القلادة الفضية

حلقة 24

أحمد: وين موبايلك؟

عبود: طفيته بالليل، ليش؟

أحمد: امك دزت لي رسالة تكول، فارس بالبيت و يكول اني صديق عبدالله و انتظره يجي و اتصلت عليك كدامه و طلع مغلق، و هو هسه ببيتكم ينتظرك، أمك كالت له بات يم صديقه

رغد: شنو راح تسوي؟

عبود: خليها علية و لا تخافين من اي شي، شغلت موبايلي، لحد يحجي؛ السلام عليكم

فارس: تصل رقم غريب و اني كاعد بالاستقبال ببيت عبدالله، رديت و عليكم السلام ورحمة منو

عبود. اني عبدالله اكيد ما ناسيني

فارس. وينك

عبود. انت خنت الاتفاق بيننا هسه احسن الي انتم بيه، و من البارحة لليوم ما عندكم خبر عنهة

فارس. و انت شلون عرفت رغد ماكو من البارحة يمك هي

عبود. يي اني يمها، مو هي يمي

فارس. عبدالله احجي وين بسرعة لا ولله ابلغ عليك الشرطة

عبود: اول شي اطلع من البيت، و صدكني لو اريد أخذها بطريقة الخطف انت و الشرطة ما تمنعوني، بعدين تفهم شنو الي صار، هسه ارجع البيتكم و كول لأهلك رغد بخير و انتظر مني خبر، و ها لا تعب نفسك و تشتكي لئن ما راح يوصلون النة، باي

فارس: سد الخط يا حقير يا كلب، احساسي كال اله دخل بالموضوع طلعت رحت كلت لأبوي إلى صار، كال ابوي، لا تحجي خاف يسوي شي لئن رغد عنده، و هو كال لا تبلغ، خاف اكول لأمي و امي تحجي

أحمد: هاي شنو سويت! هسه يفكرون انت خاطفهة؟

رغد: هسه يرفعون عليك قضية؟!

عبود: لو على فارس احتمال يرفع بس ابوج يمنعه، لئن اكيد يفكرون، اني خاطفج و اذا يقدمون علية شكوة اقتلج، ههه

أحمد: و شنو راح تسوي؟

عبود: سألت الدكتور، كال باجر يلة رغد عادي تمشي شوي، شوي، يعني باجر يلة ترجع رغد الهم، أحمد انت بعد لا تجي فارس يعرف اني وياك روح بالروح، اكيد راح يتابعك.

أحمد: براحتك راح اوصي صديقي و اروح.

عبود: راح أحمد بقيت كاعد يم رغد هي ساكته ما حبيت ازعجها إذن الضهر، رحت توضيت و كعدت بدأت اصلي.

رغد: راح غسل و رجع، اها يريد يصلي! عجب ملتزم حتى بالصلاة، مو مثل قبل -ابتسمت-

عبود: خلصت صلاة، و رجعت كعدت يمهه.

رغد: تقبل الله.

عبود: منا ومنكم صالح الأعمال -ابتسمت-

أحمد: من طلعت اخذت علاج حتى خاف واحد متابعني، رحت للصيدلية، صارت الساعة بـ 1‪ الظهر اجة فارس!

فارس: أحمد وين صديقك الزفت عبدالله؟

أحمد: ما اعرف من البارحة ادك عليه بس مغلق! ليش تسأل عنه

فارس: اذا تصل عليك كول له يا ويله اذا صار شي برغد ولله اقتله.

أحمد: هدد و طلع، تصلت على صديقي و كلت له ينطيني عبود احجي وياه

عبود: اني كاعد ندك الباب، تفضل، صديق أحمد

هذا أحمد على الخط يريد يحجي وياك، اخذته الو ها حمودي

أحمد: عبود لا تفتح موبايلك، عوفه مغلق، هسه اجة فارس للصيدلية هدد و راح، كلت له ما اعرف عنه اي خبر من البارحة مختفي، صدك و راح

عبود: ماشي دير بالك على نفسك، شكراً راح الولد

رغد: شنو يكول أحمد؟

عبود: فارس اجة للصيدلية، و هدد أحمد و راح حافظه رقم ابوج

رغد: يي ليش؟!

عبود: دخليه اليه اريد اتصل عليه هسه دخلته و اتصلت الو السلام عليكم

ابو رغد: اني بالبيت ما طالع، تصل رقم غريب، و عليكم السلام ورحمة

عبود: عمو اني عبدالله اتصلت عليك حتى اطمنك عن رغد هي بخير و سالمة و حتى ما لمست شعرة من راسهة

ابو رغد: بنتي وين، اذا هي بخير ليش ما تجيبها النه

عبود: عمو وعد شرف باجر العصر رغد تكون ببيتكم بس كول الفارس خليه يكعد ما يفيد من يروح يهدد كل اقاربي

ابو رغد: وعد شرف باجر بنتي عندنا، راح اثق بيك هاي المرة

عبود: و ان شاء الله ما راح تتندم.

ابو رغد: وين رغد اريد احجي وياهة؟

عبود: باجر هي يمكم و تعرف كل شي؛ في امان الله سديت الخط، و طفيت الموبايل

رغد: شنو كال بابا؟

عبود: ما كال شي بس كلت له وعد باجر انتي ترجعين، و هو كال انتظر الوعد

رغد: باجر اني ارجع وحدي، احسن ما سبب لك مشاكل مع اهلي

عبود: شنو يعني تاخذين قرار عني! اني كلت لأبوج و اني ارجعج باجر

رغد: عبود ما أضمن لك...

عبود: شنو؟ ضحكت اعرف تقصد يقتلني

رغد: اني احجي صدك و انت تضحك، عبود لا تروح الة تاخذ الأمان من أبوي.

عبود: بس خاف ما بيه أمان ههه

رغد: احجي صدك ولله، الله عليك ما تروح الة تاخذ الأمان من ابوي لئن هو يكدر يوكف فارس، يعني خاف..

عبود: الله كريم، راح أروح أجيب غداء و اجي، رحت لصديق أحمد وصيته و رجعت ما اريد أطلع، و ما أكدر اعوف رغد وحدهه

رغد: من طلع عبود بقيت أفكر، إني ليش هيج صار بية، ليش يارب العالمين، ليش حطيت بطريقي شخص مخادع، ليش هيج سويت بنفسي، ما كدرت أنساه لئن فكرت كل الناس مثلي، اذا يحبون، يحبون من كل قلب، فكرت الحب ما بيه كذب، يعني الواحد من يكول لشخص احبك؛ صحيح لئن هاي الكلمه ما بيهة كذب، شنو راح يصير بيه، الناس شنو طلعت علية حجة، بابا ما يزوجني حتى يخلص من موضوع عبود، لاا ما يسويهة؟ اوف ليش إني هيج حظي،بقيت ابجي على نفسي، و وين وصلتها.