بسم الله الرحمن الرحيم
لا تدع القراءة تلهيك عن الصلاة
الفصل الرابع عشر
🎀🎀🎀🎀🎀🎀🎀🎀
تنهد "سند" فقد استمرت "فتنة" في البكاء حتى غفت بين احضانه ,مددها على الاريكة ووضع معطفه عليها حتى لا تشعر بالبرد ثم وقف وخرج من مكتبه وجد احد حراس "فتنة" الشخصيين يقف في مكتب "نسمة" فأقترب منه وهو يقول بتساؤل
سند: فيه ايه يا عمران ايه اللي حصل؟
عمران: مش عارف والله يا سند باشا الانسه فتنة طلعت من الجامعه وهي بتعيط واول ما ركبت العربيه امرتنا اننا نجيبها هنا
سند: يعني ايه هو انتوا مش بتدخلوا معاها جوه الجامعه ولا ايه؟
عمران: كنا بندخل الاول يا باشا لغاية لما عميد الجامعه كلم طه باشا وقاله اننا مش هينفع ندخل معاها بعد كدا عشان المشاكل ومن وقتها واحنا بنستناها على باب الجامعه
سند:خلاص تمام خد انت الحراس اللي معاك وروحوا فتنة هتروح معايا انا
عمران: تحت امرك يا سند باشا زي ما تحب
ابتعد عمران عن المكتب ليفعل ما امر به بينما التفت "سند" ودلف الى مكتبه مرة اخرى ليجلس على المقعد المجاور للاريكة ينتظر "فتنة" ان تفيق حتر تخبره بما حدث
🎀🎀🎀🎀
دلف "ليث" الى داخل القصر وقابل في طريقة والده الذي نظر لها بتساؤل وهو يقترب منه وهو يقول
غازي: ايه ده هو انت كنت فين انا لما عرفت انك مش في الشركة افتكرتك نايم؟
ليث: لا يا بابا مكنتش نايم انا كنت مع مليكة كنا بنجيب حاجتها من الشقه اللي كانت عايشه فيها
غازي: وانت تروح معاها ليه ما كانت راحت مع السواق وخلاص
ليث: ازاي يعني يا بابا هسيب مراتي وابني مع السواق
غازي: بغضب: يا سلام مهي كانت عايشه تلات سنين بعيد عننا والله اعلم كانت بتعمل ايه او عايشه مع مين و......
ليث: بغضب: بابا حضرتك ازاي تتكلم عن مراتي كدا
غازي: ايه ده يا ولد انت بتعلي صوتك عليا ولا ايه
طه: وهو يتقدم منهم: فيه ايه يا غازي صوتك عالي ليه؟
غازي: اسأل الاستاذ اللي بيزعقلي عشان خاطر الهانم بتاعته
ليث: انا مش عارف حضرتك ليه بتتكلم عنها كدا ,فيها ايه يعني لما روحت معاها مشوار اذنبت ولا اجرمت
طه: خلاص يا ليث شوف انت كنت رايح فين وسيبني مع ابوك لوحدنا
ليث: وهو ينظر لوالده بحنق: حاضر يا جدي بعد اذنكم
راقب "طه" "ليث" وهو يبتعد وما ان تأكد من ابتعاده حتى نظر الى "غازي" بحنق وهو يقول بصوت بارد
طه: في ايه اي غازي هو انت مش قولتلك قبل كدا ملكش دعوه بمليكة
غازي: انا مليش دعوه بيها يا بابا انا كل اللي يهمني هو ابني
طه: وماله ابنك هو زي الفل؟
غازي: لا يا بابا مش زي الفل ولا حاجه البت دي طول ما هي قدامه هو مش هيأخد خطوه واحده لقدام ,انا عايز افرح بيه واجوزه واحده من مستوانا بدل بتاعت الملجأ اللي بقت السبب في كل اللي هو فيه ده
طه: بغضب: اياك اسمعك تقول عليها كدا تاني ,انت ايه يا غازي مش بتزهق ,اسمع اللي هقولهولك ده كويس انا لغاية دلوقتي عارف ان فيه حاجه انت مخبيها عليا ومليكة مش عايزه تحكيها لسبب ربنا وحده اللي يعلمه وانا مش هسكت غير لما اعرف ايه اللي حصل زمان
غازي: بتوتر: ايه بس لازمته الكلام ده دلوقتي يا بابا
طه:لازمته انك تعرف اني مش نايم على وداني ولا عجزت وراحت عليا يا غازي ,ودلوقتي يلا روح مكان ما كنت رايح وملكش دعوه بليث ومليكة ومش هكرر كلامي تاني يا غازي فاهم
YOU ARE READING
اسرى بلا قيود....ل..انجي عصام الدين ... كاملة
ChickLitرواية رومانسية اجنماعية اكشن تحتوي اربع قصص متصلة ببعضها ((سند وفتنة_حمزه وغزال_ كريم ولؤلؤة _ليث ومليكة ))
