WERE MARRIED? (COMPLETED)

Four

"HOY LALAKI!"tawag niya kay Claude.

Kanina pa niya ito pilit na kinakausap, pero hindi man lang siya pansinin ng walanghiyang lalaking ito. mula ng iwanan siya nito kanina sa sala nito hindi na sila nakapag usap na dalawa ng maayos. At naiinis siya, wala siyang balak na magtagal sa lugar na ito. plano lang naman niyang sabihin dito ang balak niyang ipawalang bisa ang kasal nilang dalawa.

"Nakikita mo namang busy ako"angil sa kanya nito.

Nasa ilalim ito ngayon ng isang sasakyan na kanina pa din nito binubutingting. Naiinis siya kasi madami naman yatang pwedeng umasikaso sa ginagawa nito. Kasi sa obserbasyon niya kanina, mukhang ito nga ang may-ari ng talyer na ito dahil na din boss ang tawag ng mga taong naroon sa binata.

"Hindi naman kita aabalahin ng matagal, may gusto lang akong sabihin sayo"naiinis na din niyang sagot dito.

Nagdadabog naman itong tumayo sa ginagawa nito at nagpunas ng kamay nitong puno ng grasa.

"Totoy, ikaw na nga muna dito. Tignan mong mabuti ang brake, at iyon ang nirereklamo ni Joy."utos nito sa isang kasama nito.

Exaggerated naman siyang napabuka ng hangin ng sa wakas mukhang magkakausap na sila ng maayos ngayon. Sinundan na naman niya ito ng pumasok na naman ito sa loob ng bahay nito.

Muli gaya kanina, noong unang magkita sila dumeretso lang ito sa kuhanan ng tubig at uminom ng tubog.

"Speak"nakataas ang kilay n autos nito sa kanya.

Bigla naman uminit ang ulo niya sa tonong ginamit nito sa kanya. pero pinigil niya ang sarili na tarayan ito kailangan niya ng diplomasya ngayon sa lalaking ito. kailangan niyang makuha ang loob nito para maayos ang gulo nilang dalawa.

"Inglis ka pa dyan. Pwede naman na tagalog"pabulong niyang turan.

"Magsasalita k aba sa gusto mong sabihin o babalik nalang ako sa ginagawa ko. Busy ako, nakikita mo madaming nagpapagawa ng sasakyan ngayon"para naiinip na turan nito.

Inirapan niya ito bago niya kinuha ang mga papel na dala niya at ibinigay dito.

"Mukhang hindi na naman bago sayo, kasi mukhang alam mo din na kasal tayo gaya ng sinabi mo kanina. Kaya hindi na ako magpapaliguy-ligoy pa. gusto kong mapawalang bisa ang kasal na ito."

Hinintay niya kung ano ang magiging sagot nito sa kanyang sinabi. Pero blanko lang ang reaksiyon nito sa sinabi nito, nakatitig lang ito sa kanya.

"Hindi ko alam kung paano at bakit kasal tayo, pero kasi kailangan nating maghiwalay. Kasi ikakasal na ako---"

Hindi niya naituloy ang iba pa niyang sasabihin ng talikuran siya nito at pumasok sa loob ng kwarto nito. naiinis siya sobrang bastos ng lalaking ito, kita nan gang nagsasalita palang siya tapos hindi na siya pinakinggan nito.

Pero hindi naman nagtagal ang lalaki sa loob ng kwarto nito. nagbihis lang ito ng pang-itaas nito.

"Alam mo bang hindi biro ang pagpapawalang bisa ng kasal?"nakakunot ang noo nito habang nakatitig sa kanya.

Wala siyang alam sa mga batas, pero alam naman niya iyon. nagtanong-tanong na din naman kasi siya bago siya nagpunta dito para kausapin ito kaya may ideya siya.

"Oo"lakas loob niyang sagot dito.

"Alam mo ang proseso?"muling tanong nito.

Napaisip siya, ano nga ba ang proseso. Hindi niya yata natanong iyon kung paano.

"I think hindi, ito nalang sasabihin ko sayo. Wala akong panahon at wala din akong pera para sa ganitong proseso na sinasabi mo. Kaya okay lang sakin na kasal tayong dalawa, ikaw kung gusto mo talaga na mapawalang bisa ang kasal na ito ikaw ang kumilos. Pero ako wala kang aasahan sakin pagdating dyan"ito na ang pinakamahabang sinabi nito sa kanya.