رغد: عادي عجبتني و اخذتها، بس شنو حتى اني ما خذت منك شي بعد، غير الهدية و برضاك
عبود.:اذا عجبتج اخذيها، ديري بالج على نفسج و يلة اروح، قبل ما اموت من الحر، باي
رغد: و انت هم دير بالك على نفسك؛ طلعت من كل گلبي، ما اعرف يمكن يهمني أمره!
عبود: صار ست رغد طلباتج أوامر، ههه و رحت للسيارة
رغد: سديت الباب، و رحت لغرفتي، بسرعة البرق حتى اشوف القلادة
عبود: الحر كله راح، و طرت من الفرحة من كالت، انت هم دير بالك على نفسك، و ان شاء الله تعرف تفتح القلادة
رغد: فتحتها، قلادة فضة بيهة حجر احمر و ابيض على شكل وردة الأوراق حجر لون أبيض، و الوسط لون احمر و زنجيل طوله حلو، و هي كولش حلوة و اني احب الفضة بس، يمكن الوردة تنفتح، حاولت وياهة بكل طريق ما نفتحت، عفتها لئن خاف اكسرها
عبود: الوو حمودي، وين انت؟
احمد.:هلا عبودي، بالبيت لعد وين
عبود: لعد تعال عازمك على غداء يجنن ههه
أحمد: اها جاي، بس كون مو مقلب
عبود: اجة أحمد، سولفت له كل الي صار
أحمد: عبود راح اكول لك شيء، بس لا تزعل مني
عبود. شكو خير؟
أحمد: عبود انت دائما تكول هاي البنت عجبتني، و بعد فترا تعوفها، يعني بس تلعب بمشاعر البنات، رغد مبينه بنت بريئة لا تلعب بمشاعرها، ما كافي الي هسه انت تحجي وياهن، عبود ترا بعدين الدنيا تدور عليك و تذوقك الألم نفسه بس بغير طريقة، اني اخوك و صديقك و احنا واحد اذا تشوفني اسوي شي غلط انصحني، و اذا اني اشوفك تسوي شي غلط، ما أكدر ما انصحك
عبود: اممم أحمد صاير فيلسوف، اني ما عندي اخوات هههه
أحمد: عابت لك يي ولله، مو مال نصيحة انت، مو شرط اخوات بس ترجع لك الصفعة لئن الدنيا دوارة، و يرجع لك ألم كم بنت كسرت قلبها و انت احسب، اذا كدرت تحسب
عبود: حمودي انت ليش تدافع على رغد، ما حجيت على القبلهة و القبلهة لو خاف صدك نعجبت بيهة، حتى اذا صدك اعوفها لك مو انت تعرف، الوفاء، و احترام المشاعر
أحمد: عبود اني من يوم يومي، احجي وياك بس انت ما تسمع الكلام لا رغد تهمني ولا غيرها، انت الي تهمني لو ما اخاف عليك ما كان هيج اكول، لئن صدكني الزمن اذا هسه ما ردها لك بعدين يرجع الألم و لأحبابك، و انت اكيد ما تريد هيج شي
عبود: احمد اني اتذكر احنا تخرجنا، من الصيدلية سوة معقولة انت رجعت درست فلسفة!!
