Mafia Heiress Possession: Hurricane Thurston

Pahina 26

Pahina 26
Punishment and Pain (1)

Nagising ako sa kamay na marahang sumusuklay sa aking buhok. Pagdilat ko ay nakita ko si Reyna Dalya na nakahiga sa aking tabi at nakangiting sinusuklay gamit ang kanyang mga daliri.

"Magandang umaga, Cane."

"Hehehe, magandang umaga rin po. Kanina pa po kayo gising?"

"Hindi ko na namalayan. Ang sarap mong pagmasdan matulog, binibini."

"Hehehe, talaga po?"

"Hahaha, oo naman."

Napangiti ako, ang pakiramdam na ito ay bago sa akin at matagal ko nang hinahanap at gustong maramdaman.

"Maaari ko ba kayong yakapin?" tanong ko at hindi pa man ito sumasagot ay yumakap na 'ko na parang bata.

"Hahahaha. Ngayon na lamang may gumawa nito sa akin, napakasarap sa pakiramdam."

Namuo ang luha ko at mas lalong sumiksik kay Reyna Dalya.

"May problema ba, Cane?" nag-aalala niyang tanong.

"Pagkamulat ko mula ng isilang ako ay hindi ako nagkaroon ng pagkakataon na mayakap ang mga Lolo at Lola ko. Ikaw na lang Lola ko, hehehe."

"Hahahaha. Walang problema, masaya akong maging Lola mo kahit nakakatanda sa pandinig ay masarap pakinggan."

"Lola Dalya."

"Hahaha, ano 'yon, apo?"

"Lola Dalya...Lola Dalya...Lola Dalya. Hehehe, ang saya may Lola na ako."

"Hahahaha, siya nga pala apo. May ibibigay ako sa'yo sana magustuhan mo."

Nakita kong tumayo si Lola Dalya at nagtungo sa isang aparador at binuksan iyon at may mga nilabas.

"Wow."

"Ito ang mga kasuotan noong kaedaran mo pa lamang ako. Sana ay tanggapin mo, Cane."

"Para sa akin po?"

"Oo hahaha. Sa wakas ay nakahanap na ako ng makakapagmana sa mga ito."

Tuwang tuwa na niyakap ko si Lola Dalya.

"Maraming salamat po!"

"Ang mabuti pa'y maligo ka na at magpalit. Hihintayin kita at pipilian ng maisusuot. Hahaha. Nasasabik na akong makitang isuot mo ang isa sa mga kasuotang ito."

Nakangiting pinagmasdan ko ito at tumango.

"Sige po."

"C-Cane, apo anong nangyari sa iyong likod? Ano ang mga bakas ng sugat na ito?" gulat at nag-aalalang tanong ni Lola Dalya habang nakatingin sa likod ko

"At ano ang ibig sabihin ng simbolong ito?" dagdag niyang tanong.

Natahimik ako at napanguso.

"Cane?" tawag nitong muli sa akin.

"Hindi ko po maipapaliwanag ang ibig sabihin ng simbolo sa aking likod, hehehe, pero magaling na po ang sugat ko na mula sa pana."

"Pana?! Sinong pumana sa iyo?" may himig ng galit na tanong ni Lola Dalya. Nagulat ako.

"E-Eh w-wala po ito."

Seryoso ako nitong tiningnan at napabuntong hininga.

"Ikaw bata ka, ingatan mo ang sarili mo."