بسم الله الرحمن الرحيم
لا تدع القراءة تلهيك عن الصلاة
الفصل الواحد والعشرون
🎀🎀🎀🎀🎀🎀🎀🎀
نظرت "غزال" الى "لؤلؤة" بذهول وهي تحاول استيعاب ما سمعته وعندما لاحظت ان صمتها قد طال تحركت بتوتر على المقعد وهي تقول بتساؤل
غزال: انا مش فاهمه انتي عرفتي ازاي الموضوع ده؟
لؤلؤة: امبارح ماما جاتلي وقالتلي ...........قصت عليها كل شيء وما ان انتهت من حديثها حتى اكملت قائلة.....انا مكنتش عارفه ازاي اقول للعيلة على الحقيقة وكان عندي امل ان الموضوع ده يطلع غلط بس لما "حمزه" بيه جالي الشركة وقالي انه عرف ان انا بنت عمه اترجيته انه ميقولش لاي حد من العيلة غير لما اقعد معاكي الاول وهو وافق واداني مهله لغاية بالليل وهو كمان اللي اداني عنوان الشقه دي
غزال: بتفكير: وليه اختارتيني انا عشان تقوليلي الاول
لؤلؤة: بصراحه انا حسيت ان حضرتك اكتر واحده هتفهميني وخصوصاً ان الموضوع يخصنا
غزال: وافرضي انا قولتلك اني عمري ما هتعرف بيكي كأخت ليا
لؤلؤة: بصدق: يبقى هطلع من هنا واقدم استقالتي للشركة وابعد عن الكل ومحدش هيعرف انا فين وهكمل باقي عمري بأسم الاب الموجود في البطاقة
غزال: يا سلام طيب وحقك في بابا وفي ورثه
لؤلؤة: مش عايزاه لاني عمري ما كنت اتخيل ان انا ابقى من عيلة "طه الرفاعي" فالموضوع مش هيفرق معايا
نظرت لها "غزال" قليلاً وشعرت بصدقها فتنهدت وهي تجذب كف "لؤلؤة" بين كفيها وهي تقول بأبتسامة
غزال: يمكن لو كنت عرفت بالموضوع ده من كام شهر كنت رفضت اعترف بيكي لان كان كل اللي يهمني وقتها هي المظاهر قدام الناس اما دلوقتي فأنا بقولك اني سعيده ان ليا اخت وكمان مش اي اخت لا واحد انا عارفها من اكتر من ثلاث سنين
لؤلؤة:يعني افهم من كلامك انك موافقه اني امون اختك
غزال: ايوه طبعاً انتي ملكيش اي ذنب في اللي حصل زمان وليكي كل الحق انك تعيشي بين عيلتك الحقيقية
ابتسمت "لؤلؤة" وهي تستمع الى حديث "غزال" ودون اي مقدمات بكت ,بكت بحرقة وهي تحتضن "غزال" التي تفاجأت من نوبة البكاء المفاجئة ولكنها بادلتها الاحتضان واخذت تربت على ظهرها لعلها تستطيع تهدئتها
🎀🎀🎀🎀
هبط "ليث" من السيارة وتبعته "مليكة" التي ابتعدت قليلاً عن السيارة ووقفت دون حراك فنظر لها "ليث" بتساؤل وهو يقول بأرهاق
ليث: مالك يا مليكة وقفتي كدا ليه؟
مليكة: ابداً انا بس بفكر هروح فين بعد اللي حصل للملحق
ليث: وهو يقترب منها: هترجعي اوضتنا ولو مش عايزه القصر مليان اوض اقعدي في اي واحده فيه لغاية لما الملحق يرجع زي ما كان
مليكة:بتفكير: بس باباك....
ليث: من غير بس انتي مراتي وانا اقدر احميكي من اي حد وخصوصاً دلوقتي بعد ما عرفت كل حاجه
مليكة: وهي تقترب منه: بس انا مش عايزه اكون سبب الخلاف بينك وبين باباك
ليث: الخلاف حصل خلاص لما حاول يأذيكي ,دلوقتي بقى قرري هترجعي الاوضه ولا اخلي الخدم يجهزولك اوضه تانيه
KAMU SEDANG MEMBACA
اسرى بلا قيود....ل..انجي عصام الدين ... كاملة
ChickLitرواية رومانسية اجنماعية اكشن تحتوي اربع قصص متصلة ببعضها ((سند وفتنة_حمزه وغزال_ كريم ولؤلؤة _ليث ومليكة ))
