عبود: طلعت من البيت رحت المستشفى و كعدت اسولف لأمي يمه ما اكدر انساهة، اتمنى اعرف اخبارهة لكن بعد ٨ اشهر اطلع كدامهة بصفتي منو، هاي اذا ما تزوجت، ما اكدر انساها حتى سويت اسمها وشم على ايدي بس مخفي حتى محد يعرف، شكد تأذت من عفتها، واكيد بجت هي بسرعا تبجي، هي كانت مشاعرها صادقة و حبتني من كل قلبها بس اني كنت ما اعرف شنو معنى الحب، و شنو معنى الرجولة ما كنت افكر بهاي التصرفات الي سويتها بالماضي، و همزين هددني ابوها او كنت كسرت قلبها حالهة حال القبلها عاد خليها هسه مفكرتني اختفيت، وحق بقيت الناس الي ضلمتهم و البنات الي لعبت على مشاعرهم رب العالمين اخذ حقهم كلهم مني، دنكت راسي ابجي على ايد امي، و حسيت واحد حط ايده على راسي رفعت راسي هاي ايد امي! امي كعدت يمة انت زينه صحت الدكتورة و رجعت بسرعه، فحصتها الدكتوره كالت حالتها تمام و بعد اسبوع تكدر تطلت، طلعت الدكتورة اني كعدت يم امي، و مسكت ايدها يمه الحمدلله، انتي بخير الف الحمد لله، و الشكر
ام عبود: سمعت شنو كنت تحجي، عبود احنا ما حرمناك من شي ابد، و دائماً كنا نعلمك على الشي الصح هيج احنا علمناك، تلعب بأعراض الناس، و تجرحهم و الدنيا تدور و تاخذ منك حق كل شخص، يا عبود
عبود: يمة اني غلطت و هواي غلطت بحق الناس، و بحقكم و بحق نفسي، و حتى بحق ربي لكن ان شاء الله اكدر اصلح، الجاي ولو شوي، الفات بعد راح ما اكدر ارجع اصلحة
رغد بيت عمي نتقلو بمنطقة جديدة، صار شهر، بس اني مالي واهس اروح الهم، بعدين كلت خلي اغير جو و رحت الهم، اني وامي و فارس
عبود: خلص الاسبوع و امي صارت صحتها زينه، رحت حتى اسوي الأوراق المطلوبة ونطلع، اجة احمد سلم على امي، و رجعنا للبيت سوة، احمد جاب غدا و مسواك
احمد: عبود اليوم و باجر اذا تريد لا تجي للصيدلية خليك مع إمك، خالة نور البيت بوجودج و ما تشوفين شر ان شاء الله و عن اذنكم
ام عبود: الله معك، ابني احمد
عبود: الله ويك حمودي الغالي، راح احمد يمة تدرين احمد هاي الاشهر الـ ٨ و بالاوقات الصعبه ما عافني ابد، اشكر الله انو انطاني هيج أخ، مو صديق
رغد: و اني يم بيت عمي سمعت عمي كال الزوجته، ام عبدالله جوارينا رجعت و سالمة نروح الهم باجر، من كال عمي عبد لله؛ ذكرني بعبود ولو مو ذكرني لئن اني اصلآ ما ناسيته و ما راح انساه، بالليل رجعنا للبيت رحت لغرفتي، و كل عادة ماسكة القلادة و ابجي، بس من يجون اهلي اضمها و امسح دموعي، لئن مو بس اني تعبت حتى هم، خلي انام احسن باجر عندي جلسه عند دكتور النفس.
عبود: يمة اليوم ما ريد افارقج ابد، لئن ما تصدكين شصار بيه و انتي بالغيبوبة اموت الف موته، و احجي وياج بس انتي ما تسمعيني
ام عبود. وليدي الغالي، الله يرضى عنك
عبود: أمين يارب العالمين الله يسمع منج يمه، رضا الله اهم شي و هذا الشي الي ما كنت افكر بيه، عبالي الحياة بكيفي مثل ما أرسم كل شي يصير، لكن طلعت غلطان الدنيا تدور تسوي خير يرجع لك خير، تسوي سوء يرجع لك سوء هسه يلة فهمت، و اتمنى انو مو بس اني افهم، اتمنى كل الناس تفهم قبل ما يفوتهم الأوان مثل ما اني فاتني بس الحمد لله لحكت استغفر ربي، و عفت كل شي يسيء للغير لئن الدنيا كما تدين تدان؛
ام عبود: يلة عبود نام و رتاح الساعة بـ ١٢ ليل
عبود: تصبحين على خير يمه
أم عبود: و انت من اهل الخير يا غالي
رغد: مرت الأيام و صار سنه ما اعرف اخبار عبود و اني نفس الروتين بالبيت، و خلصت جلسات المعالجه، مرات اروح البيت خالتي و مرات اورح البيت عمي، و نطلع اني و فارس مرات، و أحياناً نطلع كلنا.
عبود: اني كاعد بالصيدلية و تذكرت رغد؛ صار سنه لا شايفهة ولا اعرف اخبارهة، اني بقيت اشتغل و الوقت الباقي كله اقضيه مع امي و احمد، بين يومين هيج، يجي ابو احمد و امه كل اسبوع يجون، حياتي تغيرت لكن اهم شي عندي ما اسوي سوء او اجرح شخص، لئن الي يسوي هيج بعد خليه يفكر راح ترجع له بأغلى أحبابه، و اني بس امي من الدنيا بقت عندي، ماريد اخسرها بعد ما رجعت لي.
رغد: اليوم كعدنا كلنا نتغدا بابا و فارس عندهم عطلة اليوم، خلصنا بابا كال نروح اليوم البيت عمكم العصر
فارس:عادي اخذو راحتكم بس رغد ما تروح
رغد: ليش عيني اني ما روح ،اذا تريد يمك ونس بالبيت خلي مريم لا تروح
فارس: رغد ما ترحين و خلص، و باليل نطلع اني وياج نتعشى، بابا اذا خلصت اريد احجي وياك بموضوع.
رغد: سكتت شفته مصر على كلامة، و حتى نطلع نتعشى، بدل الطلعه، انتبهت لشي فارس كال لبابا اريد احجي وياك ليش ما حجة يمنا، هو دائماً يحجي لو شو ما كان الموضوع كتلني الفضول حتى اعرف، راحو بابا و فارس بالاستقبال بسرعة رحت سويت عصير، وأخذت الهم العصير دخلت انطيتهم و شربو و خلصو و محد حجة شي!
فارس: رغد شكرا على العصير يجنن مثلج، و اخذي الكلاصات العصير.
رغد: اخذتهن و طلعت، عرفتها طردة، بس ما سديت الباب و بقيت ماسكة الصينيه و اسمع «فضول»
ابو رغد: خير فارس شكو؟
فارس: بابا تعرف ليش منعت رغد تروح البيت عمي
ابو رغد: لا ليش!
YOU ARE READING
القلادة الفضية
Romantikusطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