احمد: عبود اني احجي صدك، و انت تشاقة
عبود: انت تعرف هذا طبعي، و ما اكدر اغيره و بالنسبه للزمان، لا تصدق بهاي التفاهات، أحمد تطمن اني عبود مو اي شخص لا تخاف عليه، و بالنسبة الرغد حالهة حال الي راحن قبل، مابيها شي اذا قضيت وقت وياهن
أحمد: براحتك بعد انت أعرف، و بالنسبة الرغد اني ما دخلني،
و صحيح على موضوع الصيدلية، احنا خوش دايرينها و هاي المستشفى مو هواي تجيها ناس شنو رايك لو نبيعها و نغير مكانه
عبود: صحيح بس اول نشتري مكان زين يلة نبيع هاي، مو صحيح
أحمد: يي اني من اطلع راح اشوف، و انت هم بطريقك لحد ما نشوف المكان المناسب النا، يلة صب النا غداء من ايد عمتك
عبود: عمتي! عمه العماك و عمه عمتي
أحمد: مو هم قدروك و صار زاد و ملح، ليش هيج راح تسوي
عبود: احمد مو كافي، سد هذا الموضوع، اني ما مسوي شي حرام بس، سوالف و مقالب و شقة، ما سوي شي حرام
أحمد: لا مو حرام، بس الحرام البنت من تتعلق بيك، و تتركها و تروح مو، حرام تكسر قلب بنت تحبك؟
عبود: هسه خليها تحبني و الله كريم، يلة تعال أكل احسن
أحمد: طبعاً ما تريد تسمع كلامي، لئن هذا الواقع
عبود، مر شهرين، و فات عيد الأضحى، و ماشفت رغد بس صدفه بالمستشفى، بس مبينة مافاتحة القلادة
رغد: مر شهرين نفس الروتين، و فات العيد، ما شفت عبود، و مليت بس بالبيت، و فكرت مع نفسي يمكن ارجع ادرس مسائي، و بهل شهرين ما شفت عبود بس مرة وحدة بمراجعة ماما رحت وياهة اني و فارس، بس من بعيد بس نضرات حتى ما حجة وياي
رغد: اليوم دا انضف بغرفتي، طلعت الغراض و وكت من ايدي القلادة، و بعد وياهة غراض رحت اشيلهن، انتبهت للقلادة مفتوحة!! و أخيراً ما عرفت شلون افتحها شلتها، دا اشوفها من الداخل فضة سادة محفور عليها من جانب اسمي، رغد و الجانب الثاني احبج، شنو يعني صار ثلاث اشهر هاي القلادة وياي و ما اعرف الي بيها، يعني هي مو عجبته و اخذها هو جابها الي مخصوصه، حافر عليها اسمي و كان يقصد بكلامه بالأخص اني يقبل مني احجي عليه، او احرقه لئن هو يحبني! عبود يحبني شلون اكدر اشوفه لئن لازم احجي وياه؟
رغد:ماما شوكت المراجعة مالتج للمستشفى؟
ام رغد: باجر ان شاء الله بس اخوج مشغول، ابوج يوصلني و اني ارجع بتكسي.
رغد: ماما اروح وياج اسوي تحليل دم، يمكن عندي فقر دم ماما هاي الفترة هواي أدوخ، يارب تمشي على ماما حتى اروح وياهة
ام رغد: يي مو اكول لج أكلي، ما تاكلين هيج احسن ابر و علاجات.
رغد: يي يا ماما غير ما اشتهي من الدوخة، هسه باجر نرح و نشوف
عبود: شاف احمد مكان مناسب النا اكثر بس، كلنا نبيع الصيدليه اول يلة نروح، بس ما يصير بسرعة نبيعها اجة، ولد يشتريها بس اول فتره لازم يطلع ويانه حتى الناس يتعودون عليه، و يشوف طريقتنا حتى تبقى الصيدلية ناجحة ما تفشل عنده، راح يبقى مدة بعدين نعوفها و نروح
ثاني يوم كعدت و بدلت و حطيت مكياج خفيف و اخذت القلادة وياي، و اخذنا بابا اني و ماما رحنا تحاليل و فحوصات كملنا نروح ناخذ علاج لي و الماما، كلتها بالكذب طلع صدك عندي فقر دم، رحنا للصيدلية
عبود: احمد بدأ يطلع بالصيدلية الجديده ياخذ نضامهم، و اني اعلم زيد على نظامنا، كاعد ارتب بالرف و زيد يصفح بموبايله
رغد: دخلت بس ماكو، لا احمد لا عبود و اكو ولد جديد!
ام رغد: السلام عليكم
زيد: و عليكم السلام ورحمة، تفضلي خالة
YOU ARE READING
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
