عبود: يلة راح اتصل تصلت على امي ما ردت، تصلت على ابوي رد شخص! الوو السلام عليكم هذا رقم والدي انت منو حضرتك
المتصلة: اني دكتور بالمستشفى اهلك مسوين حادث، ياريت تجي للمستشفى الـ..
عبود: جاي مسافت الطريق سديت الخط، و صحت على احمد احمد اهلي مسوين حادث
احمد: ان شاء الله سالمين، تعال بسيارتي، لا تروح تسوي حادث انت متوتر
عبود: يلة امشي اني، انت بس استعجل أفكر بس لا ادخل و ما الكاهم بس لا عافوني وحدي بهاي الدنيا؟
أحمد: وصلنا، نزلت
عبود: نزلت ركض دورت عليهم، لكيتهم رادو مني توقيع حتى يسون عمليه لأمي، وقعت و اني كل شي ما اعرف رحت للدكتور، دكتور امي راح تعيش مو صح دكتور؟
الدكتور: بيد الله
عبود: دكتور امي بالعمليات، ابوي وين؟
الدكتور: ابني ابوك، انتقل الى رحمة الله
عبود: من سمعت هيج ما ستحملت ردت اوكع بس مسكني احمد ما خلاني اوكع أحمد سمعت الدكتور شنو كال لو لا!
أحمد، البقاء لله، هذا امر الله حضنته و بقينا نبجي، عبود كوم اوكف تذكر ابوك شنو وصاك، كال لك دير بالك على نفسك، اوكف على رجليك عبود ابوك ما يقبل عبود ينحني صيحت عليه حتى يستعيد وعيه.
عبود: بقيت اصيح يارب اخذت ابوي عوف لي امي، عوف لي امي، ما عند غيرها يا ربي، بعدين رحنا حتى ندفن ابوي اني و أحمد و اقاربي و أحمد هو الي وكف بالفاتحة اني ما رحت رجعت، للمستشفى بشر دكتور امي شلونها
الدكتور: العمليه نجحت، الحمد لله
عبود: دكتور يعني، امي راح تعيش مو صح
الدكتور: لكن هسه هي فاقد الوعي بغيبوبة، احتمال ايام و تستعيد عافيتها و ان شاء الله
عبود: ان شاء الله عفت الدكتور و رحت للغرفه، الي بيهة امي دخلت للغرفة شفت امي على السرير، بس نفس لا تسمع ولا تشوف، ادموعي بقن ينزلن وحدهن من شفت حالت امي سحبت كرسي و كعدت يم السرير، يمه اني ابنكم الوحيد تذكرين من اجيت على هاي الدنيا بعد انتظار، شلون فرحتو بيه و كبرتوني و سويتو لي كل شي تمنيتة و حتى الي ما كنت اتمنى دائماً تردون سعادتي، انتي و ابوي، ابوي عافني لا تعوفيني، اني ابنكم الوحيد لا تعوفوني وحيد بهاي الدنيا لا تعوفوني، بقيت ماسك ايد امي و ابجي و ادعي يارب اخذت أبوي لا تاخذ امي، يارب لا تعقبني على ذنوبي بأهلي، صارت ساعة بـ ٢ باليل غفيت
ابو رغد: اليوم دوامي ليلي بالمستشفى كنت فايت شفت، عبود بغرفه نايم يم مريضة سئلت ممرضة هاذ الولد شنو قصته؟
الممرضه: دكتور هذا اهله مسوين حادث، ابوه مات و امه سوو الها عمليه، و هسه هي فاقد الوعي بغيبوبة
أنت تقرأ
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
