عبود: يلة عود اخذ من هدومي ولو انت قزوم، بس يصيرن لك و يلة تعال نسوي سحور
أحمد: منو القزم لو ما اقل منك ثنين سنتيمتر!
يلة راح اسوي لك بس لئن اهلك وصوني عليك بس مقلب الماء ارجعة لك - نظرات توعد-
عبود: يلة مو الأمانة جاعت سوي سحور، عادي شوفني شنو عندك من مقالب؟
أحمد: أوكي انتضر، و رحنا نسوي سحور
رغد: كملنا سحور و صليت و قريت قرآن و نمت.
أحمد: خلصنا سحور عبود اني سويت انت اغسل المواعين، يلة حتى غير يوم العكس
عبود: ماشي
خلصت ثلاث ايام كل عادة، عبود و احمد شغل، و بالبيت احمد بقى ببيت عبود و، رغد بالبيت ما طالعة
رغد: كعت الساعة بـ١٢ صليت و رجعت نمت، كعدت بـ ٣ تذكرت اليوم الخياطه تخلص الخياط الي، و الماما اريد اني اروح بس شلون اقنع ماما هي كالت خالتي من تجي تجيبهم شلون؟؟ لكيتها نزلت بـ٤ نضفت و ساعدت زوجت اخوي شوية و رحت اسوي فطور، سويت شوربا و عصائر و حلاوة بقت بس الوجبه الرايسية رحت الماما
رغد: ماما سويت عصائر و شوربه و حلاوة بقت بس الوجبه الرايسية شنو تسوين اساعدج
ام رغد: الله يخليج رغودتي سوي تمن (أرز) و اني هسه اجي اسوي مركة فاصوليا
رغد: رحت اسوي و بكل حماس لازم ماما ترضى عني، حتى تقبل اليوم نروح
مرتضى: اني بالفرع دا امشي صوت من وراي هلا ولله منور الفرع منو هذا مرتضى، التفتت شفته سلمان،سلمان هلا والله وينك مختفي مشتاقين
سلمان: مشغول بالعمل و تعرف صيام ارجع تعبان، بس افطر انام
مرتضى: الله يكون معك حقك حتى اني تعب هاي الايام، بس اني اسئل مو مثل بعض الناس؟
سلمان: هههاااي هذول الناس صدك بذاتين، ما علينا منهم انت اليوم معزوم يمي على الفطور
مرتضى: اوكي هم صدك ما علينا منم مهم انت موجود، قبل ما يأذن المغرب اني يمك
سلمان: هلا بيك انتظرك لا تتأخر رجعت للبيت، يمة اليوم صديقي راح يفطر عندنا حضرو لنا فطور اني وياه بالاستقبال
ام سلمان: تدلل انت و صديقك
رغد: صار و قت الفطور و فطرنا و خلصنا، كلت لماما اليوم الخياطة تخلص الملابس النا مو صحيح
ام رغد: يي خالتج تروح تاخذهن
رغد: ماما ليش ما نروح احنا حتى خاف تطلع الملابس طويله عريضة، عاد هي هناك تعدلهن و نجي ليش تبقى خالتي خطية رايحة و جاية، ها ماما شتكولين
ام رغد: يي هم صحيح طلعتي تفيدين احيانا عقلج يشتغل، هسه اكول لابوج حتى يوصلنا البيت خالتج بطريقة هو طالع، بعدين مناك نروح، روحي تحضري
أنت تقرأ
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
