بسم الله الرحمن الرحيم
لا تدع القراءة تلهيك عن الصلاة
الفصل السادس والعشرون
🎀🎀🎀🎀🎀🎀🎀🎀
دلف "حمزه" الى داخل غرفة المكتب الخاصة "بسند" وما ان جلس امامه حتى قال بهدوء
حمزه: ازيك يا سند عامل ايه؟
سند: الحمد لله انت عامل ايه؟
حمزه: الحمد لله ,كنت عايز اتكلم معاك في موضوع كدا
سند: بقلق: فيه ايه يا حمزه ,هو فيه حاجه حصلت ولا ايه؟
حمزه: ايوه وانت اول واحد اقوله عشان عايزك تكون جنب فتنة الفترة اللي جايه دي
سند: وهو يقف ويتجه اليها: فيه ايه يا حمزه قلقتني ,ايه علاقة فتنتي بالموضوع اللي انت عايز تتكلم فيه؟
حمزه: بص يا سند طبعاً انت عارف ان مامت فتنة كانت متورطه في قضية خطف فتنه وخصوصاً ان اللي اسمه سعيد ده اعترف عليها بس هي كانت هرباته
سند: ايوه طبعاً عارف ,بس يعني ايه كانت هربانه انتوا قبضتوا عليها؟
حمزه: بتنهيده: للأسف ايوه بس مش في قضية خطف فتنة دي اتقبض عليها في قضية اتجار
سند: بذهول: اتجار؟ اتجار ايه؟
حمزه: مخدرات ,واضح انها اتمسكت وهي بتوصل مخدرات من تاجر لتاجر
سند: بذهول: ازاي؟ ,ازاي تعمل كدا؟ ,مش يمكن مظلومه؟
حمزه: للأسف لا دي كانت مترقبه من فتره والموضوع كبير انا جيت عشان اقولك لان اكيد الجرايد هتنشر عنها وخصوصاً انها اتمسكت متلبسه
سند: لا حول ولا قوة الا بالله انا مصدقت فتنتي خرجت من الحاله اللي كانت فيها ازاي اقدر اقولها على موضوع مامتها ده
حمزه: لازم تقولها يا سند ,الخبر منك انت هيكون اسهل من انها تعرفه من حد تاني
سند: بتنهيده: انا مش عارف فيه ايه كل ما اقول ان الموضوع هيتحل يتعقد اكتر من الاول حتى جدي مش عايز يقدم معاد الفرح وانا خلاص بقيت على اخري مش حرام يا ناس انا قاعد معاها في مكان واحد ومش قادر حتى اخدها في حضني من غير ما الاقي اللي يعكنن عليا
نظر "حمزه" بتعاطف الى "سند" فهو يعلم جيداً ما يتحدث عنه فقد كان يعاني من تلك المشاعر قبل ان تصبح "غزال" زوجته ,عند تلك الفكرة ابتسم بحالمية وهو يفكر في سالبة عقله فقد اصبحت كثيرة الدلال عليه ولا يستطيع انكار انه اصبح يعشقها اكثر من زي قبل ,خرج من شروده على "سند" الذي قام بصفع جبهته بقوة فنظر اليه بذهول وهو يقول بتسائل بينما يقوم بتدليك جبهته بألم
حمزه: فيه ايه يا سند حرام عليك؟
سند: هو انت جاي تتكلم معايا ولا جاي تسرح في حبيبة القلب قدامي
YOU ARE READING
اسرى بلا قيود....ل..انجي عصام الدين ... كاملة
ChickLitرواية رومانسية اجنماعية اكشن تحتوي اربع قصص متصلة ببعضها ((سند وفتنة_حمزه وغزال_ كريم ولؤلؤة _ليث ومليكة ))
