نزلنا للدكتور كالو طالع، يبوو هسه هذا وين راح منو يفهمنا على العلاج ماما تعرفين للعلاج لو لا؟
ام رغد: لا تعاي نروح للصيدلية هم الي ينطونة اكيد يعرفون الاستخدام
رغد: يعني راح ارجع اشوفهم، ما اعرف ليش من اشوفهم ارتبك؟!
مواجهة العوسق 5.
رغد: يي يلة ماما تعاي نروح هاي الصيدلية
احمد: همست العبود، عبود شوف منو بالباب
عبود: درت وجهي هاي شنو! هم رغد اليوم الحض كاعد، كل شوي تطلع بوجهي
ام رغد: السلام عليكم
احمد و عبود: نفس الوقت و عليكم السلام ورحمة تفضلو
ام رغد: هذا العلاج اخذته بنتي منكم، بس ممكن تكتبو الأوقات و الجرعه
أحمد: يي تدللين خالة انطيني، و بقيت اشرح الهة على الأوقات، و كمية الجرعه، وكعت مني الادوية و لميتها، اعتذر خالة
ام رغد: لا عادي خالة ما صار شي، كمل
عبود: ما كدرت انزل عيني من رغد
رغد: منتبها لكلام احمد، لعلاج ماما و رفعت عيني شوي اباوع العبود، صارت عيني بعينه «احجي مع نفسي» ادري اعيونك بيهن مغناطيس اكول ما ادور لك بس ما اكدر الة اباوع
ام رغد: شكراً خالة تعبتك.
احمد: لا ولو احنا بخدمتكم
ام رغد: الله يخليكم، ماما رغد اتصلي بفارس آخر مرة بلكي يكون قريب منا حتى يوصلنا للبيت
رغد: ماما اتصل عليه ما يرد لا هو ولا بابا
احمد: سمعتهم و هم طالعين يحجون بعدهم ما طالعين كلت خلي اسوي معروف لعبود، خالة خالة
ام رغد: رجعت الولد يريد يحجي شي؟
احمد: خالة وين بيتكم؟
ام رغد: كذا و كذا بس ليش السؤال؟!
عبود: اني صافن، احمد شنو يريد يسوي؟
احمد: خالة سمعتكم بدون قصد، تردون ترجعون بس فارس ما يرد عليكم، احنا منطقتنا مو بعيدة عليكم، بس اني قبل شويه اجيت عبدالله يريد يرجع هسه كال تعبان شوي بوقتها يوصلكم بطريقة، عندك اعتراض عبود؟
عبود: ولله طلعت مو قليل يا احمد! و اني اكول شنو يريد يسوي، لاا اكيد يدللون خالة اني منطقتي مو بعيدة عليكم بطريقة اوصلكم و اني مثل ابنج ان شاء الله.
ام رغد: لا ابني خاف نتعبك هسه ناخذ تكسي و نرجع
عبود. لا ولو خالة انتي مبين عليج تعبانه مو مال توكفين تاخذون تكسي، تفضلو وياي و تعبكم راحة
ام رغد: تسلمون ربي يحفظكم ان شاء الله
و رحت شغلت السياره و صعدو هي و أمها بالمقعد الخلفي، مو اشتغل عندهن سايق يلة مقبولة، و اني اسوق بين دقايق و دقايق اباوع على رغد بالمرأة بس هي ما منتبهة
رغد: اهمس لماما لو ماخذين تكسي مو احسن، هسه اكيد فارس يبقى يحجي لحد ما يندمني على اليوم الي صرت بيه
عبود: اسمعها شنو تكول بس هي مو ما متزوجة منو هذا فارس! الي خايفه من كلامه؟
ام رغد: انتي مو تصلتي عليه و هو ما رد
رغد: يي
عبود: احم خالة، عود اذا حجة فارس كولو له اتصلنا عليك انت ما منتبه الموبايلك، انتبه الموبايلك يلة تحجي و الي وصلكم هم مثل ابنج ان شاء الله ماكو فرق
رغد: سمعته شلون يحجي على فارس عبالك يعرفه، مهمل من ناحية الموبايل ابتسمت
ام رغد: الله يسلمك ان شاء الله، يي ولله يا خالة هو من هاي الناحية ابد مو نبه الموبايله
عبود: شفتها بتسمت يا الله شكد تنحب هاي البنت بريئه، «اللهم اني صائم» يي خالة حتى بعد ينتبه مو يعرف بس يحجي اذا واحد وصلكم للبيت، «احجي مع نفسي» شو اخذت على الجو احسب نفسي واحد منهم!
ام رغد: تعرف اخ و يغار على اخته
عبود: يي هسه رتاحيت يعني طلع فارس اخوها، لله يحفظهم لج ان شاء الله
ام رغد: هاي وصلنا، تسلم ما قصرت الله يسعدك، نزلت
رغد: نزلت بعد ماما كلت له شكرا بس كوة حجيتها، خجلت منه هواي ما اعرف ليش
عبود: انتي بالأخص تدللين، طلعت من كل قلبي
رغد: كمل حجي سديت باب السيارة، و دكينا الباب فتحت النا الخاتون مريم
مريم: عمة وين كنتو خير شكو من الصبح؟
رغد: يا صبح ترا الساعة بـ١١ و نص هاي الشمس كلها، و تكولين صبح، رحت الغرفتي تعبانه من الصيام كبل نمت
ام رغد: مريم ماكو شي بس شوي كلبي وجعني الصبح رحنا للمستشفى، اني و رغد لئن محد رد علينا لا عمج ولا زوجج
مريم: سلامتج عمة ما تشوفين شر ان شاء الله
ام رغد: رحت انام حتى ارتاح
عبود: طلعت من المنطقة، اتصل علية احمد عبالك موقت لي!
أحمد: الوو ها عبودي شلونك؟
عبود: بخير بوجودك ولله
احمد: انت لا تصدك و تروح للبيت، تأخرت تعال ارجع للصيدلية
عبود: انت مو كلت اني رايح للبيت؟ خليني اروح
أحمد: هااا يعني ما يسوة لك زين، خليتك توصلهم بنفسك
عبود: لاا لاا دلل جاي، مسافت الطريق وصلت للصيدلية
ها رجعت ارتاح
أحمد: و غصباً عليك المفروض هسه اني ارجع، بعد ما دبرت لك هذا المشوار تشكرني و تكول لي، ارتاح اليوم
عبود: لا ولله الساعه بـ ١١ وين رايح ابقى وحدي، مو خاف يصير عليه شي و اني امانه عندك
أحمد: عشتوو امانه امانه
عبود: احمد ما شفت هويتي حطيتها هنا؟ من كنت ارتب بالرفوف
أحمد: انت أمانه عندي مو هويتك، بس لاااا
عبود: شكو احمد
احمد: طشرت علاجات ام رغد هنا على الرف، و سحبتهن كلهن ما شلت واحد واحد بعد لو عندهم مع العلاج، او شوف وين انت حاطها
عبود: احمد ولله اذا ضامهة و هذا مقلب، افجر الصيدليه على راسك
YOU ARE READING
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
