اسرى بلا قيود....ل..انجي عصام الدين ... كاملة

الفصل الثالث

بسم الله الرحمن الرحيم
لا تدع القراءة تلهيك عن الصلاة
الفصل الثالث
🎀🎀🎀🎀🎀🎀🎀🎀
عادت فتنة من الجامعة وما ان هبطت من السيارة حتى رأت نجية التي تجلس بين امرأتين في الحديقة فأبتسمت وهي تتقدم منهم وتقول بأبتسامه

فتنه: السلام عليكم ازيك يا نونا ؟
نجيه: الحمد لله يا حبيبتي اقعدي
فتنة:ازيك يا طنط ضحى ازيك يا طنط امل؟
ضحى: الحمد لله يا حبيبتي عامله ايه؟
فتنة: الحمد لله يا طنط
امل: عامله ايه في الكلية بتاعتك يا فتنة
فتنة:الحمد لله فيه شويه مواد صاعبين بس الكلية عموماً جميلة
ضحى: لو محتاجه دروس في المواد دي قولي لسند ابني وهو يجيبلك مدرس فيهم
نجية: مهي قالتلي وانا قولت لطه وهو قال هيجيب ليها مدرس
امل: على خير ان شاء الله ,قومي يلا يا فتنة ارتاحي في اوضتك شويه قبل معاد الغداء
فتنة: وهي تقف: حاضر يا طنط بعد اذنكم

ابتعدت عنهم فتنة وما ان توارت عن انظارهم حتى تحدثت امل وهي تقول

امل: هو انتي قولتي لفتنه على مامتها يا ماما نجيه
نجيه:بتنهيدة: لسه انا مش عايزه اقولها دلوقتي انتي عارفه انها مش بتحب تتكلم عنها
ضحى: بس هي لازم تعرف ان مامتها هتنزل مصر قريب واكيد هتطلب تشوفها دا حقها
نجيه: يا سلام هي بعد كل السنين لسه فاكره ان ليها بنت واجعه عايزه تشوفها
امل: والله هي الحكايه كلها في حاجه غلط دي سابت فتنه وهي لسه عيله صغيره وعمرها ما سألت عليها ايه بقى اللي جد دلوقتي
نجيه: والله يا خبر دلوقتي بفلوس بكره يبقى ببلاش ,قولولي بقى متعرفوش سعاد هترجع امتى البت غزال وحشتني اوي
ضحى: سعاد كلمتني الصبح وبتقول هيرجعوا بكره او بعده بالكتير
امل: اهي سعاد دي بقى اللي انا مش فهماها بنتها بقت عروسه وهي كل اللي في دماغها عمليات التجميل والشوبنج حتي غزال بقت نسخه منها
نجية: انا حاسه ان ذنب البنت دي هيكون في رقبتنا بس كنت كل ما اجي اتكلم عن تربيتها علاء كان يقولي اسيب مامتها تربيها زي ما هي عايزه وادي النتيجه
ضحى: ربنا يهديها يارب

حركت نجية رأسها بالايجاب وتنهدت بتفكير في والدة فتنة التي عادت بعد كل تلك السنوات تطلب رؤيتها وفي غزال التي اصبحت نسخة من والدتها
🎀🎀🎀🎀
انهت لؤلؤة ما كانت تقوم طباعته على جهازها ووقفت لتتجه الى داخل غرفة كريم وما ان اصبحت بالداخل حتى وجدت ان المكتب خالي فعلمت انه في دورة المياة الخاصة به فجلست على المقعد وهي تنتظر خروجه من دورة المياة واذت قوم بتدليك معصمها فمازال يؤلمها منذ ان جذبها اشرف منه ,تنهدت على ما تقاسيه فمنذ وفاة والدها وهي تشعر ان كل شيء يتحول للأسوء وتأكد شعورها عندما تزوجت والدتها من ذلك الحقير بداعي انها تريد ان يكون في حياتهم رجل يقوم بحمايتهم ,ابتسمت بسخرية على ذلك فمن يجب ان يقوم بحمايتها هو اول من يحاول انتهاكها ,حركت رأسها على الجانبين وهي تستمع صوت باب دورة المياة يفتح فأعتدلت في جلوسها وما ان رأها كريم حتى قال