Fatal Attraction 3: La Impostora

Chapter 22

NAGTUNGO SI Wilson at Sasahh sa Sta. Barbara, sa Hacienda Costa para puntahan ang mga kapatid nito na magdiriwang ng 5th birthday bukas. Masayang-masaya si Sasahh na makasama ang mga kapatid. Ngayong alam na niya ang totoo, mas magkakaroon ng oras si Sasahh para makasama ang mga kapatid nito. Siya mismo ang magbibigay niyon sa mahal niya.

He's still can't believe that this is happening. Nakakasama niya ulit si Sasahh. Buhay ito. At mas masaya dahil ngayon ay tanggap na siya nito. Mahal siya nito. Hindi katulad noon na lagi siyang ipinagtatabuyan. Sinasabing hindi siya nito mahal pero iba naman ang nararamdaman niya sa tuwing magsisiping sila.

Habang nakaupo sa ranch picnic wooden table, may ngiti sa labing nakamasid si Wilson sa mga bata na aliw na aliw sa pagsakay sa buriko kasama si Ryke, ang kapatid ni Sasahh at ang mga anak ni Alford at Lyca. Inaalalayan ito ng ilan sa mga hostelero ng asyenda.

"Look at us now, dude. Once upon a time, we've been ogling scantily clad babes while enjoying whiskey on the rocks. But now, we are looking after toddlers while enjoying this..." Tinitigan ni Alford ang hawak na makulay na popsicle.

"This colorful popsicle." Dinilaan nito iyon mula ilalim hanggang sa dulo.

"Mukhang nagsisisi ka, ah? Want to go with me later? Pupunta ako ng club," ani Charles na kasama nila. Pinsan ni Alford na siyang namamahala ng buong asyenda.

"Never mind. Wala akong sinasabing nagsisisi ako. Kahit kailan, hinding-hindi ko pagsisisihan ang buhay na pinili ko. Lyca and that sea urchins are the sole source of happiness. Ikaw, tigilan mo na ang pagpunta ng club. Kaya ka nagkakatulo."

"Gagu!" Humalakhak si Charles.

"I only went to high-end clubs where only serves top-shelf geishas and top-shelf liquor. Clean and classy."

Ang nangingiting si Wilson ay natigilan nang mabalingan si Sasahh at Mitchell na seryosong nag-uusap. Pati sa bakasyon nila ay nang-iistorbo ang doktor na ito. Dapat ay nag-e-enjoy si Sasahh kasama ang mga kapatid pero ito, seryosong nakikipag-usap kay Mitchell. Sumunod ang lalaki sa kanila ngayon lang sakay ng chopper nito.

Tumingin si Mitchell sa direksiyon nila na sinundan naman ni Sasahh. Kapansin-pansin ang pagbuntong-hininga ng lalaki bago ibinalik ang tingin kay Sasahh.

Nagsalubong ang mga kilay ni Wilson nang makita ang paghawak ni Mitchell sa braso ni Sasahh habang matamang nakatitig sa mga mata. Hindi na nakatiis pa si Wilson, tumayo siya para lapitan ang dalawa.

"Hey, hey, hey!" Pigil ni Alford kay Wilson nang mapansin na rin ang pagkayamot ng kaibigan.

"Lalapitan ko lang. Ipapaalam ko lang sa lalaking ito kung hanggang saan lang dapat ang limitasyon niya."

Inayos ni Wilson ang pagkakasuot ng abuhing T-shirt kahit maayos naman iyon. Pero ang paglapit niya ay hindi na natuloy nang makitang naglakad na ang dalawa patungo sa kanilang kinaroroonan.

Agad na ipinaikot ni Wilson ang braso sa baywang ni Sasahh hustong makalapit ito.

"Aalis na ba siya?"

"Oo, pero sasama muna ako sa kanya."

"What? No way! Oras niyo 'to ng mga kapatid mo at oras natin ng anak natin!" Agad na nag-init ang ulo niya.

"Wilson, importante lang talaga 'to. Babalik ako bukas nang umaga rin. May kailangan lang akong puntahan."

"I'll go with you then."

"Hindi na!"

"Akala ko ba kasama na ako sa plano? Why are you canceling me out?"

"Of course not. Kung sasama ka kasi sa 'kin ngayon, paano si Ryke?"