ZAFIRA: The Princess of Wizards| COMPLETED ✔

Chapter 3: Prince Flint Stone

Saktong tanghalian ng matapos siyang mag-ayos ng gamit kaya dumiretso na agad sila sa Cafeteria. Sa bawat madadaanan nila ay pinagtitinginan siya ng mga tao. Siguro'y kumalat na ang nangyari kanina. Isinawalang bahala niya na lang iyon dahil nagugutom na rin siya.

Kumuha siya ng tingin niya'y mauubos niya bago naghanap ng mauupuan. Malaki ang Cafeteria kaya hindi siya gaanong nahirapan.

"Lucia hindi ka ba kakain?" Tanong niya ng mapansing wala naman itong kinuha.

"Kakain pero mamaya pa ko. Hihintayin ko pa yung ipakikilala ko sa'yo. Mauna ka na dahil mukhang gutom na gutom ka na."

Napaisip siya. Gutom na siya pero ang bastos naman kung mauuna siya kumain.

"Ano bang kinakain niyo?" Usisa niya

"Depende kung anong kind ka ng fairy. Kagaya ko na isang Flower Fairy, pinakamadals na kinakain naming ay nectar ng flower dahil mas masustansiya 'yon pero mahilig din kami sa Sweets, wild berries and milk."

"Ah, sabi mo din may different kinds ng Fairy. Ano 'yun?"

"Ah, yun ba? Water Fairies, Flower Fairies, Eventide Fairies, Forest Fairies and Snow Fairies. Ung mga Water Fairies nangangalaga sila sa tubig. Kaming Flower Fairies nagiging mga guardian ng mga estudyante dito. Ung mga Eventide Fairies naman parang kami lang din pero sila naman ang nangangalaga sa mga flowers kasi nga hindi namin magagawa. Forest Fairies of course sa Forrest sila at sila din ang pinakamatakaw sa berries. Snow fairies, sa snow." Tuloy-tuloy na sagot nito.

"Ang dami niyo pala kung ganon. Teka, gusto mo ba kuhaan kita ng sweets?" Nakakita kai siya ng garapon ng asukal kanina habang kumukha siya ng pagkain. Nagtaka pa nga siya kung bakit may ganoon at kung bakit kumukuha ang ibang estudyante doon. Iyon naman pala ay para sa mga fairies.

"Talaga? Kukuhaan mo ko?" Hindi makapaniwalang sabi nito. Nakangiting tumango siya. "Sige!"

Kumilos na siya para kumuha ng asukal. Nakakita din siya ng honey kaya napagdesisyunan niyang kumuha na rin noon. Papabalik na siya ng makita niyang may kinakausap si Lucia pero mukhang hindi ito naiintindihan ng kausap. Magkasalubong kasi ang kilay ng lalaki. Napagdesisyunan niyang lumapit na.

"Zafira!" Nagulat siya sa sigaw na iyon ni Lucia, ang lapit kasi nito sa bandang tainga niya. "Siya ung sinasabi ko sa'yo si Flint" Itinuro nito ang lalaking may brown na mga mata. Kung sa iba ay magmumukhang itim, dito ay brown na brown talaga. Nakatitig ito sa kaniya kaya umiwas siya ng tingin. "Kasama ung Guardian Fairy niya na si Roland."

"H-hi Flint!" Nautal siya dahil naiilang siya sa titig nito. "Hi Roland! Ako nga pala si Zafira." Inilahad niya ang kamay na parang gustong makipagshake hands, tinanggap naman ito ni Flint pero hindi agad binitiwan. Narinig niya ang bulungan ng mga tao.

"How dare she hold Flint's hand?"

"Duh! She's a bitch!"

At kung ano-ano pang masasamang nasabi sa kaniya. Sikat ba si Flint dito sa Wizard Academy?

"Hi Zafira!" Si Roland iyon. Ngumit siya dito. "Hello!"

Kinulbit ni Roland si Flint at itinuro ang kamay nilang magkahawak pa din. Agad siyang napabitaw, hindi niya napansin! Napayuko siya ng maramdamang uminit ang pisngi niya. Siguradong namumula siya. Nakakahiya ka Zafira alam mo ba 'yon?!

"Hi, ako ng pala si Flint. Tara kain na tayo?" Cool nitong sabi na parang wala lang ang awkward na sandali kanina sa pagitan nila. "Ah, sige" Nakakuha na din pala ito ng sariling pagkain. Inabot niya kay Lucia ang kinuha niyang honey at sugar. Magiliw namang nagpasalamat ang fairy.