القلادة الفضية

نص الحلقة 1

تبدأ قصتنا 2016‪.

رغد: ماما أريد أروح ألبيت خالتي مليت بس بلبيت، لو باقية أدرس احسن لي اووف أووف

أم رغد: يجي ابوج و كولي له و روحي، دراسة بعد انتي تركتي و لا تخبصيني

رغد: ماشي سكتت بس سؤال ماما هم مو نتقلو يمنا، عادي اروح وحدي لو كل عادة الة حارس شخصي؟

ام رغد: شوفي رغد كلت لج اسكتي ما عاجبج روحي، حاجي ابوج هو هيج من يوم ما تزوجنا، المرأه ما تطلع اله وياهة اخ، او زوج، او ابن، تقاليدهم هيج

رغد: ادري يا ماما هو اني من يوم فتحت عيوني على الدنيا و حنا هيج، ا اعرف عدم ثقة او خوف لئن هذا زمنا صدك يخوف

ام رغد: لا يا ماما لئن الناس تغيرت مو مثل قبل، رغوده اشوفج ما عندج شي ولا بيج شي، تعاي ساعديني نسوي فطور

رغد: ها ماما لاا تعبت عطشانه، و بطني تأذيني خلي مريم تساعدج

ام رغد: اعرفج و اعرف سوالفج يلة روحي

رغد: فديت الي كشفتني قبل الفطور اجي اساعدج، بعد وقت هسه ساعه بـ٣ يلة رايحة انام

رغد: العمر ١٩. الطول ١٦٩. وزن ٦٣. بشره حنطية،
عائلة رغد: ام، و اب، و فارس، الأخ الكبير متزوج اسم الزوجة، مريم عندهم، ريتاج عمرها ٥ سنين عائلة متحفظين

في مكان آخر

عبود: يا ربي الوحد بهاذا الحر و صيام يمتة يخلص رمضان، و اخلص من الصيام ابو شهاب راح ارتاح شويه، انت ابقى بالصيدلية

احمد: يي مو اني على اساس كنت كاعد، ولك هم تعبان بس يلة روح ارتاح

عبود: فديتك ابو شهاب وين اكو منك، يلة عن اذنك بس ها عود اذا اجتي وحدة صاكه، «جميلة جداً» كول لهة عبدالله راح يرتاح من يجي تعاي

احمد: عبود ما تبطل هاي سوالفك يلة روح، ترا اني هم اعوف الصيدليه

عبود: شسوي غير ابو طبع ما يغير طبعة، يلة رايح ارتاح لك ولله تعبت من الوكفة

عبدالله:  العمر ٢٦. الطول ١٨٠. وزن ٧٤. بشره بيضاء . صيدلاني بالقصة راح نختصر اسمه من عبدالله، إلى عبود و هو معروف عبود

احمد: العمر ٢٦. الطول ١٧٨. وزن ٧٥ البشر حنطية صديق عبدالله من ايام المدرسه تخرجو سوة و فتحو صيدلية سوة، و أمورهم ماشيه مع بعض مثل الإخوان

رغد: رحت الغرفتي لحد ما صارت الساعه بـ٦ المغرب اعرف تأخرت على ماما، لئن الأذان بـ ٧ و خمس دقايق اروح الماما قبل ما اترزل، نزلت هلو ماميتوو شنو محتاجة اساعدج

ام رغد: بعد وقت جان اجيتي من يأذن

رغد: يا ماما اول و تالي من اتزوج اتعب، يعني اشتغل عوفيني هسه مرتاحة بوجودي امي الغالية، مع شوية دلع

ام رغد: الله ينطيج ابن الحلال الي ما يتعبج يلة رتاحي، بس تعاي صبي شوربه و اني رايحة احط السفره

رغد: احنا دا نصب فطور تذكرت، اريد اروح البيت خالتي ضجت بس بالبيت ماما اكول، بابا اجة معصب لو لا حتى اكول له نروح، البيت خالتي لو نسيتي مو كولنا نروح

ام رغد: ما نسيت عود كولي لأبوج و نروح شويه يمهم، و غير يوم نروح نفطر يمهم ها رضيتي ست رغد

رغد: يي رضيت 

عبود: رجعت من الشغل الساعة ب ٦ و نص يمه اليوم شنو الفطور، ترا ميت من الجوع

ام عبود: كول يا الله يا ابني بعدك ما متت فطورنا خير من الله ان شاء الله، بدأت اصب السفره بس انتضر يجي ابوك اليوم تأخر

عبود: ماشي يمة رايح اسبح و ابدل و اجي لئن بعد الفطور عندي طلعة البيت صديقنا

ام عبود: يي يمة يومية صديق، اصدقائك ما يخلصون

عبود: يمة اني مو صغير حتى تحاسبوني، على الطلعه و طبه يا امي لا تضوجيني كافي عليه ابوي، هسه من يجي يبقى سين و جين

ام عبود. يا يمه احنا شنو رايدين منك غير وحيدنا و نخاف عليك

عبود: «احجي مع نفسي» هسه اني شنو صار و تعصبت على امي بسرعة، خلصت كلامها و بست راسها يمه عذريني شوي تعبان بالشغل و روحي صايرة بخشمي

ام عبود: لا يالغالي اكو وحدة تضوج من وليدها، يلة روح اسبح ما بقى شي راح يأذن

رغد: خلصنا صب و اجة والدي، و اخوية، و مريم، و رتوجة حبيبت عمتها إذن و بدأنا نفطر، و اني اباوع البابا، و «احجي مع نفسي»اكوله لو خاف يطلع ضايج من الشغل و يطلع ضوجته بيه، يلة نخلص فطور و اكول له و شنو يصير عادي، اصلاً تعودت على رزايلة

عبود: سبحت و بدلت نزلت للفطور، ابوي جاي الله يساعدك يابة

ابو عبود: هلا وليدي إذن يلة تعال نفطر و بعد الفطور، اريد احجي وياكم بموضوع..