may gustong kumuha sa mga ito dahil sa mga taglay nitong kakayanan at marami ring tumutugis sa kanilang mga buhay."

"Ayon sa alamat, ang sinumang makakukuha ng tiwala o loob ng mga ito ay paglalaanan nito ng kanilang mga buhay at po-protektahan hanggang kamatayan."

"Nandiyan ka lang pala! Mga bata? Kailangan nang umalis ni Lola ah?" ani ng mga nagdatingan na nurses mula sa isang mental institution.

"Di pa tapos magkwento si Lola!" angil ng mga bata.

"H'wag kayong magpapaniwala sa sinasabi-"

"Sandali.." tumayo ang dalaga mula sa pagkakasandal sa puno. Lumapit ito sa ginang at bahagyang yumuko at ni-lebel ang mukha sa ginang.

Hindi makagalaw ang dalawang lalaking nurse na nakahawak sa magkabilang braso ng ginang at lahat sila ay nakatulala sa kanya.

Pinakatitigan niya ang ginang na nakatulala sa kanya.

"Interesado ako sa mga halimaw na tinutukoy mo, ginang. Saan ko sila matatagpuan?"

"T-Teka lang Miss. H-hindi totoo ang-"