رغد: لازم تحجين كل شي اليوم و بعدها، اخلص من الماضي، الي صار سنين وياي لحد ما جنني، درت وجهي و شفته اول مره بعد سنه.
عبود: شنو هاي الظاهر كانت منتظرة اجي، دارت شنوو رغد هاي انتي؟!
رغد: يي اني ليش ما متوقع تشوفني بعد، عبود ليش عفتني بهذاك اليوم وحدي هناك بس درت وجهي دقايق ما لكيتك بقيت منتظرتك للمغرب بس انت ما جيت؟
عبود: اضطريت يا رغد
رغد: ليش لئن بابا هددك، و فارس هدد احمد
عبود: يي صحيح، شلون عرفتي؟
رغد: و انت اتفقت مع فارس، اذا اعرف الحقيقة ترجع يعني شنو، مثلا خاف اكرهك اذا عرفت حقيقتك القذرة، هيج اتفقت مع فارس لو خاف انهار و انكسر، مو انت من البدايه كنت ناوي تعوفني و تروح «تكسر قلبي و ثقتي» و تروح بعد ليش هيج سويت، انت ما حبيتني و لا تعرف شنو يعني الحب، تعرف بس الضحك على الناس، يعني مثل ما ضحكت علية
عبود: رغد!
رغد: بعدني ما خلصت كلامي، سبع اشهر يومية اني أنتظرك بالحديقة، كلت خاف يجي عبود و ما يلكاني، و يزعل او يضوج لحد ما عرف فارس اني اروح للحديقة، بعد ما خلاني اطلع صارت بيه حالة نفسي يعني؛ «تخبلت» و هذا كله بسببك، او بسبب غبائي و ثقتي الزايد بيك، و بعد ما تشافيت رجع طاري عبود بيتنا سمعت بابا و فارس يسولفون، و دخلت و سألت فارس و عرفت كل شي، طلعت له القلادة الي انطاني ياهة قبل سنه و نص، و هاي بعدني محتفظة بيهة كولت اكيد راح يرجع عبود، خاف يسألني عليها ما لازم تضيع مني حافظت عليها، و كلت يرجع عبود و مصدكة عبود يحبني، طلعت بحياتي فجأة و خربتها و طلعت منها، و هدمت حياتي، و ما سألت و لا اجيت ليش؟ لئن انت اصلآ ما عندك قلب و شنو ذنبي اني، اذا حبيت واحد ما عنده قلب و ما عنده اخلاق، نزلت دموعي ما كدرت امنعهن تقدمت عليه، سنه كامله و اني يومية اطلع هاي القلادة و ابقى ابجي سنه كامله حطيتها بايده
عبود: هذا كله صار بيج بسبي الله ياخذني «احجي مع نفسي» تقدمت حطت بيدي القلادة!
رغد: انت ليش ضجت؟ اني اليوم اجيت اخلص القصة من أساسها، كافي عليه الي راح، و دكتور كال ملازم يصير علية ضغط نفسي، لئن ترجع حالتي مثل قبل«اتخبل»
عبود: شنو تقصد تخلص القصة من أساسها؟
رغد: كولت له تعرف طائر العوسق؟ انت وياه تتشابهون، اذا ما تعرفة انصحك اعرف نفسك، انت ما تعرف شنو معنى تكسر شخص، رجعت كم خطوة منه
عبود: رجعت كم خطوة بتعدت مني!
رغد: طلعت المسدس، هيج راح ينتهي كل شي بينه.
عبود: طلعت مسدس من جوة عبايتها! رغد اذا انت تردين تقتليني ما راح امنعج ابد.
ام عبود: لا رغد لا، الله يخليج لا تحرميني من ابني، و وحيدي بهاي الدنيا
YOU ARE READING
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
