مرتضى: حمودي عيونك تعبن بس تباوع للباب، احنا مو بعينك حتى تباوع النا و غمزة الأحمد
أحمد: يا رضاوي شسوي عجبني هذاك الباب، حتى راح أصبغ باب بيتنا مثله ههه
عبود: مطنش «يعني ما مهتم الهم» الحجي بس اضحك وياهم
مرتضى لاا حمودي ما يصير حلو مثله، و محد يباوع له بس هذا الباب مميز من نوعه.
عبود: فتح الباب درت وجهي لهذول الزوج توم و جيري، حتى البنت ما تكول منتبه الهة شوي و التفتت الها
رغد: طلعت شفتهم موجودين الشباب الثنين منتبهين النا، بس هو لا مشينا بالفرع قبل ما نوصل يمهم، هو التفت ابتسامته حلوة ما اعرف ليش صرت فضوليه و نتبهت بأيده حلقة او لا، طلع ماكو ما اعرف ليش من شفت ماكو ابتسمت -ابتسامة قوية-
عبود: من شفتها ما اعرف ليش صراحه نعجبت بيها و بابتسامتها فكرت مع نفسي انتبه لأيدها بيها حلقة او لا، نتبهت ما بيها فرحت بس ما اعرف ليش، مهم ابتسمت بس ما اعتقد صرت بجمال ابتسامتها.
رغد: رجعنا بس ما اعرف ليش گلبي يدك سريع، يمكن لئن كنت امشي يي اكيد قابل شكو اني من وين اعرف هذوله الشباب!
مرتضى: اكول عبود ترا ولله احجي صدك تريد اعرف لك منوين هذول الناس، المرأة الي تمشي وياهم ام صديقي
احمد: هلا ولله و اني مالي بيها
عبود:«أفكر» اكول لا بس اني اريد اعرف، هسه اكول له يي قابل شنو اخسر، يي استاذ مرتضى شوفنا مهاراتك قبل ما تسافر ههه
مرتضى: اوكي انتظر المعلومات ها و نسيت اكول لكم سفرتي أجلتها بعد وقت هسه نشوف عبودي و المجهوله شنو القصة
أحمد: يي بعدنا بأول الطريق عاد وصله للنص و سافر -ضحكنا-
عبود: اووف منكم شباب لا تسوونها قصة الخاطر الله ترا كبرتو الموضوع اني بس حاب اعرف عنها معلومات، لو حرام ما يصير واحد يسئل حجيت مع نفسي اني صح فرحت بعرض مرتضى، بس ما اعرف ليش بسرعه اتعصب بموضوع هاي البنت
رغد: رجعنا لبيت خالتي شوي و ماما كالت يلة نروح تأخر الوقت بـ ١١ رجعنا للبيت، دخلت قبل ما اصعد سئلت ماما الخياطه شكد و تخلص الفستان
ام رغد: لعد عقلج وين مو سئلتي الخياط و كالت لج، لئن من طرف ام سلمان راح تخلص النا الخياط بـ ٤ ايام
رغد: اهاا صدك ماما متشوقة اشوفة عجبني لو بنت اختج شوي طويلة، كان قطيتة (يعني اخذه) منه بس الحظ حالفها طلعت قصيرة
ام رغد: هسه صارت بنت اختج يومية اريد اروح البنت خالتي، يلة ولي المغرورة بطولها و كعديني انتي حتى نسوي سحور لئن زوجة اخوج، تعبانه شوي ما تكعدني هي
رغد: ماما مو مغرورة بس ضجت لو هسه بنت خااالتي شوي طويلة، كنت اكدر اقط منها فساتين، ماشي ماما اكعدج بـ٣ شتكولين
أنت تقرأ
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
